Malilo 4:16 - Chiyawo Bible

¹⁶ AMBUJE nganakola soni mtima ŵakwasamala jemanjajo; ni ligongo lyakwe ŵapwilingenye jemanjajo msyene. Nganiŵacimbicisya ŵakutaga mbopesi ni ŵakulamula ŵetu.

Malilo 4:16 Iomraidhean Croise

Genesesi 49:7

Malweso gayicilile jemanjajo, ligongo kutumbila kwawo kuli kwakogoya mnope, ukali wawo soni ulwesece, ligongo jelejo ni ngalwe. Tinjagaŵanya jemanjajo, mcilambo cosope ca Isalaeli. Tinjamwasanya pasikati, pa mitundu ja ŵandu ŵa ku Isalaeli.

2 Mbi 36:17

Myoyo AMBUJE ŵamtumile mwenye jwa ku Babiloniya kuti ajawule kumenyana ni ŵandu ŵa ku Yelusalemu, nipo Nebukadinesa ŵawuleje acacanda ŵa ku Yuda ŵiŵaliji m'Nyumba ja AMBUJE ni upanga. Ŵelewo nganakola canasa ni mundu jwalijose, mwanace kapena jwamkulungwa, ŵalume kapena ŵakongwe, ŵakulwala kapena ŵamlama. Mlungu ŵapelece wosopeŵa myala mwa Nebukadinesawo.

Masalimo 106:27

Ni taciyipwilinganya yisukulu yawo pasikati pa mitundu jine ja ŵandu, ni kuyipwilinganyicisya myilambo yosope.

Masalimo 106:44

Nambo AMBUJE ŵakamucisye pa yisawusyo, pa ndaŵi jiŵapikene kulila kwawo.

Yesaya 24:2

Wosope taciyiwona yisawusyo yakulandana, yitaciyiwona ŵakutaga mbopesi iyoyo soni ŵandu wosope, yitaciyiwona acikapolo ŵalume iyoyo soni ambujegwe ŵalume, yitaciyiwona acikapolo ŵakongwe iyoyo soni ambujegwe ŵakongwe, yitaciyiwona ŵakusuma iyoyo soni ŵakusumisya, yitaciyiwona ŵakwasimisya yindu iyoyo soni ŵakwasima, yitaciyiwona ŵakupeleka mbiya iyoyo soni ŵakupocela mbiya.

Yesaya 47:6

Natumbilile ŵandu ŵangu, nanyosisye mpela nganaŵa ŵandu ŵangu. Napelece m'miyala mwenu, nipo wawo nganiŵatendela canasa. Ngalamba mwasitamikaga mwa ngalwe mnope.

Yelemiya 15:4

Tinjatendekasya jemanjajo kuŵa cindu cakutesya mselu kwa ŵandu wosope ŵa pa cilambo ligongo lya yele yiŵatesile ŵanace ŵacalume ŵa Hesekiya ku Yelusalemu pa ndaŵi jiŵaliji mwenye jwa ku Yuda.”

Yelemiya 24:9

Tinjatendekasya jemanjajo kuŵa cindu cakunyalaya kwa ŵandu ŵa m'ma ucimwene wosope pa cilambo capasi, cindu cakuciseka ni celwesece kulikose kutinjabalalikanganyicisya.

Yelemiya 52:24

Sambano Nebusaladani, jwamkulungwa jwa asilikali jula ŵamkamwile Selaya jwamkulungwa jwa ŵakutaga mbopesi* ni Sefaniya, jwaŵili kwa jwamkulungwa jwa ŵakutaga mbopesi ni acilonda ŵatatu ŵa pa cipata.

Malilo 2:20

Alole AMBUJE! Ana ligongo cici akutupa cilango camti myiyi? Acakongwe akulya ŵanace ŵawo ŵiŵanonyelaga mnope! Ŵakutaga mbopesi ni ŵakulocesya agamba kuwulajidwa m'Majumba gakulambila.

Malilo 2:6

Ŵapasulenye Nyumba jakwe jele jitwapopelelaga ŵalakwewo; AMBUJE ŵamasisye masiku gakusangalala ni masiku gakupumula ga Ayuda. Ni lutumbilo lwakwe ŵakanile ayimwene ni ŵakutaga mbopesi.

Malilo 5:12

Ŵakulamula ŵetu ŵajigele ni kuja kwakoleka pakwataŵilila makono gawo; soni acakulungwa ŵetu ngakwacimbicisya kose.

Esek 5:10

Ligongo lya yeleyi, acinangolo ŵa mu Yelusalemu tacilyaga ŵanace ŵawo, nipo ŵanace tacilyaga acinangolo ŵawo. Tinjimpa cilango jemanja nipo ŵakusigala tinjamwasila mbali syosope.

Detulonomo 28:25

“AMBUJE, tacakunda amagongo ŵenu kuti ampunde jemanja pa ngondo. Pakwawula kuja kuputa ngondo timcipitila litala limo, nambo pakwatila amagongo ŵenuwo, timcibalalikangana mbali syosope, ni ŵandu wosope ŵa pacilambo capasi, tiwucakamula woga pitaciyiwona yindu yimtendecele jemanja.

Detulonomo 32:26

Sacileje kuti najonanje ŵandu wosopewo, kuti ŵandu ŵa pacilambo capasi pano akasiŵakumbucila amta jumo.

Ŵaeblania 8:9

Ngasiciŵa mpela cilanga cinatesile ni acinangolo ŵawo lisiku linakamwile pa mkono ni kwakoposya mcilambo ca Iguputo. Ligongo jemanjajo nganasunga cilanga cangu cila, none soni nganinasamala jemanjajo.