Malilo 3:23 - Chiyawo Bible

²³ Kundaŵi kulikose yacanasayo yawonekaga kuti yili yasambano ligongo AMBUJE ni ŵakulupicika mnope.

Malilo 3:23 Iomraidhean Croise

Ŵaeblania 10:23

Kwende tukamulisye mnope cembeceyo citukwiticisyaci, ligongo tukulupilila kuti Mlungu tacisunje cilanga cakwe.

Masalimo 30:5

Kutumbila kwawo kukusaŵa kwa kandaŵi kakajipi, nambo umbone wakwe uli wa mpaka kalakala. Misosi komboleka kucesya kugwa cilo cosope, nambo kundaŵi kukusayika kusangalala.

Yesaya 33:2

AMBUJE* mtutendele canasa, tukwakulupilila Ŵalakwe. Atucinjilicisye ni mkono wamacili lisiku ni lisiku nipo atukulupusye pa ndaŵi ja yisawusyo.

Masalimo 89:33

Nambo ngisinamtyocesya cinonyelo cangu cangamala Daudi, ngasindama jwangakulupicika kwa jwalakwe.

Masalimo 36:5

Ŵalakwe AMBUJE,* cinonyelo cawo cili cangamala, cikwika mpaka kwinani, ni kulupicika kwawo kukwika mpaka ku mawunde.

Sefaniya 3:5

Nambo AMBUJE ali ciŵela mu msindamo, akusatenda yele yili yambone ngaŵa yakusakala. Akusalamula mwakulungama kundaŵi, nambo ŵangalumbana akupitilisya kutenda yakulemwa nambo citamileco ngatenda soni.

Masalimo 146:6

Mkupanganya jwa cilambo ca kwinani ni cilambo capasi, nyasa ni yosope yayili mwelemo akusasunga cilanga* cakwe ndaŵi syosope.

Ekisodo 34:6

Ŵajesile pameso pa Mose ni ŵaŵecete mwakwesya maloŵe kuti, “Une, AMBUJE, ndili Mlungu jwa canasa, ni jwambone mtima, jwangatumbila citema, ŵakugumbala ni cinonyelo cangamala, soni jwakulupicika kwa ŵandu ŵakwe.

Ŵaeblania 6:18

Myoyo yipali yindu yiŵili, cilanga ni kulumbila,* yele yangaŵa mkomboleka kuyigalawusya, nipo Mlungu ngaŵa mkulambusya. Mwa yeleyi Mlungu ŵasacile kutulimbikasya mtima uwe ŵatwatilile kwa jwalakwe, kuti tukamulisye cembeceyo cele ciŵatuŵicile pameso petu.

Tito 1:2

Cakuwona celeci cikusapeleka cikulupi ca umi wangamala,* uŵatesile Mlungu cilanga* kwa jemanjajo cilambo mkinicipanganyidwe. Mlungu ali jwangalambusya soni jwalakwejo ngaŵa mkulambusya.

Masalimo 36:6

Kulungamika kwawo kukulolecela mpela matumbi gamalewu, kulamula kwawo kuli mpela Nyasa jakusokoka. Ŵalakwe AMBUJE akwasamalila ŵandu ni yinyama yakwe.