Malilo 1:9 - Chiyawo Bible

⁹ Usakwa wakwe wawonecele mwangasawusya, nambo jwalakwe nganalosya kudandawula ni yakumgwila kusogolo. Kugwa kwakwe kwaliji kwakogoya; mwamti paliji pangali jwalijose jwakumtulasya mtima wakwe. Amagongo ŵakwe apundile, nipo jwalakwe agamba kulilila AMBUJE kuti ŵatendele canasa.

Malilo 1:9 Iomraidhean Croise

2 Sam 16:12

Yikuŵa mpela kuti AMBUJE taciyiwona yisawusyo yangu, ni kumbucisya yambone ligongo lya kutukanidwaku.”

2 Ayi 14:26

AMBUJE ŵamkamucisye Yelobowamu kuyisumula soni yilambo yele yiyaliji kala m'myala mwa Aisalaeli, ligongo ŵakuweni kulaga kwa ŵandu ŵa ku Isalaeli kuti kwaliji kwakukulungwa mnope, nipo paliji pangali mundu jwalijose juŵasigele jwakakamucisye.

Nehemiya 9:32

“AMBUJE Mlungu, wawo ali ŵakulungwa, ŵakogoya ni ŵamacili! Wawo akusasunga cilanga cawo mwakulupicika. Conde akumbucile yisawusyo yosope ya ŵandu ŵawo, acayimwene, acimlongola, ŵakutaga mbopesi, ŵakulocesya, acinangolo ŵetu, ni ŵandu wosope, kutyocela ndaŵi ja acayimwene ŵa ku Asiliya mpaka sambano jino.

Masalimo 119:153

Ayilole yisawusyo yangu, ni kungulupusya, ligongo ngingugaliŵalila malamusi gawo.

Masalimo 140:8

Ŵalakwe AMBUJE, akampa mundu jwangalumbana yakusosa, akusamkamucisya malindi gakwe.

Masalimo 25:18

Ayilolecesye yisawusyo yangu ni yipwetesi yangu, ni angululucile yakulemwa yangu yosope.

Masalimo 69:21

Ŵambele ndulu kuti ciŵe cakulya cangu, ni ŵamwesisye finyo jwecesuce pijangwete une njota.

Ekisodo 3:17

Mlungu asimicisye kuti tamkoposye ku Iguputo kuno ku mkulaga, ni takamjinjisye ku cilambo cakusicila ni cana cajila cambone, kumalo kwakutama Akenani, Ahiti, Aamoli, Apelesi, Ahifi, ni Ayebusi.’

Ekisodo 3:7

AMBUJE ŵatite, “Nakuweni kulaga kwa ŵandu ŵangu ŵali ku Iguputo, ni mbikene kulila kwawo ligongo lya ŵandu ŵakwakamulisya masengo mwa ngalwe, ngukumanyilila kulaga kwawo,

Ekisodo 4:31

Ŵanduwo ŵakulupilile. Soni piŵapikene kuti AMBUJE ŵayicilile Aisalaeli, ni soni kuti ŵakuweni kulaga kwawo, ŵajineme mitwe jawo pasi ni kumlambila.

Jwak 4:1

Naweni soni ŵandu ali mkulagasidwa pa cilambo capasi pano. Jemanjajo ŵaliji mkulila, nambo paliji pangali jwalijose jwakuti ŵanyalasye jemanjajo, ligongo lyakuti ŵiŵaliji mkwalagasya jemanjajo ŵaliji ŵamacili mnope.

Yesaya 3:8

Yakuwona nditu Yelusalemu akonasika, nipo Yuda alimkugwa, ligongo lyakuti uŵecete ni yitendo ya ŵandu mwelemo yili yakwajimucila AMBUJE. Akumnyosya Mlungu pakulanguka.

