Malilo 2:10 - Chiyawo Bible

¹⁰ Acakulungwakulungwa ŵa msinda wa Yelusalemu atemi pasi jii, Ali alitasile luwundu m'mitwe mwawo ni kuwala yisaka myilu yawo. Ŵali ŵajinamicisye mitwe jawo pasi.

Malilo 2:10 Iomraidhean Croise

2 Sam 13:19

Tamala ŵalitasile liwu kumtwe kwakwe, ni ŵapapwile cakuwala cakwe cacilewu ciŵawete cila. Myoyo ŵakamwile makono gakwe kumtwe, ni ŵapitaga mcilila mwakwesya maloŵe litala lyosope.

Yesaya 15:3

M'matala gawo ŵandu awete yisaka, pa misakasa sya nyumba syawo ni m'maluŵala gawo, ŵandu akulila mnope misosi jilimkopoka,

Yesaya 3:24

M'malo mwakununjila tipaciŵa kununga, m'malo mwa lamba taciŵala ngonji, m'malo mwa umbo syesakule cenene, taciwa ni lupala, m'malo mwa dilesi jambone taciŵala yiguduli, m'malo mwakuti apoce ligongo lyakusalala tacitenda soni.

Yesaya 3:26

Myoyo pa yipata ya mu msindawo tipaciŵa kugumila ni kulila, nipo msindawo tiwuciŵa mpela jwamkongwe jwatemi pasi ali jikape jwangali kwakwinjilila.

Yesaya 36:22

Pelepo Eliyakimu mwanace jwa Hilikiya juŵalolelaga nyumba ja mwenye, Shebina jwakulembela jwa luŵala ni Yowa mwanace jwa Asafu, juŵalembaga yiyatendecekwaga, ŵapapwile yakuwala yawo mwa canasa, nipo ŵayice kwa Mwenye Hesekiya ni kwasalila yiyaŵecetedwe ni jwamkulungwa jwa ku Asiliya.

Yesaya 47:1

AMBUJE* akuŵeceta kuti, “M'mwe, Babiloni,* mtuluce ni mtame pa luwundu. M'mwe mwali Kalideya, mtame pasi, pali pangali citengu ca ucimwene. Pakuti ngasamkolanga soni ŵakoloŵa ni ŵangakaŵa kukasika.

Yesaya 47:5

Ŵalakwe akwasalila ŵandu ŵa ku Babiloni kuti, “Mtame jii, ni kwinjila mcipi, jemanja ŵandu ŵa ku Kalideya, Ngisamkolanga soni kuti mli mwenye ŵakongwe ŵa ayimwene.

Yelemiya 8:14

Ŵandu ŵa Mlungu akusawusya kuti, “Ana ligongo cici tugambile kutama?” “Kwende pampepe tutilile ku misinda kucinjilicisidwa ni mapupa, kuti tukawile kukoko. AMBUJE Mlungu jwetu alamwile kuti tukwenela kuwa, atumwesisye mesi ga ululu pakuti tumlemwecesye.

Malilo 1:1

Ha! Msinda wa Yelusalemu uli jikajikape, nambo kalakala wagumbele ŵandu! Kala msindawu waliji wakupikanika pa cilambo cosope capasi, nambo lelo uŵele mpela jwamkongwe jwamasije. Waliji msinda wakupikanika kupunda misinda jine josope, nambo sambano uli msinda wacikapolo.

Malilo 1:4

Pangali jwalijose juŵayice ku Nyumba ja AMBUJE* kupopela masiku gakusangalala. Ŵali ŵiŵajimbaga kweleko ŵalesile, ni ŵakutaga mbopesi agamba kudandawula. Yipata ya msinda yosope yili mbee, Siyoni* ali mu yisawusyo.

Malilo 3:28

Katema katutuŵeje m'yisawusyo, tutameje mwakupimilila soni ngatenda lisegwe.

Malilo 4:16

AMBUJE nganakola soni mtima ŵakwasamala jemanjajo; ni ligongo lyakwe ŵapwilingenye jemanjajo msyene. Nganiŵacimbicisya ŵakutaga mbopesi ni ŵakulamula ŵetu.

Malilo 4:5

Ŵandu uŵalile yakulya yambone mnope akuwa ni kulaga ku misewu; nipo ŵele ŵiŵaleledwe ni umi wangasoŵa yindu, akupalapasa pa citutu kusosa yakulya.

Malilo 5:12

Ŵakulamula ŵetu ŵajigele ni kuja kwakoleka pakwataŵilila makono gawo; soni acakulungwa ŵetu ngakwacimbicisya kose.

Malilo 5:14

Acakulungwa ŵalesile kutama pa nganya, nipo acacanda ŵetu alesile kwimba nyimbo.

Esek 27:30

Wosopewo akumlilila m'mwejo mnope, Ŵalitagaga luwundu kumitwe ni kuligalagatisya pa liwu.

Esek 27:31

Akumyola mbala m'mitwe mwawo ligongo lya m'mwe ni kuwala yisaka. Ŵalilaga mwakwapweteka mtima.

Esek 7:18

Taciwala yisaka nipo tacikamulwa ni woga. Mitwe jawo tijicimyoledwa, nipo tacitenda soni.

Yoweli 1:8

Mlile mpela mwali jwawete cisaka jwele jwakulila ligongo lya ciwa ca mcanda jwasosileje kumlomba jwalakwejo.

Amosi 5:13

Myoyo pa ndaŵi mpela jeleji, mundu jwakalamuka akaŵeceta cilicose ligongo jili ndaŵi jakusakala.

Amosi 8:13

Pa lisiku lyelelo atamose acacanda ni ŵali ŵamacili gawo tacikomoka ni njota.

Amosi 8:3

Pa lisiku lyelelyo nyimbo sya m'majumba ga ucimwene tisicisanduka kulila. Mitembo ja ŵandu tijicitupa. Tacijasidwa mwa kacetecete.”

Yona 3:6

Mwenye wa ku Ninefe piŵapikene yeleyo, watulwice pa mpando wakwe wa ucimwene ni kuwula mkanjo ni kuwala cisaka ni kuja kutama nawo pa citutu.

Yoswa 7:6

Yoswa ni acimlongola wosope wa Aisalaeli ŵapapwile yakuwala yawo mwa canasa, ŵaligwisisye pasi pasogolo pa Libokosi lya Cilanga lya AMBUJE, ni ŵagonile pelepo mpaka cilo, ali alitasile luwundu m'mitwe mwawo kulosya canasa cawo.

Chunukuko 18:19

Ŵalitasile luwundu m'mitwe mwawo, aku ali mkulila kulosya canasa. Ŵagumilaga kuti, “Ukwete likungu, ukwete likungu msinda wakupikanikawu, msinda wele ŵandu wosope ŵakwete yombo ŵasicile mnope ni cipanje cakwe. Nambo kwandaŵi jamnono msindawu utendekwe kuŵa masame.”