Malilo 4:18 - Chiyawo Bible

¹⁸ Amagongo ŵagambaga kutulola uwe, mwamti nganitujendaga m'misewu. Masiku getu gamasile; ni kuti mbesi jaliji jili jiyice.

Malilo 4:18 Iomraidhean Croise

Yobu 10:16

Naga ngulilimbisya mtima, ŵalakwe akusaŵa mpela lisimba lyakusakula, akusasaka kunjogoya ni macili gawo.

Masalimo 140:11

Akasakunda kuti jwakonanga mbili ja mjakwe atamilicice pa cilambo capasi. Cakusakala cimyicilile mundu jwa ngalwe mpaka kumjonanga.

Yelemiya 1:12

AMBUJE ŵaŵecete ni une acitiji kuti, “Mlolite cenene. Une tinamlosye kuti yitendekwe yinasasile.”

Yelemiya 16:16

AMBUJE akuŵeceta kuti, “Tinjaŵilanga amagongo ŵajinji ŵamti mpela ŵandu ŵakuwulaga somba, ni tacakamula ŵanduŵa mpela somba. Kaneko tinjaŵilanga soni amagongo ŵane ŵajinji ŵamti mpela ŵakusakula yinyama kuti akasakule ŵanduŵa ku matumbi, m'mikuli nambo soni mu mbanga sya m'malwala.

Yelemiya 37:13

Pandaŵi jiŵayice pa Cipata ca Benjamini, mlonda jwine jwa pelepo, jwakolanjidwa Iliya, mwanace jwa Shelemiya, mwanace jwa Hananiya, ŵamkamwile Yelemiya ni jwatite kuti, “Ana mkutilila kwa Ababiloni, ngaŵa myoyo?”

Yelemiya 5:31

Ŵakulocesya ŵa unami soni ŵakutaga mbopesi akukamulana nawo. Nambope ŵandu ŵangu akunonyela iyoyo. Ana timcitenda cici pitijiciyika ndaŵi jakumalisya?

Yelemiya 51:33

Mwangakaŵilisya tiŵawulaje wosopewo ni kwapondaponda mpela tiligu pa malo gakupwagulila tiligujo. Une AMBUJE Ŵamaciligosope, Mlungu jwa Aisalaeli, mbecete.”

Malilo 3:52

“Mbele ndili mkusakulidwa mpela cijuni ni amagongo ŵangu ŵakuŵenga une atamose nganinalemwecesya.

Esek 12:27

“M'mwe mwanace jwa mundu, Aisalaeli akuŵeceta kuti mesomkulola genu ni yakulocesya yenu yili ya ndaŵi ja kusogolo mnope.

Amosi 8:2

AMBUJE ŵambusisye kuti, “Amosi, ana cici cimkuciwonaci?” Une najanjile kuti, “Lukalala lwa yisogosi.” Kaneko AMBUJE ŵasalile kuti, “Ndaŵi jakumalisya pa ŵandu ŵangu Aisalaeli jikwanile. Nginjenga soni nganisyo syangu pa yakwapa jemanjajo cilango.

1 Sam 24:14

Ana mwenye jwa Aisalaeli akusosa kumwulaga nduni? Ana akusosa kumkamula nduni? Nambo nditu akusosasosa une m'mbwa jewe, litekenya!