Malilo 3:11 - Chiyawo Bible

¹¹ Ŵandopwele mwitala, ni ŵanjekilecekile ni kundeka.

Malilo 3:11 Iomraidhean Croise

Yobu 16:7

Yakuwona, Mlungu amasile une macili, alijonasile liŵasa lyangu lyosope.

Masalimo 143:4

Ni ligongo lyakwe mtima ŵangu ulembwice mkati mwangu, mu mtima mwangu mukutenda woga.

Masalimo 50:22

“Myilolecesye cenene yeleyi, jemanja ŵimkumliŵalila Mlungu, ngupakombola kumpaculanya nipo pangali ŵitamkulupusye.

Yesaya 3:26

Myoyo pa yipata ya mu msindawo tipaciŵa kugumila ni kulila, nipo msindawo tiwuciŵa mpela jwamkongwe jwatemi pasi ali jikape jwangali kwakwinjilila.

Yelemiya 15:3

Une AMBUJE nganisisye kuti yindu mcece yakogoya mnope tiyatendecele jemanjajo: taciwulajidwa ku ngondo, yilu yawo tiyicitawunidwa ni m'mbwa, yijuni tiyicalya jemanjajo, soni yinyama ya kwitinji tiyicilya nyama jakusigalila ja jemanjajo.

Yelemiya 19:8

Msinda welewu tinjiwusandusya kuŵa malo gakunyalaya, nambo soni gakulilisya mwa woga. Jwalijose jwakupita pelepo tacinyalayidwa ni malogo nipo tacigumila mwa woga ligongo lya wonasice wakwe.

Yelemiya 32:43

Ŵandu tacisuma migunda mcilambo acino cele jemanja mkusatiji kuti masame, ligongo lyakuti ŵacipelece kwa Ababiloni.

Yelemiya 5:6

Ali ni ligongo lyakwe amagongo tacasawusya jemanjajo ni kwapaculanya mpela lisimba lya mu ukweti, nombe nago masogo ga mwitinji tigacapaculanya jemanjajo, nambo soni cisuŵi ticicipaculanya jwalijose jwakukopoka kwawula kusa kwa msinda, pakuti ulemwa wawo uli wejinji soni ndaŵi ni ndaŵi aŵele ali kumgalawucila Mlungu.

Yelemiya 6:8

Jemanja ŵandu ŵakutama mu msinda wa Yelusalemu, mkunde kuti yisawusyo yeleyi yiŵe lijiganyo kwa jemanja, kogopela kuti cinonyelo cangu pa jemanja citakumala, soni kuti mpaka niwusandusye msinda wenu kuŵa cipululu, ku malo kwele kwangatamako ŵandu.”

Malilo 1:13

“Ŵatumisye moto kutyocela kwinani, ni wanjocile mkati mwangu. Ŵambicile lwawu kuti ndanjile ni nagwile pasi. Kaneko ŵandesile ndili mkupikana kupweteka.

Malilo 3:10

Mlungu ŵanjuŵilile mpela cimbalangondo, ni ŵangulucile mwamacili mpela lisimba.

Daniele 7:23

Sambano ŵanjanjile kuti: “Cilombo camcececo cikulosya ucimwene wamcece wele wawuciwoneka pa cilambo capasi nipo tiwuciŵa wakulekangana ni ma ucimwene gane. Tiwucipunda cilambo cosope capasi ni kucipondelesya ni kucipwanya.

Hoseya 6:1

Ŵandu akuŵeceta kuti, “Kwende, tuwujile kwa AMBUJE. Atukacwile, nambope tacituposya. Atuwulesye, nambope taciposya maŵanga getu.

Mika 5:8

Wosope ŵakusigalila ŵa Yakobo taciŵa malweso pasikati pa ŵandu ŵa mitundu ja ŵandu mpela lisimba pasikati pa nyama sya mwitinji. Taciŵa mpela mwanace jwa lisimba pasikati pa likuga lya ngondolo, ŵele akusati naga asijinjilile akusasikamula ni kusipacukulanya. Pakusaŵa pali pangali ŵakusikulupusya.

Matayo 23:38

Nditu nyumba jenu jekulungwaji tijicigalawuka kuŵa masame.

Chunukuko 18:19

Ŵalitasile luwundu m'mitwe mwawo, aku ali mkulila kulosya canasa. Ŵagumilaga kuti, “Ukwete likungu, ukwete likungu msinda wakupikanikawu, msinda wele ŵandu wosope ŵakwete yombo ŵasicile mnope ni cipanje cakwe. Nambo kwandaŵi jamnono msindawu utendekwe kuŵa masame.”