Malilo 2:2 - Chiyawo Bible

² AMBUJE ŵajonasile misi josope ja ku Yuda mwangali canasa. Ŵagwisisye mapupa gigacingaga msindawo. Ŵawutesisye soni ucimwene ŵakwe ni ŵakulamula ŵakwe.

Malilo 2:2 Iomraidhean Croise

Yobu 2:3

Kaneko AMBUJE ŵamwusisye Satana kuti, “Ana kum'manyilila jwakutumicila jwangu lina lyakwe Yobu? Pa cilambo capasi pangali soni mundu jwine jwakulandana ni jwalakwejo pakuti jwalakwejo jwangali ulemwa soni ali jwakulungama. Akusanjimbicisya une soni jwangatenda yindu yakusakala. Atamose kuti m'mwejo mwanganganice une kuti nimkunde mumlagasye Yobu pali pangali ligongo, jwalakwejo akukulupicikape.”

Masalimo 21:9

Tacajonanga jemanjajo mpela moto wa mu ng'aso, pitaciwonecela ŵalakwe. AMBUJE tacamala jemanjajo mu ukali wakwe; nipo moto tiwucamala.

Masalimo 74:7

Nyumba jawo ŵajocile moto; malo gakutama ŵalakwe ŵagajonasile pakugagwicisya pasi.

Yesaya 22:5

Ndaŵi ajino jili ja yisawusyo, jakulepela soni cisokonesyo, m'Ciŵata ca Mesomkulola. AMBUJE* Ŵamaciligosope ni ŵayitumicisye yeleyi. Mapupa gagumwice nipo ŵandu alimkulila kwitumbi.

Yesaya 23:9

AMBUJE* ŵamacili gosope ni ŵayiganisisye yeleyi, pakusosa kumasya kupoka kwa jemanja, kuti ŵanandiye ŵandu wosope ŵakucimbicikwa ŵa mcilambo capasi cino.

Yesaya 25:12

Tacigumula mapupa gawo gelewu. Tacagwisya, kaneko tacaponya pasi, pa luwundu pasyesyene.

Yesaya 26:5

Ŵalakwe ŵanandiye ŵandu ŵiŵaliji mkulikwesya, awujonasile msinda wakulimba ula. Agagumwile mapupa gakwe, nipo awugwisisye pasi, pa luwundu pasyesyene.

Yesaya 27:11

Nyambi sya yitelayo sili sijumwile, akusasitemangula, nipo acakongwe akusasijigala kuja kutenda sasu. Pakuti ŵandu ŵeleŵa ali ŵangapikanicisya, ni ligongo lyakwe Mlungu juŵapanganyisye ngasiŵatendela canasa, ŵalakwe uŵapanganyisye jemanjajo ngisiŵatendela canasa.

Yesaya 43:28

Ayimwene ŵenu ŵagasakasye malo gangu gamaswela. Ni ligongo lyakwe nakundile liŵasa lya Yakobo lijonanjidwe, nakundile kuti Aisalaeli anyosyedwe.”

Yesaya 47:6

Natumbilile ŵandu ŵangu, nanyosisye mpela nganaŵa ŵandu ŵangu. Napelece m'miyala mwenu, nipo wawo nganiŵatendela canasa. Ngalamba mwasitamikaga mwa ngalwe mnope.

Yelemiya 13:14

Kaneko tinjagundanisya jemanjajo mitwe kuti akasane acimsyenepe, acatati ni ŵanace ŵawo. Ngasinatendela canasa, kapena kwakululucila mpaka ndili najonasile basi.”

Yelemiya 19:15

AMBUJE Ŵamaciligosope, Mlungu jwa Aisalaeli akuŵeceta kuti, “Tinjipeleka likungu ku msinda awuno pamo ni misi jakwe josope mpela munaŵecetele, ligongo lyakuti ŵandu ŵakwe ali ŵakucalamandala mitima, soni akukana kugapikanila maloŵe gangu.”

Yelemiya 21:7

Kaneko tinjimjawusya ku ukapolo Sedekiya mwenye jwa ku Yuda pamo ni nduna syakwe, ni ŵandu ŵakusigala mu msindamu ŵele ŵaŵakulupwice ku yilwele yakogoya, ku sala ni ku ngondo. Tinjapeleka jemanjajo myala mwa Mwenye Nebukadinesa, nambo soni kwa amagongo ŵawo ŵakusaka kwawulaga, Taciwulajidwa kusyesyene ni upanga mwangatendeledwa canasa.”

