Malilo 3:51 - Chiyawo Bible

⁵¹ Mtima wangu ukupweteka panguyiwona yayikwatendecela acakongwe wa mu msinda wangu.

Malilo 3:51 Iomraidhean Croise

Genesesi 44:34

Ana une komboleka uli kwawula kwa baba ŵangu ndili jwangali mcandaju? Uneji ngakomboleka kupilila kuti naliwone likungu lyalikulungwa mnope lili mkwagwila baba ŵangu.”

Yelemiya 11:22

Ali ni ligongo lyakwe AMBUJE Ŵamaciligosope ŵaŵecete kuti, “Tinjapa cilango. Acacanda ŵawo taciwulajidwa ku ngondo. Ŵanace ŵawo ŵacalume ni ŵacakongwe taciwa ni sala.

Yelemiya 14:16

Ŵandu uŵalocesyele taciponyedwa m'misewu ja mu msinda wa Yelusalemu, ali awile pa ngondo kapena ni sala. Jemanjajo, aciŵamkwawo, ŵanaceŵawo ŵacalume ni ŵacakongwe, wosope taciwa, soni ngasawoneka jwakusika malilo gawo. Kusyene tinjapa cilango pakwaŵika jemanjajo mu yisawusyo yakuŵajilana ni jemanjajo mwakulingana ni ulemwa wawo.”

Yelemiya 14:18

Pandaŵi jingwenda kwitinji, ngwawona ŵandu ŵakuwulajidwa ku ngondo. Pa ndaŵi jingwinjila mu msinda, ngwawona ŵandu ŵawile ni sala. Ŵakulocesya ni ŵakutaga mbopesi akwendelecelape kutenda masengo gawo mcilambomo, nambo ngamanyilila yakutenda.”

Yelemiya 19:9

Amagongo taciwusyungulila msindawo kuti awulaje ŵandu ŵakutama mwelemo. Tacakanganicisya ŵandu ŵakutama mu msindamo kuti alye ŵanace ŵawo ŵakuliŵelecela ŵacalume ni ŵa acakongwe.’

Malilo 1:18

“Pelepo AMBUJE apakombwele, ligongo une ngininampikanila jwalakwejo. Apikane jemanja, ŵandu ŵa mitundu jine; alole kulaga kwangu. Acacanda ni ŵali ŵangu apite ku ukapolo.

Malilo 2:11

Meso gangu gapesile ni kulila; umi wangu ulasile mnope. Mu mtima mwangu mugumbele ni canasa ligongo lyakonasika kwa ŵandu ŵangu. Ŵanace ni makandi gagamba komoka m'misewu ja mu msinda.

Malilo 2:21

Acacanda ni ngalamba wosope ali gonegone m'misewu. Acacanda ni ŵali awulajidwe ni upanga wa amagongo. Mwawuleje mwangatendela canasa pa lisiku lya lutumbilo lwenu.

Malilo 3:50

mpaka AMBUJE talole pasi pano kutyocela kwinani ni kutuwona uwe mutukulajila.

Malilo 3:52

“Mbele ndili mkusakulidwa mpela cijuni ni amagongo ŵangu ŵakuŵenga une atamose nganinalemwecesya.

Malilo 5:11

Aciŵamkwetu ni ŵali ŵetu ŵakamulilaga, Petumbi lya Siyoni* ni palipose ku Yuda.