Malilo 2:3 - Chiyawo Bible

³ Ni kupya mtima kwakwe AMBUJE ŵajonasile macili ga Aisalaeli; Ŵakanile kutukamucisya ndaŵi jiŵayice amagongowo. Ŵatutumbilile uwe mpela moto, ni konanga yosope.

Malilo 2:3 Iomraidhean Croise

2 Mbi 34:25

Jemanjaji anganile une nipo apelece mbopesi kwa milungu jine, myoyo andumbilisye une pa yosope yatesile, nipo lutumbilo lwangu tiluŵe pa ŵandu ŵa mu msinda wa Yelusalemu nipo lutumbilolo ngasilutyoka.

Yobu 16:15

Une mbwete yakuwala ya yisaka yakusawala ŵandu ŵakulila, nipo une ambundile nditu.

Masalimo 132:17

Kweleko tinjiŵika jumo jwa yisukulu ya Daudi kuŵa mwenye jwamkulungwa; Namlinganyicisye cilepe nyali ja mwenye junamsagwile.

Masalimo 74:11

Ligongo cici akuwusisa mkono wawo wakutukamucisya? Kwa ligongo cici akusunga mkono wawo wamlyo pamtima pawo?

Masalimo 75:10

Jwalakwe tacikasa macili ga ŵandu ŵakusakala; tacijonjecesya macili ga ŵandu ŵagoloka.

Masalimo 75:5

Mkasimlikwesya ligongo lya macili genu kapena kuŵeceta yamwano.”

Masalimo 79:5

Mpaka cakaci ŵalakwe AMBUJE* taŵe citumbilile? Ana kutumbila kwawo tukukolelejepe mpela moto?

Masalimo 89:24

Kukulupicika kwangu cinonyelo cangu cangamala tiyiciŵa ni jwalakwe tinjigalimbisya macili gakwe.

Masalimo 89:46

Mpaka cakaci, Ŵalakwe AMBUJE? Ana talisise asyene kwa yaka yosope? Mpaka cakaci kutumbila kwawo tikuŵe mkolela mpela moto?

Yesaya 1:31

Ŵandu ŵamacili taciŵa mpela manyasi gejumu, masengo gawo tigaciŵa mpela lilamba lya mwana lya moto. Ŵandu wosopewo tacipya yalumo ni masengo gawo, nipo pangali jutacipakombola kuwusimisya motowo.

Yesaya 42:25

Myoyo ŵatutumbilile mnope, ni kutusawusya ni ngondo. Lutumbilo lwakwe lwakolele mpela moto pa malo gosope, nambo uwe nganitupikanicisya. Moto watujocile nambo nganitupata lijiganyo pa yiyatendecekweyi.

Yelemiya 21:14

Tinjimpa cilango pakukuya masengo ga jemanja. Tinjicoma moto ma ukweti genu, moto tiwucitinisya yosope yayimsyungulile jemanja, Une AMBUJE nguŵeceta myoyo.”

Yelemiya 4:4

Mŵeje ŵakulupicika ni kundumicilaga une AMBUJE ni mtima wenu wosope. Mtendeje yeleyi jemanja ŵandu ŵa ku Yuda ni jemanja ŵakutama ku Yelusalemu, kogopela kuti lutumbilo lwangu lutakubuka ni kumkolelela jemanja mpela moto ligongo lya yitendo yenu yakusakala, soni ngisasimanikwa jwine jwalijose jwakupakombola kuwusimisya motowo.”

Yelemiya 48:25

Macili ga ŵandu ŵa ku Mowabu gajonasice, mkono wawo wakulimbangana utemangwice.” AMBUJE aŵecete myoyo.

Yelemiya 7:20

Ali ni ligongo lyakwe tinjapa cilango cakogoya mwa ukali. Lutumbilo lwangu tilucigwila pa nyumba janguji, ŵandu, nyama, yitela ni mbeju syakwe. Lutumbilolo tilucikolela mpela moto wangakomboleka kuwusima.”

Malilo 1:13

“Ŵatumisye moto kutyocela kwinani, ni wanjocile mkati mwangu. Ŵambicile lwawu kuti ndanjile ni nagwile pasi. Kaneko ŵandesile ndili mkupikana kupweteka.

Malilo 4:11

AMBUJE ŵatumbile mnope, ni ŵatulwisye lutumbilo lwawo pasi; ni ŵapambile moto mu Siyoni ni wajonasile msindawo mpaka ni litaka lyakwe.

Esek 13:13

Sambano ayi ni yakuŵeceta AMBUJE Mlungu: “Tinjimtumicisya mbungo jamacili ndili ndumbile, soni ula jamacili, ni matalila gamakulungwa kuti gajonanje lipupalyo.

Esek 7:14

Lipenga lilisile, nipo jwalijose akuŵa cile. Nambo pangali atamose jumo jwakwawula ku ngondo, pakuti lutumbilo lwangu lugwilile pa wosope yalumo.

Nahumu 1:6

Ana ŵani ŵampaka apakombole kwima pameso pa AMBUJE ali atumbile? Ana ŵani mpaka apakombole kupimilila ukali wawo? Ukali wawo ukusakolela mpela moto, malwala gakusakasika ni kuŵa luwundu pameso pawo.

Mala 4:1

AMBUJE Ŵamaciligosope akuti, “Lisiku likwisa lyele ŵandu wosope ŵakulikusya ni ŵakutenda yangalumbana tacipya mpela ufuni. Pa lisiku lyelelyo tacipya mpaka kutinika, ngasigaŵa kandu.

Luka 1:69

Ŵatutumicisye Mkulupusyo jwamacili jwa mu lukosyo lwa Daudi jwakutumicila jwakwe.

Luka 3:17

M'makono mwakwe akamulile lupeta kuti apetele tiligu jwakwe. Myoyo jwalakwejo tacitaga tiligujo mu ngokwe nambo masapi tacigajoca m'moto wangasima.”

Detulonomo 32:22

Kutumbila kwangu tikucikolela mpela moto, tikuciyika mpaka ku cilambo ca ŵandu ŵakuwa. Tucijoca yindu yosope ya pa cilambo, tucitinisya matumbi mpaka mwiŵanda mwakwe.