Malilo 2:9 - Chiyawo Bible

⁹ Yipata ya msindawo yasililice, soni yisyano yakulisya yakwe yatemecetemece. Mwenye ni ŵakulamula ŵakwe ali ku ukapolo. Ngakwiganya soni Malamusi, nipo ŵakulocesya ŵakwe ngakutenda soni yeyila yakuyiwona yindu m'mesomkulola yakutyocela kwa AMBUJE.

Malilo 2:9 Iomraidhean Croise

2 Ayi 25:7

Myoyo ŵawuleje ŵanace ŵa Sedekiya msyene ali mkulola, nipo ŵagakolowele meso ga Sedekiya, ni ŵajawile najo ku Babiloni ali amtaŵile ni unyolo.

2 Mbi 15:3

Kwa ndaŵi jelewu Aisalaeli nganakola Mlungu jusyesyene, nganakola soni ŵakutaga mbopesi ŵakuti ŵajiganyeje jemanjajo ya Mlungu, nipo nganakola malamusi.

Nehemiya 1:3

Jemanjajo ŵanjanjile kuti, “Ŵandu ŵawusile kutyocela ku ukapolo ŵala ali pa yipwetesi yekulungwa nipo sikwatenda soni. Mapupa ga msinda wa Yelusalemu gagumwice nipo yipata yakwe yapile ni moto.”

Masalimo 74:9

Yimanyililo ya mtundu wetu yijonasice, pangali soni jwakulocesya* jwalijose, pangali jwalijose pasikati petu jwakumanyilila ndaŵi jakumalila yindu yeleyi.

Yesaya 24:12

Msinda utendekwe kuŵa wangali ŵandu, yipata yakwe yigumwice.

Yelemiya 14:14

Nambo AMBUJE ŵanjanjile kuti, “Yakuti ŵakulocesyawo akusalocesya mu lina lyangu, yili ya unami yeleyo. Une nganinasagula, soni nganinatuma kapena kuŵeceta nawo. Jemanjajo akusalocesyaga yindu ya unami yele yakusatiji kuti ŵayiweni m'mesomkulola. Akusalondola yisango ya unami, yele yakusaŵeceta ya unami yagamba kuyiganicisya acimsyenewo m'mitwe mwawo.

Yelemiya 23:16

AMBUJE Ŵamaciligosope akwasalila ŵandu kuti: “Mkayipikanila yakuŵeceta ŵakulocesya, pakuti jemanjajo akusalocesya ya unami. Yele yakusamsalila jemanja kuti akuyiwona kupitila m'mesomkulola sili nganisyo syawo, mwakuti yeleyo nganiyiŵa yakuŵecetedwa ni AMBUJE.

Yelemiya 39:2

Mcaka ca likumi ni cimo ca ucimwene wa Sedekiya, mwesi wa mcece, pa lisiku lya msano ni mcece lya mwesi welewo, mapupa gakuwusyungulila msindawo gapowoledwe.

Yelemiya 39:8

Ababiloniya ŵajocile moto nyumba ja mwenye, Nyumba ja AMBUJE* pamo ni nyumba syosope syene sya ŵandu. Ni ŵagwisisye mapupa gosope ga Yelusalemu.

Yelemiya 51:30

Ŵa ngondo ŵa ku Babiloniya alesile kuputa ngondo, agambile kutama m'malo gawo. Macili gawo gamasile, mwakuti sambano aŵele mpela jwamkongwe. Nyumba syakwe sijocedwe moto, yakuwugalila ya pa yipata yakwe yitemangwice.

Yelemiya 52:14

Sambano likuga lyosope lya asilikali ŵa ngondo lya ku Babiloniya lilyaliji ni jwamkulungwa jwa asilikali jula, lyagumwile mapupa gosope gakusyungulila msinda wa Yelusalemu.

Malilo 1:3

Ŵandu wa ku Yuda apite ku ukapolo kukulaga, ni kuja kamula masengo. Akutama ku yilambo yine, ni kusoŵa malo gakupumulila. Ŵasyungulilidwe ni amagongo, ni ŵasoŵile pakutilila.

Malilo 4:15

Ŵandu ŵagumilaga kuti, “Atyoce, jemanja ŵandu ŵasakasidwe, akangwaya une!” Myoyo ŵagambaga kwendajenda kutyoka pa mtundu wine ni kuja ku mtundu wine soni nambo pangali atamose jumo juŵapocelaga.

Malilo 4:20

Ŵakamwile ndande ja umi wetu, mwenye juŵamsagwile AMBUJE, jwele jutwamkulupilile kuti tacitucenjela kwa amagongo ŵaliwose.

Esek 12:13

Nambo tinjitega lwawu lwangu ni tacitanjilamo. Tinjajigalila ku msinda wa Babiloni* kwele kutakawile nambo ngaciwona cilamboco.

Esek 17:20

Tinjimtejela lwawu ni tacitanjilamo. Tinjijawula najo ku Babiloniya ni tinjija kumpa cilango kweleko ligongo lyakuti nganakulupicika kwa Une.

Esek 7:26

Likungu tilicikuyana ni likungu lijakwe, tipaciŵa mbekesela syangamala. Ŵandu tacasosasosa ŵakulocesya kuti ŵasalile yindu ya kusogolo. Ŵakutaga mbopesi tacisoŵa yakwajiganya ŵanduwo, nombe acakulungwa tacisoŵa lunda lwakuti apelece.

Hoseya 11:6

Ngondo tijicijonanga misinda jawo. Amagongo tacijonanga yipata ya malo gawo gakucinjilicisidwa ni kugajonanga ligongo lyakukuya lunda lwawo jikape.

Hoseya 3:4

Mwa litala lilili, Aisalaeli tacitama masiku gejinji ali ŵangali ayimwene kapena acimlongola ngapeleka mbopesi, kapena kwimika yipilala ya maganga gakugalambila, pali pangali tumilungu kapena yimanyisyo yakutendela cisango.

Amosi 1:5

Tinjiposokolanya yipata ya Damasiko ni kwatyosya ŵakutama mu Ciŵata ca Afeni, soni ni jwele jwakamulile simbo ja ucimwene ku Beti Edeni. Ŵandu ŵa ku Siliya tacijigalidwa ukapolo kuja nawo ku cilambo ca Kili.”

Detulonomo 28:36

“AMBUJE tacimtopola jemanja mcilambo mwenu pamo ni mwenye jwenu, kuja kucilambo ca cilendo, cimkanimtameje jemanja pamo ni acinangolo ŵenu kalakose. Kweleko timkajilambileje milungu jine jakupanganya ni yitela ni maganga.

Detulonomo 28:63

Mpela muyanonyele AMBUJE kumpa upile wakuti msicile ni kumculuya kuti mŵe ŵandu ŵajinji, tiyimnonyele soni jwalakwejo kumjonanga jemanja, ni kumtyosya mcilambo cimkuja kutamaco.

1 Sam 28:6

Myoyo ŵawusisye AMBUJE* cakuti atende. Nambo AMBUJE nganiŵajanga kose, atamose mu sagamisi kapena kucisango ca Ulimu ni Tumimu* kapena kupitila kwa ŵakulocesya.