Malilo 2:16 - Chiyawo Bible

¹⁶ Amagongo ŵenu wosope akumnyosya ni kumpalandacisya meso kulosya kuti ngakumsaka. Akumsonya ni kumgambaga kuti, “Tuwujonasile kusyene! Lelo ni lisiku litwalijembecelaga!”

Malilo 2:16 Iomraidhean Croise

Masalimo 109:2

Pakuŵa ŵandu ŵakusakala ni ŵa unami akuŵeceta yakunjimucila une. Akusambecetela ya unami.

Masalimo 112:10

Mundu jwangalumbana akusayiwona yeleyi, ni akusapya nayo mtima. Akusalilumanya meno. Lisosa lya mundu jwangalumbana ngasilitendekwa kose.

Masalimo 124:3

angatumisile uwe ŵacijumi, ndaŵi jiŵatupilile mtima kala.

Masalimo 22:13

Akwasamukula kukamwa mpela masimba; acitongolaga ni ŵakusaka kumbaculanya une.

Masalimo 35:16

Ŵanduwo ŵaliji mkusambula mwa cipongwe, acimemenaga meno gawo.

Masalimo 35:21

Akuseka mwakugumila acitiji, “Aa! Meso getu gayiweni yiyatendekweyo.”

Masalimo 35:25

Akakunda jemanjajo kuti asale mu mtima mwawo kuti, “Elo, yeleyo ni yitusacileje.” Akajila kuti, “Twagomece.”

Masalimo 37:12

Mundu jwangalumbana akumpanganila ciswamba, ni kumtawunila meno, mundu jwambone.

Masalimo 41:8

Akusati, “Cimgwilile cilwele cakuwa naco, ngajimuka soni pele pagonilepo.”

Masalimo 56:2

Amagongo ŵangu akundiŵatila une lisiku lyosope, pakuŵa ali ŵajinji ŵakutenda ngondo ni une mwakulikwesya.

Masalimo 57:3

Kutyocela kwinani Mlungu tacinjanga ni kungulupusya une, Ŵalakwe tacatesya soni ŵakundiŵatila une; Mlungu tacilosya cinonyelo cawo cangamala ni kulupicika kwawo.

Yesaya 49:19

“Cilambo cenu cajonanjidwe soni ciŵele cangatamidwa, nambo sambano ticiciŵa camwana kwa ŵandu ŵosope ŵakwika kukutama mwelemo. Nipo wosope ŵiŵamjonasile ŵala tacatopolela kwakutalika ni m'mwejo.

Yelemiya 26:6

Naga mkupitilisya ungapikanila jemanjajo, tinjitenda ku Nyumba ajino yinatesile ku msinda wa Shilo, nipo msinda welewu tinjiwutendekasya kuŵa welwesece kwa mitundu josope ja pa cilambo capasi.”

Yelemiya 29:18

Tinjawulaga ni ngondo, sala ni yilwele yakulekanganalekangana soni tinjasandusya kuŵa cindu cakunyalaya kwa ŵandu ŵa ma ucimwene gosope ga pa cilambo capasi. Taciŵa ŵalwesece ni ŵakutesya woga, ŵakusecesya ni ŵanyosyece sikati ja mitundu josope ja ŵandu kwele kunatopocesye.

Yelemiya 50:17

AMBUJE akuŵeceta kuti, “Aisalaeli ali mpela ngondolo syepwilingane sisikutopoledwa ni masimba. Mwenye jwa ku Asiliya ni juŵatandite kwawulaga Aisalaeliwo, kaneko ni kwisa Nebukadinesa mwenye jwa ku Babiloniya kutenda mpela kumemena mawupa gawo.

Yelemiya 50:7

Ŵaliwose uŵasimene jemanjajo ŵajonasile. Amagongo ŵawo ŵaŵecetaga kuti, ‘Uwe nginitukola magambo, ligongo lyakuti jemanjaji ni uŵalemwecesye AMBUJE ŵele ŵali pakutama pasyesyene pa jemanjajo, ŵele soni acinangolo ŵawo ŵamkulupililaga mnope.’

Yelemiya 51:34

Ŵa ku Yelusalemu akuti Nebukadinesa mwenye jwa ku Babiloniya atujonasile, Atuswanyandile ni kutujasa mpela mu lulo mwangali kandu. Atumisile mpela cimngwena. Ajikwite ni yakulya yetu yakulyolyopela, ni kutulukula.

Malilo 1:21

“Ŵandu akumbikana munguwuwulila; nambo pangali atamose mundu jwakundulasya une. Amagongo ŵangu wosope asangalele kuti ŵalakwe ŵambele yisawusyo. Ayice nalyo lisiku liŵatendele cilanga* lila; nombe nawo talaje mpela mungulajila une.

Malilo 3:46

“Amagongo ŵetu akututesya soni ni kutunyosya.

Esek 23:32

Yakuŵeceta AMBUJE Mlungu nayi, “Timcimwela mgawo wa mkulugwenu, mgawo wakusokoka soni wekulungwa. Ŵandu tacimsekaga ni kumnyosyaga m'mwejo, ligongo mgawowo ugumbele mnope,

Esek 25:15

AMBUJE ŵatite, “Afilisitiya awucisye mwa ngalwe amagongo ŵawo ŵakalakala ni kwajonanga jemanjajo mwa uŵengani wawo.

Esek 25:3

Mwasalile jemanjajo apikane yinguŵeceta Une AMBUJE: mwasangalele pimwajiweni Nyumba jangu ali ajisakesye, litaka lya Aisalaeli lili limasile cajila, ni kwawona ŵandu ŵa ku Yuda ali apite ku ukapolo.

Esek 25:6

“Yakuŵeceta AMBUJE nayi: mwakwatile m'myala ni guluka mwakusangalala. Mwacinandiye cilambo ca Aisalaeli ni kucinyosya ni mtima wenu wosope.

Esek 36:3

“Ni sambano mlocesye, yele Une AMBUJE Ŵamaciligosope yinguti. Ndaŵi jiŵamtesile amagongo ŵenu kuŵa cipululu ni kumpondelesya kutyocela kumbali syosope, soni jemanja ni kuŵa kumkamwile ŵandu ŵa mitundu jine* jakuŵandikana nawo ni kujigala yindu ya ku matumbi ga ku Isalaeli, wosopewo ŵanyosisye Isalaeli.

Esek 5:15

“Ndaŵi jitinjitumbila ni kumkalipila soni kumpa cilango m'mwejo, ŵandu wosope ŵa mitundu jine ŵamsyungulile m'mwejo tacitenda woga. Tacimlolaga jemanja mwakumnyalapa ni kumsogodaga.

Hoseya 8:8

Aisalaeli amilidwe mwakuti aŵele mpela ciwaya cangali masengo pasikati pa mitundu jine.

Mika 4:11

Mitundu jejinji jisongene kuti jimenyane ni m'mwejo Siyoni. Jikuŵeceta kuti, “Kwende twasakasye, tulole kumala kwakwe kwa msinda wa Siyoniwu.”

Masengo 7:54

Acakulungwa ŵanganya ŵala piŵapikene maloŵe ga Sitefano gala ŵatumbile mnope ni ŵatesile sinya.