Malilo 2:21 - Chiyawo Bible

²¹ Acacanda ni ngalamba wosope ali gonegone m'misewu. Acacanda ni ŵali awulajidwe ni upanga wa amagongo. Mwawuleje mwangatendela canasa pa lisiku lya lutumbilo lwenu.

Malilo 2:21 Iomraidhean Croise

2 Mbi 36:17

Myoyo AMBUJE ŵamtumile mwenye jwa ku Babiloniya kuti ajawule kumenyana ni ŵandu ŵa ku Yelusalemu, nipo Nebukadinesa ŵawuleje acacanda ŵa ku Yuda ŵiŵaliji m'Nyumba ja AMBUJE ni upanga. Ŵelewo nganakola canasa ni mundu jwalijose, mwanace kapena jwamkulungwa, ŵalume kapena ŵakongwe, ŵakulwala kapena ŵamlama. Mlungu ŵapelece wosopeŵa myala mwa Nebukadinesawo.

Esitele 3:13

Yikalatayo yajigalidwe ni ŵandu ŵa mitenga ku madela gosope ga mwenye, mwaliji mwana utenga wakuti lisiku lya 13 lya Adala,* Ayuda wosope ŵacalume, ŵacakongwe ni ŵanace taciwulajidwa. Jemanjajo ŵasakaga kuti ŵanduwo awulajidwe mwangali canasa ni kujigala katundu jwawo.

Yesaya 27:11

Nyambi sya yitelayo sili sijumwile, akusasitemangula, nipo acakongwe akusasijigala kuja kutenda sasu. Pakuti ŵandu ŵeleŵa ali ŵangapikanicisya, ni ligongo lyakwe Mlungu juŵapanganyisye ngasiŵatendela canasa, ŵalakwe uŵapanganyisye jemanjajo ngisiŵatendela canasa.

Yelemiya 11:22

Ali ni ligongo lyakwe AMBUJE Ŵamaciligosope ŵaŵecete kuti, “Tinjapa cilango. Acacanda ŵawo taciwulajidwa ku ngondo. Ŵanace ŵawo ŵacalume ni ŵacakongwe taciwa ni sala.

Yelemiya 13:14

Kaneko tinjagundanisya jemanjajo mitwe kuti akasane acimsyenepe, acatati ni ŵanace ŵawo. Ngasinatendela canasa, kapena kwakululucila mpaka ndili najonasile basi.”

Yelemiya 18:21

Myoyo ŵape cilango ŵanace ŵawo pakwagwicisya sala; ŵajonaje jemanjajo ni upanga, aciŵamkwawo aŵe ŵamasije, soni ŵangali ŵanace. Acalume ŵawo awe ni ma ulwele gane ni gane, ni acacanda ŵawo akawile ku ngondo.

Yelemiya 21:7

Kaneko tinjimjawusya ku ukapolo Sedekiya mwenye jwa ku Yuda pamo ni nduna syakwe, ni ŵandu ŵakusigala mu msindamu ŵele ŵaŵakulupwice ku yilwele yakogoya, ku sala ni ku ngondo. Tinjapeleka jemanjajo myala mwa Mwenye Nebukadinesa, nambo soni kwa amagongo ŵawo ŵakusaka kwawulaga, Taciwulajidwa kusyesyene ni upanga mwangatendeledwa canasa.”

Yelemiya 4:31

Napikene kuwuwula mpela kwa jwamkongwe, pa ndaŵi jakusaka kuŵeleka mwanace jwakwe jwakwitiwo. Kweleku kwaliji kulila kwa ŵandu ŵa mu msinda wa Siyoni, ali atambasukwile magasa gawo acitiji kuti, “Likungu kwa uwe! Tukukomoka umi wetu upelecedwe myala mwa ŵandu ŵakusaka kutuwulaga uwe.”

Yelemiya 51:22

ngusaswanyanda acalume ni acakongwe ŵawo, ni m'mwejo ngusaswanyanda ŵacekulupe ni acacanda, ngusaswanyanda acacanda ni ŵali,

Yelemiya 6:11

Ali ni ligongo lyakwe ngumbalilwe ni lutumbilo lwa AMBUJE, mwakuti ngaŵa soni mkomboleka kulilekasya kuti lutumbilolo lukawonecela kusa.” Kaneko AMBUJE ŵasalile une kuti, “Lutumbilo lwelelu mkalutaje pa ŵanace ŵakwenda m'misewu, ni pa acacanda ku malo kwakusasongana. Ŵalume ni ŵakongwe tacijigalidwa, atamose ŵacekulupe ŵakwete wuli ni ŵacekulupe mnope.

Yelemiya 9:20

Une natite kuti, jemanja acakongwe, mpikanile maloŵe ga AMBUJE. Mtejele mapikanilo genu ni mpikanile yakuŵeceta. Mwajiganye ŵanace ŵenu ŵacakongwe ulile wa malilo. Jwalijose amjiganye mjakwe nyimbo ja pa malilo.

Yelemiya 9:21

Ciwa cituyicile kupitila m'mawindo, cijinjile atamose m'majumba getu ga ucimwene, ciwa cawuleje ŵanace ŵetu m'misewu, soni ciwaco camasile kupulula acacanda m'maluŵala.