Yesaya 37:17

Sambano ŵalakwe AMBUJE, alole yindu yikututendecela uwejiyi. Agapikane maloŵe gosope gaŵaŵecete Senakelibu, gakwanyosya ŵalakwe Mlungu jwa umi.

Yesaya 37:23

Ana m'mweji mwanyosisye ni kwalalatila ŵani? M'mwejo munyosisye une Mlungu Jwamswela jula jwa Aisalaeli.

Yesaya 37:29

Nakuweni kulikwesya kwenu soni nagapikene maloŵe genu gakunyosya une. Sambano tinalukolece lupula lwenu ni cisopo, ni kukoleka cisyano mkamwa mwenu. Nipo tinamwusye kumangwenu pakumpitisya mwitala limwapitile pakwisa akuno.”

Yesaya 37:4

Mwenye jwa ku Asiliya amtumile kasembe jwakwe kuti anyosye Mlungu jwa umi. AMBUJE, Mlungu ŵenu apikene kunyosya kweleku, nipo tacipeleka cilango kwa ŵandu ŵakuŵeceta yakumnyosya. Mpopele kwa Mlungu kwapopelela ŵandu ŵetu ŵakusigalila ŵele ali cijumi.”

Yesaya 40:2

Mwalimbikasye mtima ŵandu ŵa ku Yelusalemu. Mwasalile kuti ndaŵi ja yisawusyo yawo jimasile, ulemwa* wawo ukululucidwe. Napele cilango ndaŵi jajilewu ligongo lya ulemwa wawo.”

Yesaya 47:7

Mwaliji mkuganisya kuti ndaŵi syosope timciŵa mwenye ŵakongwe, myoyo yindu yeleyi nganimlondesya, nganimganisya soni mutiyicimalila.

Yesaya 51:19

Yisawusyo yiŵiliyi yigwile pa m'mwejo: cilambo cenu cijonasice ni ngondo, ŵandu ŵenu awile ni sala. Ana ŵani mpaka amtendele canasa? Ana ŵani mpaka amtulasye mtima?

Yesaya 54:11

AMBUJE akuŵeceta kuti, “M'mwe Yelusalemu msinda wakulaga ŵakusoŵa cikamucisyo, soni nganimkola jwakumtulasya mtima, Tinjigasalalisya maganga genu tinjitaŵa soni yilimbilimbi jenu ni maganga ga mtengo wapenani.

Yelemiya 13:27

Nayiweni yakusakala yenu, yikululu yenu, ni kukumbila kwenu, kulambila milungu jenu ja unami pa matumbi, kwitinji. Likungu kwa jemanja ŵandu ŵa ku Yelusalemu! Timciŵa ŵangaswejesedwa pakutenda ya dini mpaka cakaci?

Yelemiya 16:7

Pangali mundu jutacipeleka yakulya kwa mundu jwakulila kuti ampembece ligongo lya ŵakuwawo. Ngasampa cakumwa kuti ampembece, atamose ali ajasice babagwe kapena mamagwe.

Yelemiya 2:34

Yakuwala yenu yicejele ni miasi ja ŵandu ŵakulaga ŵangalemwa. Jemanja nginimwasimana ŵanduwo ali mkasanya majumba. “Atamose kuti yindu yili myoyo,

Yelemiya 48:26

“Mwakolelwesye ŵandu ŵa ku Mowabu ligongo lyakuti ŵalikusisye pakwajimucila AMBUJE. Mwaloŵece m'matapisi gawo pego, kuti aŵe cindu cakusecesya ŵandu.

Yelemiya 5:31

Ŵakulocesya ŵa unami soni ŵakutaga mbopesi akukamulana nawo. Nambope ŵandu ŵangu akunonyela iyoyo. Ana timcitenda cici pitijiciyika ndaŵi jakumalisya?

