Malilo 2:14 - Chiyawo Bible

¹⁴ Ŵakulocesya ŵenu agamba kumsalila ya unami ligongo nginakola yindu yakusala; Yakulalicila yawo yamlambwisye m'mwejo pangasala ulemwa* wenu. Ŵamtesile kuti mganisyeje kuti m'mwejo ngamkwenela kupesya ulemwa wenu.

Malilo 2:14 Iomraidhean Croise

Yesaya 58:1

AMBUJE* akuŵeceta kuti, “Mgumile mwakwesya maloŵe mnope mutimkombolele, maloŵe genu gapikanice mpela lipenga. Mwasalalile ŵandu ŵangu ya kulemwa kwawo, mwasalile ŵa mwiŵasa lya Yakobo* ya ulemwa* wawo.

Yelemiya 2:8

Nombe nawo ŵakutaga mbopesi nganawusya kuti, ‘Ana AMBUJE ali kwapi?’ Ŵandu ŵakumanyilila mnope malamusi nganamanyilila. Ŵakulamulila ŵanjimucile. Ŵakulocesya ŵiŵalocesyaga mu lina lya Baala,* nombe nawo ŵakuyaga milungu jangalumbana.

Yelemiya 20:6

Myoyo, m'mwe Pasha ni wosope ŵa mwiŵasa mwenu, timcijigalidwa kuja ku ukapolo ku Babiloniya. Timciwila ni kusicidwa kukoko, m'mwejo pamo ni acimjenu umwasalilaga ya unami ŵala.’ ”

Yelemiya 23:22

Akaŵe ni une pa mtemela wangu akalalicile kusyesyene maloŵe gangu kwa ŵandu ŵangu, ni kwatyosya m'matala gawo gakusakala, kuti alece ulemwa wawo.”

Yelemiya 23:36

Nambo mkaŵecetaga kuti, ‘Awu uli utenga wakusitopesya wa AMBUJE.’ Utenga wa jwalijose ni wa jwalakwejo msyene, mwakuti jemanja mwasokonesye maloŵe ga Mlungu jwacijumi, AMBUJE Ŵamaciligosope, Mlungu jwetu.

Yelemiya 28:15

Sambano Yelemiya ŵamsalile Hananiya kuti, “Mpikane, m'mwe Hananiya, AMBUJETU, nginamtuma, soni m'mwejo mwalambwisye ŵanduŵa kuti apikanileje yakulocesya ya unami.

Yelemiya 29:21

“AMBUJE Ŵamaciligosope, Mlungu jwa Aisalaeli aŵecete yakwamba Ahabu mwanace jwa Kolaya, ni ya Sedekiya mwanace jwa Maaseya, juŵalocesye ya unami kwa jemanja mu lina lya AMBUJEWO. Aŵecete kuti tinjapeleka kwa Nebukadinesa mwenye jwa ku Babiloniya, nipo jwalakwejo tacawulaga jemanja mli kulola.

Yelemiya 37:19

Ana ŵakulocesya ŵenu ŵala ali kwapi uŵalocesyaga kuti mwenye jwa Babiloniya ngasaputa ngondo ni ŵalakwe ni ŵandu ŵa mcilambo muno?

Yelemiya 5:31

Ŵakulocesya ŵa unami soni ŵakutaga mbopesi akukamulana nawo. Nambope ŵandu ŵangu akunonyela iyoyo. Ana timcitenda cici pitijiciyika ndaŵi jakumalisya?

Malilo 4:13

Nambo ayi yatendecekwe ligongo lya ulemwa* ŵa ŵakulocesya ni ŵakutaga mbopesi ŵawo ni ŵiŵatendesye ciwa ca ŵandu ŵangalemwa.

Esek 13:22

“Ni unami wenu mwagwisisye mbwayi ŵandu ŵangu ŵambone ŵele Une nganisakaga kuti agwe mbwaji. Mwalimbisye mtima ŵandu ŵangalumbana kuti akaleka ulemwa* wawo, nambo kuti apitilisye kusamala umi wawo.

Esek 22:25

Ŵakulongolela ŵakwe ali mpela masimba gagakutuluma pakamula nyama. Akusawulaga ŵandu, ni kwasumula yipanje ni yindu ya mtengo wapenani, ni ligongo lyakuwulaga kwawo akusaleka acakongwe ŵajinji ŵamasije.

Esek 22:28

Ŵakulocesya ŵakwe asisile ulemwa* welewu mpela mwakupacila ŵandu njelesa pepupa. Akusayiwona yindu ya unami m'mesomkulola ni kusalaga yindu ya unami. Akusati akuŵeceta maloŵe ga AMBUJE Mlungu, nambo Une AMBUJE mkanimbeceta ni jemanjajo.

Esek 23:36

AMBUJE ŵaŵecete ni une kuti, “M'mwe mwanace jwa mundu, ana mpaka mwalamule Ohola ni Oholiba? Sambano mwajimbe magambo ligongo lya yakunyala yiŵayitesile.

Hoseya 9:7

Ndaŵi ja cilango jiyice, ndaŵi jakuti jwalijose apocele mwakulingana ni mwatendele. Yeleyo pitiyicitendekwapo, Aisalaeli tacimanyilila kuti yeleyi yili yakuwona. Sambano mkuŵecetaga kuti, “Jwakulocesyaju ali jwakuloŵela. Mundu jwakwete lunda lwa kwa Mlunguju ali jwa masoka.” Jemanja mkumbengaga une ligongo lyakuti ulemwa* wa jemanja uli wejinji.

Mika 2:11

“Ŵandu ŵeleŵa akusaka jwakulalicila jwagambaga kwawula aku nakuku kulalicila ya unami acitiji kuti, ‘Ngulocesya kuti tikuciŵa finyo ni yakumwa ya ukali yejinji.’ Jwakulalicila jwamti myiyiju ni jwele ŵandu jwampaka amnonyele.

Mika 3:8

Nambo une, AMBUJE angumbesye ni macili, angumbesye ni msimu wakwe. Angumbesye ni kulungamika ni kulimba mtima, kuti najamuce ŵa mwiŵasa lya Yakobo* ligongo lya yakulemwa yenu, kuti nalosye Aisalaeli ulemwa* wawo.

Sefaniya 3:4

Ŵakulocesya ŵakwe ŵaliji ŵangakulupicika, soni ŵakutaga mbopesi ŵagasakesye malo gamaswela ni kugalawusya malamusi ga Mlungu kuti gatendeleje cenene jemanjajo.