Malilo 4:14 - Chiyawo Bible

¹⁴ Ŵakulamula ŵawo ŵagambaga kwendajenda m'misewu mpela ŵangalola, myoyo ŵalipacile miasi mwamti paliji pangali mundu jwalijose jwamti mpaka ŵakwaye.

Malilo 4:14 Iomraidhean Croise

Yesaya 1:15

“Naga mkuganyakula makono genu ni kupopela, une ngisindola kweleko. Atamose mpopele camtuli, une ngisimbikanila, ligongo m'myala mwenu mugumbele miasi.

Yesaya 56:10

Acimlongola wosope ŵa Isalaeli ali ŵatatale, wosopewo ali ŵangali umanyilisi kose. Ali mpela m'mbwa syangakoposya liloŵe, soni syangakombola kuguma. Sikusagamba gona ni kusagamilaga, kulunonyela lugono.

Yelemiya 2:34

Yakuwala yenu yicejele ni miasi ja ŵandu ŵakulaga ŵangalemwa. Jemanja nginimwasimana ŵanduwo ali mkasanya majumba. “Atamose kuti yindu yili myoyo,

Yelemiya 26:8

Yelemiya piŵamasile kuŵeceta yiŵamsalile AMBUJE kuti ŵasalile ŵandu wosope, ŵakulocesya, ŵambopesi ni ŵandu wosopewo ŵamkamwile jwalakwejo, ni kumsalila kuti, “Mkwenela kuwulajidwa.

Esek 23:45

Nambo lisiku line ŵandu ŵakulungamika tacajimba ŵanduwo magambo ga cikululu ni gakuwulaga acimjawo. Yakuwona kusyene kuti jemanjajo ŵacikululu, soni m'myala mwawo miasi jili psyu.”

Hoseya 4:2

Jemanjajo akulumbila mwakulambusya, kuŵeceta ya unami, kuwulaga, kwiŵa ni kutenda cikululu. Ulemwa* wawo utesile kupunda mwakuti agamba kuwulagana acimsyenepe.

Sefaniya 1:17

AMBUJE akuti, “Pa ligongo lyakuti ŵanduwo ŵandemwecesye, tinjasawusya kwakogoya mwakuti tacijendaga mpela ŵangalola. Miasi jawo tijicipungulidwa mpela mesi, nipo yilu yawo tiyicigamba kuŵa mbwee, ni kuwolaga mpela ndoŵe.”

Numeli 19:16

Naga mundu jwine akumkwaya mundu jwawulajidwe kapena kuwa mwakuwila ŵandu ŵane wosope, kapena naga jwine akukwaya liwupa lya mundu kapena lilembe, akuŵa jwamsakale kwa masiku msano ni gaŵili.

Numeli 35:33

Naga kwamba kutenda yeleyi nikuti mjonasile cilambo cimkutamaco. Yeleyi yili myiyi ligongo miasi jikusajonangaga cilambo, ni kuti cilambo ciŵe cangajonasika pakusosekwa jwawuleje mjakwejo awulajidwe soni nombe najo.

Matayo 15:14

“Mwaleceni, jemanjaji ali ŵakulongolela ŵandu ŵangalola. Naga mundu jwangalola akumlongolela jwangalola mjakwe, wosopewo tacigwila mwisimbo.”

Ŵaefeso 4:18

Lunda lwawo lwatesile cidima, nipo nganakola mbali mu umi wakupeleka Mlungu ligongo lya ungamanyilila wele wayice kwa jemanjajo ligongo lya kulimba mtima kwawo.