Malilo 4:11 - Chiyawo Bible

¹¹ AMBUJE ŵatumbile mnope, ni ŵatulwisye lutumbilo lwawo pasi; ni ŵapambile moto mu Siyoni ni wajonasile msindawo mpaka ni litaka lyakwe.

Malilo 4:11 Iomraidhean Croise

Yesaya 51:20

Ŵanace ŵenu akomwece, agonile m'matala gosope mpela ndandala syetanjile m'malwawu. Lutumbilo lwa AMBUJE lyagwilile, ni kwamuka kwakwe.

Yelemiya 13:14

Kaneko tinjagundanisya jemanjajo mitwe kuti akasane acimsyenepe, acatati ni ŵanace ŵawo. Ngasinatendela canasa, kapena kwakululucila mpaka ndili najonasile basi.”

Yelemiya 17:27

Nambo naga ngimkupikanila, ni kuleka kulisunga lisiku lyakupumula kuti liŵe lyakusaguka, nambo soni naga mkunyakula katundu jwalijose ni kwinjilaga pa yipata ya Yelusalemu pa lisiku lyakupumula, ni kuti tinjicoma yipatayo ni moto. Moto tiwucitinisya nyumba sya ucimwene sya ku Yelusalemu, moto wakwe tiwuciŵa wangakomboleka kuwusimisya.”

Yelemiya 21:14

Tinjimpa cilango pakukuya masengo ga jemanja. Tinjicoma moto ma ukweti genu, moto tiwucitinisya yosope yayimsyungulile jemanja, Une AMBUJE nguŵeceta myoyo.”

Yelemiya 36:7

Mwine mwakwe tacipopela kwa AMBUJE, nipo mundu jwalijose tacileka ndamo syakwe syakusakala. AMBUJE ŵatumbilile ŵandu ŵeleŵa, ukali wakwe uli wakogoya mnope.”

Yelemiya 7:20

Ali ni ligongo lyakwe tinjapa cilango cakogoya mwa ukali. Lutumbilo lwangu tilucigwila pa nyumba janguji, ŵandu, nyama, yitela ni mbeju syakwe. Lutumbilolo tilucikolela mpela moto wangakomboleka kuwusima.”

Malilo 2:1

AMBUJE* ni lutumbilo lwakwe awunicile Siyoni* ni cipi. Kusalala kwakwe kwa kwinani akutesile kuŵa masame. Pa lisiku lya lutumbilo lwakwe nginajawula atamose ku Nyumba jakwe.

Malilo 2:17

AMBUJE sambano ayitesile yiŵatite kuti taciyitenda: Atujonasile uwe mwangatutendela canasa, ligongo ŵatutetele kutandila kalakala. Ŵatesile amagongo ŵetu kuti apunde, ni kwapa lukondwa ligongo lya kulepela kwetu.

Malilo 2:3

Ni kupya mtima kwakwe AMBUJE ŵajonasile macili ga Aisalaeli; Ŵakanile kutukamucisya ndaŵi jiŵayice amagongowo. Ŵatutumbilile uwe mpela moto, ni konanga yosope.

Malilo 2:4

Ŵalocesye mapanga gakwe kwetuwe mpela kuti ali amagongo ŵetu; Ŵawuleje wosope ŵele ŵatwalolaga mwa lukondwa. Sambano akuno ku Yelusalemu twawuweni ukali wakwe wa moto.

Malilo 2:8

AMBUJE ŵasimicisye kuti mapupa ga msinda wa Siyoni gagwe; Ŵalinjile jemanjajo kuti akole cikulupi cakuti tajonanje yosope yene. Sanja ni mapupa sambano yosope yili masame pampepe.

Malilo 4:22

Siyoni alipile ulemwa wakwe; sambano AMBUJE ngaŵa mkutuleka kuŵa mu ukapolo kwa ndaŵi jine soni. Nambo ŵandu ŵa ku Edomu, AMBUJE tacimpa cilango, ulemwa wenu taciwulosya pakulanguka.

Esek 22:31

Ni ligongo lyakwe natumbilile mnope jemanjajo, tinjajonanga kusyesyene ni lutumbilo lwangu lwakolele mpela moto ligongo lya yindu yayitesile.” AMBUJE Ŵamaciligosope aŵecete.

Esek 36:18

Napele cilango mwa ukali ligongo lya miasi ja ŵandu jiŵasulwisye jemanjajo mcilambomo, ni milungu jine jele jemanjajo ŵasakesye najo cilamboco.

Esek 6:12

Ŵele ŵali kwakutalika taciwa ni yilwele; ŵele ŵali pakuŵandika taciwa ni ngondo, ŵele ŵitacisigala taciwa ni sala. Taciluwona lutumbilo lwangu lwamacili.

Daniele 9:12

Ŵalakwe atesile yiŵaŵecetaga yakutusisya uwe, soni ya kwajamuka ŵakulamulila ŵandu.

Lefitiko 26:28

none jwakwe tinjilimbana ni jemanja mwa ukali, nipo une namsyene tinjimpa cilango cacikulungwa mnope kuyipunda yilangwa yine yosope ni kasano ni kaŵili.

Sefaniya 2:2

mkanimjigalidwe mpela matimba gakuwululuka ni mbungo, soni ukali wakogoya wa AMBUJE mkiniwumyicilile jemanja, mkaniliyice lisiku litacilosya lutumbilo lwakwe.

Sakaliya 1:6

Napele acinangolo ŵenuwo malamusi gangu kupitila mwa ŵakulocesya, nambo nganagapikanila ni ŵayiweni yakuyicisya yakwe. Kaneko ŵapesisye ulemwa wawo ni kwiticisya kuti Une, AMBUJE Ŵamaciligosope, napele jemanjajo cilango pakukuya ni ndamo syawo ni masengo gawo gakusakala.

Luka 21:22

Masiku gelego tigaciŵa masiku gakuwucisya yisawusyo kuti yosope yiyalembedwe m'Malemba yigumbalicisidwe.