Malilo 2:6 - Chiyawo Bible

⁶ Ŵapasulenye Nyumba jakwe jele jitwapopelelaga ŵalakwewo; AMBUJE ŵamasisye masiku gakusangalala ni masiku gakupumula ga Ayuda. Ni lutumbilo lwakwe ŵakanile ayimwene ni ŵakutaga mbopesi.

Malilo 2:6 Iomraidhean Croise

Masalimo 74:7

Nyumba jawo ŵajocile moto; malo gakutama ŵalakwe ŵagajonasile pakugagwicisya pasi.

Masalimo 76:2

Kumangwawo ni ku Salemu, ni kwakutama ŵalakwe ni ku Siyoni*

Masalimo 80:12

Ligongo cici ŵapaswile uŵigo wakwe, kwakuti wosope ŵakupita mwitala akukonyola yisogosi yakwe?

Masalimo 89:40

Ŵalakwe agumwile mapupa gakwe gosope; mapupa gakwe kuŵa masame.

Yesaya 1:13

Mkuyika nasyo soni akuno mbopesi syenu syacabecabe. Kununjila kwa lyosi lyakwe kukunyalaya. Ngisingombola soni kupilila najo misongano jenu ja dini, soni ja yindimba ya pakopoka kwa lwesi ni ya lisiku lyakupumula* lya Ayuda, ngisimbilila ni mapopelo gesakasidwe ni ulemwa.

Yesaya 1:8

Msinda wa Yelusalemu usigele jikape, uŵele mpela sanja ja mu mgunda wa mpeleya, mpela kacilindo mu mgunda wa mangaka, nambo soni mpela msinda wesyungulilidwe ni ŵa ngondo.

Yesaya 43:28

Ayimwene ŵenu ŵagasakasye malo gangu gamaswela. Ni ligongo lyakwe nakundile liŵasa lya Yakobo lijonanjidwe, nakundile kuti Aisalaeli anyosyedwe.”

Yesaya 5:5

“Sambano mjime kaje nimsalile yitinjitenda nawo mgunda wangu wa mpeleya. Tinjityosya lutenje lwakwe, nipo mgundawo tiwucijonasika. Tinjigumula lipupa lyakwe, nipo yinyama tiyicilya ni kuyiliŵataliŵata.

Yesaya 5:6

Tinjiwutenda kuŵa mgunda wangalimidwa, tiwuciŵa wangawukatila soni wangalimidwa, nipo miŵa tisicimela. Tinjigalamula mawunde kuti gakagwisya ula pa mgundapo.”

Yesaya 63:18

Ŵandu ŵawo ŵakusagulidwa ali atemi malo gakusagulidwa ndaŵi japanandi, amagongo ŵajonasile malogo.

Yesaya 64:11

Nyumba jetu jeswela ni jakusalala, mwele acinangolo ŵetu ŵaliji kumlambila, jipile ni moto. Malo gosope gitwaganonyelaga gatendece kuŵa malo gangatamidwa.

Yelemiya 17:27

Nambo naga ngimkupikanila, ni kuleka kulisunga lisiku lyakupumula kuti liŵe lyakusaguka, nambo soni naga mkunyakula katundu jwalijose ni kwinjilaga pa yipata ya Yelusalemu pa lisiku lyakupumula, ni kuti tinjicoma yipatayo ni moto. Moto tiwucitinisya nyumba sya ucimwene sya ku Yelusalemu, moto wakwe tiwuciŵa wangakomboleka kuwusimisya.”

Yelemiya 42:18

“AMBUJE Ŵamaciligosope, Mlungu jwa Aisalaeli, akuŵeceta soni kuti, ‘Mpela ŵandu ŵakutama ku Yelusalemu natumbililile mwa ukali, myoyo soni tinjimtumbilila jemanja naga timcijawula ku Iguputo. Timciŵa cindu cakunyalaya ni cakutesya woga, cakusecesya ni cakunyosyeka. Soni malo agano ngisimgawona soni.’ ”

Yelemiya 45:4

“Nambo une AMBUJE mbecete maloŵega kwa m'mwejo Baluki, cele cinataŵile ni kucigwisya. Cinapandile ni kucicuŵa. Amu ni mutinjitendela ni cilambo cosope capasi.

Yelemiya 50:28

(Ngwapikana ŵandu ŵakutila ngondo ja ku Babiloniya ali mkusala ya mbusyo sya AMBUJE, Mlungu jwetu, kwapa mbusyo ligongo lyakonanga Nyumba jakwe).

Malilo 1:4

Pangali jwalijose juŵayice ku Nyumba ja AMBUJE* kupopela masiku gakusangalala. Ŵali ŵiŵajimbaga kweleko ŵalesile, ni ŵakutaga mbopesi agamba kudandawula. Yipata ya msinda yosope yili mbee, Siyoni* ali mu yisawusyo.

Malilo 4:16

AMBUJE nganakola soni mtima ŵakwasamala jemanjajo; ni ligongo lyakwe ŵapwilingenye jemanjajo msyene. Nganiŵacimbicisya ŵakutaga mbopesi ni ŵakulamula ŵetu.

Malilo 4:20

Ŵakamwile ndande ja umi wetu, mwenye juŵamsagwile AMBUJE, jwele jutwamkulupilile kuti tacitucenjela kwa amagongo ŵaliwose.

Malilo 5:12

Ŵakulamula ŵetu ŵajigele ni kuja kwakoleka pakwataŵilila makono gawo; soni acakulungwa ŵetu ngakwacimbicisya kose.

Esek 17:18

Mwenye jwa ku Yuda ŵalepele cilanga pakasa cilanga ciŵatesile. Nginakuya yiŵalangeneyo, myoyo ngisakulupuka.”

Lefitiko 26:31

Tinjijonanga misinda jenu kuti jiŵe masame. Tinjijonanga soni malo genu gakulambila kuti gaŵe gangali ŵandu, ni ngasingunda soni kulipikana liwungo lyambone lya yakupeleka yenu.

Sefaniya 3:18

mpela pa masiku ga cindimba.” AMBUJE akuti, “Masisye likungu lya conasiko ni kumtyocesya soni syenu.

Mala 2:9

Sambano une cinimtende jemanja kuti mŵe ŵakunyosyeka pameso pa ŵandu wosope, ligongo ngimkupikanila yingusosa, myoyo mlepele kwika ni upile kwa ŵandu kupitila mu majiganyo genu.”