Yelemiya 50:29

“Mwaŵilanje wosope ŵakusaponya mipamba kuti amenyane ni Ababiloni, ayice soni wosope ŵakuwuta mawukunje. Mwasyungulile ni misi jakwe kuti pakasimanikwa mundu jwakutila. Mwape cilango pakukuya yakulemwa yawo. Mwatende yele yiŵatesile ŵane. Jwalakweju ŵanyosisye AMBUJE, Ŵaswela ŵa Aisalaeli.

Malilo 1:17

“Siyoni akwesisye makono, nambo pangali atamose jumo jwakungamucisya une. AMBUJE ŵalamwile acanasi ŵa Yakobo* kuti aŵe amagongo ŵakwe. Yelusalemu ŵaŵele cindu cakunyalaya pasikati pawo.

Malilo 1:21

“Ŵandu akumbikana munguwuwulila; nambo pangali atamose mundu jwakundulasya une. Amagongo ŵangu wosope asangalele kuti ŵalakwe ŵambele yisawusyo. Ayice nalyo lisiku liŵatendele cilanga* lila; nombe nawo talaje mpela mungulajila une.

Malilo 2:13

M'mwe Yelusalemu, ŵakunonyelwa Yelusalemu, mbecete cici ya m'mwe? Ana mpaka namtulasye uli m'mwejo? Pangali atamose jumo kalakose juŵalasile camti myiyi. Conasiko cenu cili cekulungwa mpela Nyasa ja Njete; soni pangali cembeceyo.

Malilo 4:1

Golidi* jwetu jwambone jula juŵele jwangasalala; maganga ga Nyumba ja AMBUJE* gala gali palipose m'misewu.

Malilo 5:1

Ŵalakwe AMBUJE* akumbucile yele yiyatuwonecele uwe. Atulole uwe, nalole mwele muŵatunyocesyaga.

Hoseya 2:14

Sambano mpikane, tinjimnyenjelela jwamkongwejo, ni kuja najo ku cipululu ni kuja kumsangalasya ni maloŵe ga cinonyelo.

Sefaniya 2:10

Mwelemu ni muciciŵela cilango ca ŵandu ŵa ku Mowabu ni Aamoni ligongo lya kupoka ni kwanyosyaga ŵandu ŵa AMBUJE Ŵamaciligosope.

Yohana 11:19

Ŵandu ŵajinji ŵa ku Yudeya ŵayice kukwakopocela Malita ni Maliya pa ciwa ca mlumbugwawo.

Detulonomo 26:7

Uweji twalisile kwa AMBUJE, Mlungu jwa acinangolo ŵetu, kuti atukamucisye. Ŵakupikene kulila kwetu, soni ŵakuweni kulaga kwetu, ŵagaweni masengo gamakulungwa giŵatukamulisyaga jemanja jila, ni ŵakumanyilile kudandawula kwetu.

Detulonomo 32:27

Nambo ngingusosa kuti amagongo ŵawo akopoce pameso pa une, ngangusaka kuti amagongo aganisye mwakulemwa. Ni kutanda kusala kuti twapundile ŵandu ŵeleŵa pa ngondo mwamacili getu, ngaŵa kuti Mlungu ni juŵatesile yeleyi.’

Detulonomo 32:29

Ligongo akaŵe ŵandu ŵalunda akapikanicisye, soni akamanyilile yakomboleka kwagwila.

1 Petulo 4:17

Sambano ndaŵi jiyice jakuti Mlungu atande kwalamula ŵandu ŵakwe. Sambano naga camukoco cikutandila pa uweji, nambi pakwika pa ŵangapikanila Ngani Syambone sya Mlungu, ni kuti tiyiciŵa yamtuli?

1 Sam 1:11

Hana ŵalumbile acitendaga cilanga* ni Mlungu kuti: “AMBUJE Ŵamaciligosope, andole kulaga kwangu ni ambikane lipopelo lyangu, conde akasandiŵalila une kapolo jwawo. Naga akumba mwanace jwamlume, tinjimpeleka kwa wawojo umi wakwe wosope, soni ngamyola mpala umbo syakwe.”