Malilo 2:4 - Chiyawo Bible

⁴ Ŵalocesye mapanga gakwe kwetuwe mpela kuti ali amagongo ŵetu; Ŵawuleje wosope ŵele ŵatwalolaga mwa lukondwa. Sambano akuno ku Yelusalemu twawuweni ukali wakwe wa moto.

Malilo 2:4 Iomraidhean Croise

2 Mbi 34:21

“Mjawule nipo mkawusye m'malo mwa une kwa AMBUJE, ni kwa ŵandu ŵele ŵasigele ku Isalaeli ni ku Yuda. Mkawusye ya maloŵe ga m'buku jele jisimanikweji. AMBUJE atutumbilile uwe ligongo acinangolo ŵetu nganagapikanila maloŵe ga AMBUJE soni nganagakuya maloŵe gosope gigalembedwe m'bukuji.”

2 Mbi 34:25

Jemanjaji anganile une nipo apelece mbopesi kwa milungu jine, myoyo andumbilisye une pa yosope yatesile, nipo lutumbilo lwangu tiluŵe pa ŵandu ŵa mu msinda wa Yelusalemu nipo lutumbilolo ngasilutyoka.

Yobu 19:11

Mlungu andumbilile une, akunjigala une mpela m'magongo jwakwe.

Yobu 6:4

Pakuti mipamba ja AMBUJE* Ŵamaciligosope jisomile une, nipo cilu cangu cikupikana kupweteka kwa mipambajo. Yakogoya ya Mlungu yisyungulile kuti yilimbane ni une.

Masalimo 37:14

Ŵangalumbana akuswekula upanga wawo ni kuwuta ukunje wawo. Kwawulaga ŵandu ŵangali cakwete, ni konanga umi ŵaŵele ŵakutenda yambone.

Masalimo 7:13

Alinganyisye yida yakogoya, aŵisile mipamba jamoto pa ukunje wakwe.

Yesaya 42:25

Myoyo ŵatutumbilile mnope, ni kutusawusya ni ngondo. Lutumbilo lwakwe lwakolele mpela moto pa malo gosope, nambo uwe nganitupikanicisya. Moto watujocile nambo nganitupata lijiganyo pa yiyatendecekweyi.

Yesaya 63:10

Nambope jemanja mwamjimucile, nikumtumbilisya Msimu Ŵaswela. Myoyo AMBUJE ŵaŵele amagongo ŵawo, nipo ŵamenyene nawo ngondo.

Yesaya 63:6

Naliŵatile ŵandu ŵa mitundu jine ndili jwamtumbile, nipo najipungulile miasi jawo pasi.”

Yelemiya 10:20

Matenti getu gajonasice, soni ngonji syakwe syosope sikatice. Ŵanangu andesile ni kwangali soni. Pangali soni jwine jwakuti mpaka aninganyicisye tenti, kapena jwakuti atambasukulanye nguwo syakwe.”

Yelemiya 21:5

Une namsyene tinjimenyana ni jemanja, ndili jwampye mtima, jwaukali ni jwakutumbila.

Yelemiya 30:14

Ŵakunonyelwa ŵenu wosope amliŵalile, ngakumtendela soni masengo. Nimpele cilango mwa ngalwe, pakuti magambo genu gali gekulungwa, ulemwa* wenu uli wejinji.

Yelemiya 36:7

Mwine mwakwe tacipopela kwa AMBUJE, nipo mundu jwalijose tacileka ndamo syakwe syakusakala. AMBUJE ŵatumbilile ŵandu ŵeleŵa, ukali wakwe uli wakogoya mnope.”

Yelemiya 4:4

Mŵeje ŵakulupicika ni kundumicilaga une AMBUJE ni mtima wenu wosope. Mtendeje yeleyi jemanja ŵandu ŵa ku Yuda ni jemanja ŵakutama ku Yelusalemu, kogopela kuti lutumbilo lwangu lutakubuka ni kumkolelela jemanja mpela moto ligongo lya yitendo yenu yakusakala, soni ngisasimanikwa jwine jwalijose jwakupakombola kuwusimisya motowo.”

Yelemiya 42:18

“AMBUJE Ŵamaciligosope, Mlungu jwa Aisalaeli, akuŵeceta soni kuti, ‘Mpela ŵandu ŵakutama ku Yelusalemu natumbililile mwa ukali, myoyo soni tinjimtumbilila jemanja naga timcijawula ku Iguputo. Timciŵa cindu cakunyalaya ni cakutesya woga, cakusecesya ni cakunyosyeka. Soni malo agano ngisimgawona soni.’ ”

Yelemiya 7:20

Ali ni ligongo lyakwe tinjapa cilango cakogoya mwa ukali. Lutumbilo lwangu tilucigwila pa nyumba janguji, ŵandu, nyama, yitela ni mbeju syakwe. Lutumbilolo tilucikolela mpela moto wangakomboleka kuwusima.”