Malilo 1:15

“AMBUJE ŵapwilingenye asilikali ŵangu wosope ŵamacili; Ŵatumisye likuga lya asilikali kuti lijonanje acacanda ŵangu. AMBUJE ŵajonasile ŵandu ŵangu mpela mwakusatendela pakuminya mpeleya mucakuminyila cakwe.

Malilo 1:18

“Pelepo AMBUJE apakombwele, ligongo une ngininampikanila jwalakwejo. Apikane jemanja, ŵandu ŵa mitundu jine; alole kulaga kwangu. Acacanda ni ŵali ŵangu apite ku ukapolo.

Malilo 1:4

Pangali jwalijose juŵayice ku Nyumba ja AMBUJE* kupopela masiku gakusangalala. Ŵali ŵiŵajimbaga kweleko ŵalesile, ni ŵakutaga mbopesi agamba kudandawula. Yipata ya msinda yosope yili mbee, Siyoni* ali mu yisawusyo.

Malilo 2:17

AMBUJE sambano ayitesile yiŵatite kuti taciyitenda: Atujonasile uwe mwangatutendela canasa, ligongo ŵatutetele kutandila kalakala. Ŵatesile amagongo ŵetu kuti apunde, ni kwapa lukondwa ligongo lya kulepela kwetu.

Malilo 2:2

AMBUJE ŵajonasile misi josope ja ku Yuda mwangali canasa. Ŵagwisisye mapupa gigacingaga msindawo. Ŵawutesisye soni ucimwene ŵakwe ni ŵakulamula ŵakwe.

Malilo 3:43

“Lutumbilo lwawo lwalolecelwe, pa ndaŵi jiŵatutopolaga ni kutuwulaga mwangatutendela canasa.

Esek 24:21

mwasalile Aisalaeli utenga wangu kuti: Tinjijisakasya Nyumba jangu jele jimŵele mli mkujisangalalila mnope. Mkusajisangalalila mnope pakujiwona, ni mwajinonyelaga ni mtima wenu wosope. Ŵanace ŵenu ŵacalume ni ŵacakongwe ŵamwalesile munyuma taciwulajidwa ni upanga.

Esek 5:11

“Pakuti Une ndili Mlungu jwa umi, aga ni maloŵe ga AMBUJE Mlungu, ligongo lyakuti mwasakesye Nyumba jangu ni yindu yejinji yangalumbana ni misyungu jenu jakusakala. Myoyo ngisinamsecelela, nipo ngisinamtendela canasa atamose panandi.

Esek 7:4

Ngisinamkululucila kapena kumtendela canasa. Tinjimpa cilango ligongo lya yindu yakusakala yimtesile, pelepo timcimanyilila kuti Une ndili AMBUJE.”

Esek 7:9

Ngasinamkululucila kapena kumtendela canasa. Tinjimpa cilango ligongo lya yindu yimtesile, pelepo timcimanyilila kuti Une ndili AMBUJE, soni kuti Une ni junampele cilango jemanja.”

Esek 8:18

Sambano Une tinjapa cilango ndili citumbilile. Ngasinalecelesya kapena kwatendela canasa jemanjajo. Atamose tacililaga mwagumila kwa Une, nambope ngisinapikanila.”

Esek 9:10

Myoyo ngasinatendela canasa jemanjajo; tinjiyitenda kwa jemanjajo yele jemanjajo yiŵayitesile kwa ŵane.”

Amosi 4:10

“Natumisye milili kwa jemanja mpela jinatumisye ku Iguputo jila. Nawulagasisye acacanda ŵenu ku ngondo, ni kugapeleka mahaci genu kwa amagongo. Namnunjisye liwungo lya mitembo lyakutyocela ku masakasa ga ngondo. Nambope nganimwujila kwa une.”

Amosi 8:13

Pa lisiku lyelelo atamose acacanda ni ŵali ŵamacili gawo tacikomoka ni njota.

Sakaliya 11:6

AMBUJE* ŵatite, “Ngasinamtendela canasa jwalijose jwakutama pa cilambo capasi. Mundu jwalijose tinjimpeleka myala mwa mlongola jwakwe ni mwa mwenye jwakwe. Jemanjajo tacijonanga cilambo, nambo une ngasinimkulupusya jwalijose myala mwa jemanjajo.”

Detulonomo 28:50

Ŵanduwo taciŵa ŵaukali, soni ngisamtendela canasa mundu jwalijose, atamose aŵe mwanace kapena ngalamba.

Detulonomo 32:25

Taciwila m'misewu ligongo lya ngondo, taciwila m'nyumba ligongo lya woga, Acacanda ni ŵali taciwa, atamose ŵanace ni ngalamba nombe nawo ngasakola umi.

Yoswa 6:21

Ŵamwuleje jwalijose mu msindamo ni mawupanga gawo, acalume ni acakongwe, ŵanace ni ŵacekulupe ŵakwe. Ŵawuleje soni ng'ombe, ngondolo ni acibulu.

1 Sam 15:3

Ajawule akamenyane ni Aamaleki nipo akajonanje yosope yene yakwete jemanjajo. Akaja kuleka cindu cilicose, nambo akawulaje acalume wosope, acakongwe, ŵanace, ni makandi gakwe. Akawulaje soni ng'ombe, ngondolo, ngamila* ni acibulu ŵakwe.”