Malilo 3:3 - Chiyawo Bible

³ Ni ŵandimbaga mwakutotoganya mwangali canasa.

Malilo 3:3 Iomraidhean Croise

Yobu 16:12

Naliji pa mtendele, nipo Mlungu ŵanjanyandile une. Ŵangamwile une pa lukosi ni kuswanya yiduswayiduswa. Ŵanjimice kuti mbe mpela malo gakwe gakuponyelapo candamale.

Yobu 19:21

Conde andendele canasa, conde andendele canasa, jemanja acalongo acimjangu pakuti Mlungu angwapwile une ni yikoti.

Yobu 31:21

soni naga namjogweye mwanace jwa jwamasije, pakumanyilila kuti ku nganya ja magambo ngasasisya,

Yobu 6:4

Pakuti mipamba ja AMBUJE* Ŵamaciligosope jisomile une, nipo cilu cangu cikupikana kupweteka kwa mipambajo. Yakogoya ya Mlungu yisyungulile kuti yilimbane ni une.

Masalimo 38:2

Pakuŵa asomile une ni mipamba jawo, nipo mkono wawo undwinyicisye une pasi.

Yesaya 1:25

Tinjitambasukula ligasa lyangu kuti limbane namwe. Tinjinyelenyendula ulemwa wenu ni kuwutyosya, mpela mwakusatyocesya mkuwo ku yisyano pakukamulisya masengo mtela.

Yesaya 5:25

Ali ni ligongo lyakwe ukali wa AMBUJE wakolelele ŵandu ŵakwe. Jwalakwejo atambalalisye ligasa lyakwe pa ŵanduwo kuti ŵape cilango. Matumbi tigatenganyice, nipo mitembo ja ŵanduwo jigambile kuti mbwee mpela yiswani pasikati pa misewu. Nambo naga Mlungu atesile myoyo, lutumbilo lwawo nganilumala, ligasa lyakwe lili citambasukulile kuti ŵape cilango.

Yesaya 63:10

Nambope jemanja mwamjimucile, nikumtumbilisya Msimu Ŵaswela. Myoyo AMBUJE ŵaŵele amagongo ŵawo, nipo ŵamenyene nawo ngondo.

Detulonomo 29:20

AMBUJE ngisamkululucila mundu jwamti myoyo. M'malo mwakwe AMBUJEWO tacipya mtima nipo malweso galembedwe m'buku ajino tigacimgwila jwalakwejo, mpaka AMBUJE ali amwuleje jwalakwejo.