Malilo 4:19 - Chiyawo Bible

¹⁹ Ŵandu ŵiŵatutopolagawo ŵaliji ŵakuwutuka mnope kupunda cijuni ca nyanga jaguluka mwinani. Ŵatutopwele mwitumbi, ni ŵatusisimwisye mcipululu kuti atuwulaje.

Malilo 4:19 Iomraidhean Croise

Yelemiya 16:16

AMBUJE akuŵeceta kuti, “Tinjaŵilanga amagongo ŵajinji ŵamti mpela ŵandu ŵakuwulaga somba, ni tacakamula ŵanduŵa mpela somba. Kaneko tinjaŵilanga soni amagongo ŵane ŵajinji ŵamti mpela ŵakusakula yinyama kuti akasakule ŵanduŵa ku matumbi, m'mikuli nambo soni mu mbanga sya m'malwala.

Yelemiya 4:13

Mlole, amagongo akwisa mwakuwutuka mpela mawunde, mageleta gawo ga ngondo gakuwutuka mpela cimbunga. Mahaci gawo gali ŵakuwutuka mnope kupunda cijuni cakolanjidwa kuti nyanga. Kongwene, tujonasice!

Malilo 1:13

“Ŵatumisye moto kutyocela kwinani, ni wanjocile mkati mwangu. Ŵambicile lwawu kuti ndanjile ni nagwile pasi. Kaneko ŵandesile ndili mkupikana kupweteka.

Hoseya 8:1

AMBUJE akuŵeceta kuti, “Mlisye lipenga! Amagongo akwika pacilambo ca AMBUJE mpela ngwasi penani pa nyama. Ŵandu ŵangu ajasile cilanga* cangu, soni alemwecesye majiganyo gangu.

Hoseya 8:3

Aisalaeli akanile yele yili yambone. Ali ni ligongo lyakwe tacatoposya.

Lefitiko 26:36

“Jemanja tinjimpa mtima wawoga, ndaŵi jitimciŵa mcilambo ca cilendo. Timcilitila lisegwe lya lisamba lyakuguluka ni mbepo. Timcitila mpela mundu atenda kumtoposya ku ngondo, nipo timcigwa pasi pali pangali mundu jwakumwutusya.

Amosi 2:14

Atamose mundu jwakuwutuka mnope ngasapakombola kutila; ŵamacili mnope ngisaŵa soni ni macili, nipo asilikali ngasapakombola kulupusya ma umi gawo.

Habakuku 1:8

“Mahaci gawo gali gakuwutuka mnope kupunda yisuŵi, soni gakogoya kupunda masogo gagali ni sala. Acalume ŵakwela mahaci ŵayice kutyocela kwakutalika ali akwesile mahacigo. Ŵajendaga mpela nyanga jakusosa kamula nyama.

Detulonomo 28:49

AMBUJE takatumisye ŵandu ŵa cilendo ŵakumbesi kwa cilambo, ŵele ŵimkakucimanyilila ciŵeceto cawo kuti tamenyane ngondo ni jemanja. Takatule pa jemanja mpela cijuni cakukolanjidwa kuti kapungu.