Malilo 2:1 - Chiyawo Bible

¹ AMBUJE* ni lutumbilo lwakwe awunicile Siyoni* ni cipi. Kusalala kwakwe kwa kwinani akutesile kuŵa masame. Pa lisiku lya lutumbilo lwakwe nginajawula atamose ku Nyumba jakwe.

Malilo 2:1 Iomraidhean Croise

2 Sam 1:19

“M'matumbi ga ku Isalaeli ŵakulongolela ŵetu awile. Asilikali ŵetu ŵamacili awulajidwe.

1 Mbi 28:2

Ŵandu wosope piŵasongene ku Yelusalemuko, Mwenye Daudi ŵajimi nipo ŵatite, “Mpikane ŵandu ŵangu. Une nasakaga kutaŵa nyumba jakuŵika Libokosi lya Cilanga ca AMBUJE,* lyele lyalili mpela cakuliŵatila sajo sya AMBUJE ŵetu. Une songenye yida yosope yakutaŵila nyumbajo pa kwacimbicisya AMBUJE.

Masalimo 132:7

“Kwende tujawule kumalo kwakutama AMBUJE, kwende tukamtindiŵalile ku citengu cakwe ca ucimwene.”

Masalimo 89:45

Ŵalakwe amcekulupisye citemape; amtesisye soni.

Masalimo 99:5

Mwalumbe AMBUJE Mlungu jwetu, mumpopele AMBUJE ku citengu cakwe ca ucimwene. Jwalakwe ali jwamswela.

Yesaya 64:11

Nyumba jetu jeswela ni jakusalala, mwele acinangolo ŵetu ŵaliji kumlambila, jipile ni moto. Malo gosope gitwaganonyelaga gatendece kuŵa malo gangatamidwa.

Yelemiya 30:14

Ŵakunonyelwa ŵenu wosope amliŵalile, ngakumtendela soni masengo. Nimpele cilango mwa ngalwe, pakuti magambo genu gali gekulungwa, ulemwa* wenu uli wejinji.

Malilo 1:1

Ha! Msinda wa Yelusalemu uli jikajikape, nambo kalakala wagumbele ŵandu! Kala msindawu waliji wakupikanika pa cilambo cosope capasi, nambo lelo uŵele mpela jwamkongwe jwamasije. Waliji msinda wakupikanika kupunda misinda jine josope, nambo sambano uli msinda wacikapolo.

Malilo 1:12

Agamba kwalilila ŵaliwose ŵakupita mwitala acitiji, “Andole une! Pangali atamose mundu jumo juŵasimene ni yipwetesi mpela une. Yipwetesi yiŵambele AMBUJE une ndaŵi ja sala jila.

Malilo 2:17

AMBUJE sambano ayitesile yiŵatite kuti taciyitenda: Atujonasile uwe mwangatutendela canasa, ligongo ŵatutetele kutandila kalakala. Ŵatesile amagongo ŵetu kuti apunde, ni kwapa lukondwa ligongo lya kulepela kwetu.

Malilo 4:1

Golidi* jwetu jwambone jula juŵele jwangasalala; maganga ga Nyumba ja AMBUJE* gala gali palipose m'misewu.

Malilo 4:11

AMBUJE ŵatumbile mnope, ni ŵatulwisye lutumbilo lwawo pasi; ni ŵapambile moto mu Siyoni ni wajonasile msindawo mpaka ni litaka lyakwe.

Esek 13:13

Sambano ayi ni yakuŵeceta AMBUJE Mlungu: “Tinjimtumicisya mbungo jamacili ndili ndumbile, soni ula jamacili, ni matalila gamakulungwa kuti gajonanje lipupalyo.

Esek 19:12

Nambo ŵawucuŵile mwa ukali ni kuwugwicisya pasi. Mbungo jakungopoko lyuŵa jajumwisye yisogosi yakwe. Nyambi syakwe soni syatemece; wajumwile ni ŵawujocile pa moto.

Esek 24:21

mwasalile Aisalaeli utenga wangu kuti: Tinjijisakasya Nyumba jangu jele jimŵele mli mkujisangalalila mnope. Mkusajisangalalila mnope pakujiwona, ni mwajinonyelaga ni mtima wenu wosope. Ŵanace ŵenu ŵacalume ni ŵacakongwe ŵamwalesile munyuma taciwulajidwa ni upanga.

Esek 30:18

Ku Tapanesi tikuciŵa cipi katema katinjikasaga macili ga Iguputo kweleko ni kumasya macili giŵapocelaga. Mawunde tigaciwunicila Iguputo, nipo ŵandu ŵakutama m'misinda jakwe tacijigalidwa ukapolo.

Yoweli 2:2

Tiliciŵa lisiku lyakogoya ni canasa, lisiku lya mawunde ni lya cipi ca bii. Likuga lya asilikali ŵajinji ŵa ngondo ŵamacili ligambile kuti bii mpela cipi ciciwunicile matumbi. Likuga lyamti myiyi nganiliwoneceje ni kala kose, atamose msogolo muno ngasiliwoneka soni.

Matayo 11:23

Nipo m'mwe Kapelenaumu, ana mkuganisya kuti tacimkwesya mpaka kwinani? Iyayi, tacimponyela ku malo ga ŵandu ŵawe.* Ligongo yindu yamacili yiyatendekwe mwa m'mwejo, yikaŵe kuti yatendecele mu Sodomu, msindawo ukaliji ciŵela mpaka lelo jino.

Luka 10:15

Jemanja ŵandu ŵimkutama ku msinda wa Kapelenaumu, ana mkuganisya kuti tacimcimbicisya ni kuja kwinani? Iyayi, timcijawula ku malo ga ŵandu ŵawe.”

Luka 10:18

Yesu ŵajanjile jemanjajo kuti, “Nalolelele muŵagwilile Satana* mpela mujikusagwila njasi kutyocela kwinani.

1 Sam 4:21

Myoyo mwanacejo ŵamkolasile lina lyakuti Ikabodi, kugopolela kuti, “Lumbili lwa Mlungu lutyosile pa Aisalaeli” ayi ŵagambaga ya Libokosi lya Cilanga liŵalisumwile ni ciwa ca akwegwe ŵawo ni ŵamkwawo.

1 Sam 4:22

“Lumbili lwa Mlungu lutyosile pa Aisalaeli,” nipo jwalakwe ŵaŵecete yeleyi, “Ligongo Libokosi lya Cilanga ca AMBUJE lyaliji ali alisumwile.”