Malilo 3:8 - Chiyawo Bible

⁸ Nalisile mwakwesya maloŵe kuti angamucisye, nambo Mlungu ŵakanile kumbikanila.

Malilo 3:8 Iomraidhean Croise

Yobu 19:7

Ngusagumila kuti, “Ngondo, akundagasya une!” Nambo pangali ŵakunjanga une. Ngusaŵenda cikamucisyo nambo pakusaŵa pangali ŵakundendela canasa.

Yobu 30:20

Une ngusalilila kwa wawo Mlungu, nambo ŵalakwe ŵanganjanga. Ngusapopela nambo ŵalakwe ŵangapikana lipopelo lyangu.

Masalimo 22:2

Mlungu jwangu, une ngwalilila musi, nambo ŵalakwe ngakunjanga, ngwalilila cilo, nambo nganguwusimana mtendele.

Masalimo 80:4

Ŵalakwe AMBUJE* Mlungu jwa mipingo, tagatumbilile mapopelo ga ŵandu ŵawo mpaka cakaci?

Malilo 3:43

“Lutumbilo lwawo lwalolecelwe, pa ndaŵi jiŵatutopolaga ni kutuwulaga mwangatutendela canasa.

Malilo 3:44

Ŵalakwe alisisile m'mawunde gakandapala kwele mapopelo getu ngaŵamkomboleka kwika.

Habakuku 1:2

AMBUJE, ana timbe ndili mkwaŵenda cikamucisyo kwa ndaŵi jajilewu uli, wawojo mkinatukulupusye uwe ku yiwawa?

Matayo 27:46

Sambano ndaŵi pijakwanaga ca m'ma 3 koloko, Yesu ŵagumisile ni maloŵe gamakulungwa acitiji, “Eli, Eli, lama sabakitani?” Gopolela kuti, “Mlungu jwangu, Mlungu jwangu, ligongo cici andesile?”

Luka 11:10

Pakuti jwalijose jwaŵendile ni jwakusapocela, jwakusosasosa ni jwakusasimana, soni jwakupoposya ni jwakusawugulilidwa litanga.