Malilo 4:13 - Chiyawo Bible

¹³ Nambo ayi yatendecekwe ligongo lya ulemwa* ŵa ŵakulocesya ni ŵakutaga mbopesi ŵawo ni ŵiŵatendesye ciwa ca ŵandu ŵangalemwa.

Malilo 4:13 Iomraidhean Croise

Yelemiya 14:14

Nambo AMBUJE ŵanjanjile kuti, “Yakuti ŵakulocesyawo akusalocesya mu lina lyangu, yili ya unami yeleyo. Une nganinasagula, soni nganinatuma kapena kuŵeceta nawo. Jemanjajo akusalocesyaga yindu ya unami yele yakusatiji kuti ŵayiweni m'mesomkulola. Akusalondola yisango ya unami, yele yakusaŵeceta ya unami yagamba kuyiganicisya acimsyenewo m'mitwe mwawo.

Yelemiya 2:20

AMBUJE Mlungu akuŵeceta kuti, “Kutyocela kalakala jemanja Aisalaeli mwanganile une, ni kukasa mkamulano uwapali sikati ja jemanja ni une. Jemanja mwatite kuti, ngitumtumicila; jemanja mŵele mpela jwamkongwe jwa lilama, mkujilambila milungu jine pakutenda ya lilama petumbi lililyose soni pasi pa citela cakutenjela cilicose.

Yelemiya 2:30

Mpela mulikusatendela lisimba lya ukali, jemanja mwawuleje ŵakulocesya ŵenu ni upanga.

Yelemiya 5:31

Ŵakulocesya ŵa unami soni ŵakutaga mbopesi akukamulana nawo. Nambope ŵandu ŵangu akunonyela iyoyo. Ana timcitenda cici pitijiciyika ndaŵi jakumalisya?

Yelemiya 6:13

Pakuti wosope ŵacinandipile ni acakulungwa ŵakwe, akulinjilila kupata mbiya kupitila mu matala gangakulupicika; atamose ŵakulocesya ni ŵakutaga mbopesi ŵawo ali ŵa unami.

Malilo 2:14

Ŵakulocesya ŵenu agamba kumsalila ya unami ligongo nginakola yindu yakusala; Yakulalicila yawo yamlambwisye m'mwejo pangasala ulemwa* wenu. Ŵamtesile kuti mganisyeje kuti m'mwejo ngamkwenela kupesya ulemwa wenu.

Esek 11:6

Mwawuleje ŵandu ŵajinji mu msinda muno, mwamti misewu josope jigumbele ni mitembo.

Esek 22:25

Ŵakulongolela ŵakwe ali mpela masimba gagakutuluma pakamula nyama. Akusawulaga ŵandu, ni kwasumula yipanje ni yindu ya mtengo wapenani, ni ligongo lyakuwulaga kwawo akusaleka acakongwe ŵajinji ŵamasije.

Matayo 23:31

Pakutenda myoyopo, mkwiticisya mwacimsyene kuti jemanja mli yisukulu ya ŵandu ŵiŵawuleje ŵakulocesyawo.

Masengo 7:52

Ana pana jwakulocesya jwamkanamsawusya acinangolo ŵenu? Jemanjajo ŵawuleje ŵandu ŵiŵaliji mkusala yakwisa kwakwe kwa jwakulungama jula. Sambano jemanja mwampelece kwa amagongo ŵakwe ni kumwulaga.