Yelemiya 5:10

Sambano tinjatuma amagongo kuti ajawule akajonanje misela ja yisogosi ya mipeleya jawo, nambo ngaŵaga kuti akajimalisye josope kujijonaga. Akasandulanye nyambi syakwe, pakuti ŵandu ŵeleŵa nginaŵa ŵakwe ŵa AMBUJE.

Malilo 2:17

AMBUJE sambano ayitesile yiŵatite kuti taciyitenda: Atujonasile uwe mwangatutendela canasa, ligongo ŵatutetele kutandila kalakala. Ŵatesile amagongo ŵetu kuti apunde, ni kwapa lukondwa ligongo lya kulepela kwetu.

Malilo 2:21

Acacanda ni ngalamba wosope ali gonegone m'misewu. Acacanda ni ŵali awulajidwe ni upanga wa amagongo. Mwawuleje mwangatendela canasa pa lisiku lya lutumbilo lwenu.

Malilo 2:5

AMBUJE ŵaŵele mpela m'magongo ni ŵajonasile Isalaeli; ŵagalesile mapupa ni nyumba sya ucimwene sili masame. Ŵayice naco canasa cangamala pa ŵandu ŵa ku Yuda.

Malilo 3:43

“Lutumbilo lwawo lwalolecelwe, pa ndaŵi jiŵatutopolaga ni kutuwulaga mwangatutendela canasa.

Esek 5:11

“Pakuti Une ndili Mlungu jwa umi, aga ni maloŵe ga AMBUJE Mlungu, ligongo lyakuti mwasakesye Nyumba jangu ni yindu yejinji yangalumbana ni misyungu jenu jakusakala. Myoyo ngisinamsecelela, nipo ngisinamtendela canasa atamose panandi.

Esek 7:4

Ngisinamkululucila kapena kumtendela canasa. Tinjimpa cilango ligongo lya yindu yakusakala yimtesile, pelepo timcimanyilila kuti Une ndili AMBUJE.”

Esek 7:9

Ngasinamkululucila kapena kumtendela canasa. Tinjimpa cilango ligongo lya yindu yimtesile, pelepo timcimanyilila kuti Une ndili AMBUJE, soni kuti Une ni junampele cilango jemanja.”

Esek 8:18

Sambano Une tinjapa cilango ndili citumbilile. Ngasinalecelesya kapena kwatendela canasa jemanjajo. Atamose tacililaga mwagumila kwa Une, nambope ngisinapikanila.”

Esek 9:10

Myoyo ngasinatendela canasa jemanjajo; tinjiyitenda kwa jemanjajo yele jemanjajo yiŵayitesile kwa ŵane.”

Mika 5:14

Tinjigwisya tumilungu twenu twakupanganya twa Ashela mcilambo mwenu ni konanga misinda jakwe.

Mala 1:4

Naga Aedomu ŵele ŵali yisukulu ya Esawu yijile kuti, “Misinda jetu jijonanjidwe ni amagongo ŵetu, nambo citujitaŵe soni,” nambo AMBUJE tacajanga kuti, “Ŵalece ataŵe soni — Une tinjijigwisya soni. Ŵandu tacijikolanga kuti, ‘Cilambo cicikulamulilidwa ni jwakusakala’ soni ‘Mtundu wele AMBUJE awutumbilile mpaka kalakala.’ ”

Matayo 18:33

Ana nganimŵajilwa kuti nombe m'mwejo soni mu mtendele canasa jwamasengo mjenu mpela yinatite une pakumtendela canasa m'mwejo?’

2 Akoli 10:4

Pakuti yida yatukukamulicisya masengo pa ngondo jetu nganiyiŵa ya cilambo capasi nambo yida ya macili gakutyocela kwa Mlungu, yele yitukonanjila mapupa gakulicinjila kwa amagongo. Soni tukusajonanga nganisyo sya unami,

Detulonomo 28:52

Taciputa ngondo mu msinda uliwose uli mcilambo cele citakampe AMBUJE Mlungu jwenu. Mapupa gamtaŵile gamalewulewu gele gamkugakulupilila, gasyungulile misinda jenu, tigacigwa pasi. Tacimsyungulila ŵele ŵanduwo m'misinda jenu josope ja mcilambo citacimpa AMBUJE Mlungu jwenu.

Detulonomo 32:22

Kutumbila kwangu tikucikolela mpela moto, tikuciyika mpaka ku cilambo ca ŵandu ŵakuwa. Tucijoca yindu yosope ya pa cilambo, tucitinisya matumbi mpaka mwiŵanda mwakwe.