Malilo 1:13

“Ŵatumisye moto kutyocela kwinani, ni wanjocile mkati mwangu. Ŵambicile lwawu kuti ndanjile ni nagwile pasi. Kaneko ŵandesile ndili mkupikana kupweteka.

Malilo 2:5

AMBUJE ŵaŵele mpela m'magongo ni ŵajonasile Isalaeli; ŵagalesile mapupa ni nyumba sya ucimwene sili masame. Ŵayice naco canasa cangamala pa ŵandu ŵa ku Yuda.

Malilo 3:3

Ni ŵandimbaga mwakutotoganya mwangali canasa.

Malilo 4:1

Golidi* jwetu jwambone jula juŵele jwangasalala; maganga ga Nyumba ja AMBUJE* gala gali palipose m'misewu.

Malilo 4:11

AMBUJE ŵatumbile mnope, ni ŵatulwisye lutumbilo lwawo pasi; ni ŵapambile moto mu Siyoni ni wajonasile msindawo mpaka ni litaka lyakwe.

Esek 13:13

Sambano ayi ni yakuŵeceta AMBUJE Mlungu: “Tinjimtumicisya mbungo jamacili ndili ndumbile, soni ula jamacili, ni matalila gamakulungwa kuti gajonanje lipupalyo.

Esek 20:34

Tinjimlosya macili gangu ni lutumbilo lwangu pakumsonganya pampepe ni kumwusya kutyocela ku yilambo yimwapwilinganile.

Esek 22:22

Timcinyelenyenduka kwene mpela muŵanyelenyenducile silifa mu ng'aso, ni myoyo timcimanyilila kuti Une AMBUJE namtumbilile.”

Esek 24:25

Kaneko AMBUJE ŵaŵecete ni une acitiji kuti, “M'mwe mwanace jwa mundu, lisiku line ŵanduŵa tinjatyocesya Nyumba jangu jele jakusasangalalila ni kupocela pakujilola ni kuŵicilapo mtima wawo. Nipo soni tinjijigala ŵanace ŵawo ŵacalume ni ŵacakongwe.

Esek 36:18

Napele cilango mwa ukali ligongo lya miasi ja ŵandu jiŵasulwisye jemanjajo mcilambomo, ni milungu jine jele jemanjajo ŵasakesye najo cilamboco.

Esek 5:13

“Timcigawona macili ga lutumbilo lwangu ni kalipa kwangu mpaka mtima wangu uli wutulele. Patiyicitendedwa yeleyi, timcikulupilila kuti Une AMBUJE, mbecete ni jemanja pakumkalipila ligongo lya ungakulupicika wenu.

Esek 6:12

Ŵele ŵali kwakutalika taciwa ni yilwele; ŵele ŵali pakuŵandika taciwa ni ngondo, ŵele ŵitacisigala taciwa ni sala. Taciluwona lutumbilo lwangu lwamacili.

Esek 7:14

Lipenga lilisile, nipo jwalijose akuŵa cile. Nambo pangali atamose jumo jwakwawula ku ngondo, pakuti lutumbilo lwangu lugwilile pa wosope yalumo.

Lefitiko 26:17

Une tinjimkana jemanja, nipo amagongo ŵenu tacimpunda pa ngondo, tacimlamulila ŵandu ŵakumŵenga, timcigambaga kutila pali pangali kose mundu jwakumtoposya, ligongo timcitama mwa woga.

Nahumu 1:2

AMBUJE Mlungu ali ŵa wiwu soni akusawucisya, akusapeleka cilango soni ali ŵaukali. AMBUJE akusiŵawucisya amagongo ŵakwe soni akusiŵatumbilila amagongo ŵakwe.

Nahumu 1:6

Ana ŵani ŵampaka apakombole kwima pameso pa AMBUJE ali atumbile? Ana ŵani mpaka apakombole kupimilila ukali wawo? Ukali wawo ukusakolela mpela moto, malwala gakusakasika ni kuŵa luwundu pameso pawo.

Detulonomo 32:22

Kutumbila kwangu tikucikolela mpela moto, tikuciyika mpaka ku cilambo ca ŵandu ŵakuwa. Tucijoca yindu yosope ya pa cilambo, tucitinisya matumbi mpaka mwiŵanda mwakwe.

1 Sam 28:16

Samuele ŵatite kuti, “Ligongo cici mkusosa une sambano kutendaga AMBUJE ali amlesile m'mwejo nipo asaŵele m'magongo jwenu?