Malilo 2:12 - Chiyawo Bible

¹² Ŵanacewo ŵawusyaga acimama ŵawo kuti, “Ana yakulya ni yakumwa tukayipate kwapi?” Ŵagwaga m'misewumo mpela ŵandu ŵawulale, Myoyo panandipanandi ŵawilaga m'myala mwa acimama ŵawo.

Malilo 2:12 Iomraidhean Croise

Yobu 30:16

Nambo sambano mtima wangu nganiwuŵa m'malo. Ndili pa yipwetesi mwakuti jwangali pakupumulila.

Masalimo 42:4

Mtima ŵangu ukusapweteka pingusakumbucila yakala, pinaliji mkwenda ni ŵandu ŵajinji, pakwalongolela ku Nyumba ja AMBUJE,* paliji pana ŵandu ŵajinji, acijimbaga ni kupeleka malumbo kwa Mlungu.

Masalimo 62:8

Ŵandu ŵangu, mumkulupilileje Mlungu ndaŵi syosope. Mumsalileje jwalakwejo yakusawusya yenu yosope, pakuti jwalakwejo ali kwakutilila kwetu.

Yesaya 51:20

Ŵanace ŵenu akomwece, agonile m'matala gosope mpela ndandala syetanjile m'malwawu. Lutumbilo lwa AMBUJE lyagwilile, ni kwamuka kwakwe.

Yesaya 53:12

Myoyo Une tinjapa ucimbicimbi wakwenela acakulungwa. Tacigaŵana yitacisumula ku ngondo ni asilikali ŵamacili, pakuti jwapelece umi wakwe ku ciwa, nipo ŵamganicisyaga kuti ali jumo jwa ŵandu ŵakukasa Malamusi. Jwanyakwile yakulemwa ya ŵandu ŵajinji, nipo jwapopelele ŵakulemwa kuti akululucidwe.

Yelemiya 5:17

Tacim'malila yagowola ni yakulya yenu. Taciwulaga ŵanace ŵenu ŵacalume ni ŵacakongwe, tacimwulajila soni ngondolo ni ng'ombe syenu, tacijonaga mipeleya ni nguju syenu. Tacigwisya mwa ngondo misinda jenu jijisyungulilidwe ni lipupa limkusalikulupilila.

Malilo 1:11

Ŵandu ŵakwe ŵagumilaga katema kiŵasosaga yindu yakulya kuti alye. Ŵatindanyaga cipanje cawo ni yakulya kuti aŵe ni umi. Ŵanduwo ŵalisile acitiji, “Mundole une, AMBUJE, alole mwele mungulajila.”

Malilo 4:4

Akusiŵaleka ŵanace ŵawo kuti awe ni sala ni njota; ŵanace akuŵenda yakulya nambo pangali jwine jwalijose jwampaka ŵape jemanjajo.

Esek 30:24

Kaneko tinjiwutendekasya mkono wa mwenye jwa ku Babiloniya kuŵa wamacili nipo m'miyala mwakwe tinjiŵika upanga wangu. Nambo tinjitemanya makono ga Mwenye jwa ku Iguputo, nipo tacigumila ni kuwa pameso pa mwenye jwa ku Babiloniya.