Malilo 1:8 - Chiyawo Bible

⁸ Ŵandu ŵa mu Yelusalemu ŵalemwisye mnope, mwamti aŵele ŵakunyalaya. Wosope ŵele ŵaŵamcimbicisyaga, akumnyosya sambano, ligongo lyakuti agaweni makonope gakwe. Jwalakwe agamba gumila nipo akulola kumbali.

Malilo 1:8 Iomraidhean Croise

Genesesi 3:7

Ali namalape kulya, ŵalimanyilile kuti ali makonope, myoyo ŵatotile masamba ga citela ca mkuju ni ŵawete.

1 Ayi 9:6

Nambo naga m'mwejo ni ŵanace ŵenu mkuleka kunguya une, soni naga mkuleka kugapikanila maloŵe ni malamusi gangu ginampele, ni kutanda kujitumicila milungu jine ni kujipopelela,

1 Ayi 9:7

une tinjatyosya ŵandu ŵangu Aisalaeliwo mcilambo cinapele. Tinjijikana Nyumba jino jinajiswejesye kuti jiŵe Nyumba jakumbopelela une. Nipo ŵandu ŵa mitundu jine* josope tacanyosya ni kwasogoda ŵandu ŵa ku Isalaeli.

1 Ayi 9:9

Nipo ŵandu tacijanga kuti, ‘Ligongo lyakuti ŵandu ŵeleŵa ŵalesile AMBUJE Mlungu jwawo, ŵaŵakopwesye acinangolo ŵawo ku cilambo ca Iguputo. Ni ŵalisosele acimsyene milungu jine ni kujitumicila ni kujilambila. Ni ligongo lyakwe AMBUJE ŵatendele yindu yakusakala yamti myiyi.’ ”

Yesaya 47:3

Ŵandu tacimwona mli makonope, nipo timcitenda soni mnope. Tinjipeleka cilango nipo pangali jutacindekasya.”

Yelemiya 13:22

Naga timciwusyaga kuti, ana yeleyi yitugwilile uli? Ligongo cici yakuwala yetu yipapwice ni kututendela ya ngalwe? Yili myoyo ligongo lyakuti ulemwa* wenu uli wakogoya mnope.

Yelemiya 13:26

Une AMBUJE tinjipapula yakuwala yenu mpaka kumeso, soni umakonope wenu tiwuciwonecela.

Yelemiya 15:4

Tinjatendekasya jemanjajo kuŵa cindu cakutesya mselu kwa ŵandu wosope ŵa pa cilambo ligongo lya yele yiŵatesile ŵanace ŵacalume ŵa Hesekiya ku Yelusalemu pa ndaŵi jiŵaliji mwenye jwa ku Yuda.”

Yelemiya 24:9

Tinjatendekasya jemanjajo kuŵa cindu cakunyalaya kwa ŵandu ŵa m'ma ucimwene wosope pa cilambo capasi, cindu cakuciseka ni celwesece kulikose kutinjabalalikanganyicisya.

Yelemiya 32:23

Ŵajinjile mcilambo muno ni kucisumula kuti ciŵe cawo. Nambo jemanjajo nginiŵapikanila, pakuti nganakuya malamusi gawo. Nambo jemanjajo nginiŵapikanila ŵalakwe, nginakuya malamusi ga ŵalakwe. Nginatendaga muŵalamulile ŵalakwe. Ali ni ligongo lyakwe ŵalakwe ayikasisye yisawusyo yosopeyi.

Yelemiya 34:17

Ali ni ligongo lyakwe AMBUJE akuŵeceta kuti: nginimumbikanila, nganimjenesya ya ukoto kuti mwagopole acanasi ni acalongo acimjenu. Cambone! Une tinjijenesya ya ukoto wine kwa jemanja, ukoto wakwe uli wakuti timciwa ku ngondo, ni sala kapena yilwele yakulekanganalekangana. Tinjimtendekasya kuŵa cakutesya soni sikati ja ayimwene ŵa pa cilambo capasi.

Yelemiya 4:31

Napikene kuwuwula mpela kwa jwamkongwe, pa ndaŵi jakusaka kuŵeleka mwanace jwakwe jwakwitiwo. Kweleku kwaliji kulila kwa ŵandu ŵa mu msinda wa Siyoni, ali atambasukwile magasa gawo acitiji kuti, “Likungu kwa uwe! Tukukomoka umi wetu upelecedwe myala mwa ŵandu ŵakusaka kutuwulaga uwe.”

Yelemiya 6:28

Wosope ŵenewo akwete upandu wakanika, wosope ŵenewo ali acikasitape, ni ŵakulimba mpela liganga lya bulonsi ni cisyano. Wosope ŵene akusagamba kutenda yakusakala.

Malilo 1:11

Ŵandu ŵakwe ŵagumilaga katema kiŵasosaga yindu yakulya kuti alye. Ŵatindanyaga cipanje cawo ni yakulya kuti aŵe ni umi. Ŵanduwo ŵalisile acitiji, “Mundole une, AMBUJE, alole mwele mungulajila.”

Malilo 1:17

“Siyoni akwesisye makono, nambo pangali atamose jumo jwakungamucisya une. AMBUJE ŵalamwile acanasi ŵa Yakobo* kuti aŵe amagongo ŵakwe. Yelusalemu ŵaŵele cindu cakunyalaya pasikati pawo.

Malilo 2:10

Acakulungwakulungwa ŵa msinda wa Yelusalemu atemi pasi jii, Ali alitasile luwundu m'mitwe mwawo ni kuwala yisaka myilu yawo. Ŵali ŵajinamicisye mitwe jawo pasi.

Malilo 4:21

Sengwani jemanja ŵandu ŵa ku Edomu ni Usi; sangalalani mwele mumpaka msangalalile. Conasiko cenu jemanja cikwisa; timcikolelwa mpaka kuwula yakuwala ni kutenda soni.

Esek 23:29

Ligongo lyakuti akusamŵenga, tacimsumula yosope yimwayipatile ni lilama lyenu, ni tacimleka mli makonope ni umakonope umwatendelaga lilama tiwuciŵa wangawala. Yakunyalaya yenu ni cikululu cenu

Esek 23:46

Yinguŵeceta Une AMBUJE Mlungu nayi: “Mliŵilanje likuga lya ŵandu kuti lyalagasye ni kwasumula yipanje yawo.

Esek 39:23

Ŵandu ŵa yilambo yosope tacimanyilila kuti Aisalaeli ŵapite ku ukapolo ligongo lya ulemwa* uŵatesile kwa Une. Myoyo natyocele jemanjajo ni kwakunda amagongo ŵawo kuti ŵapunde ni kwawulaga jemanjajo ku ngondo.

Hoseya 2:10

Myoyo tinjilosya umakonope wawo pakulanguka kwa maganja gakwe, soni pangali ni jumo jose jutacakulupusya myala mwangu.

Hoseya 2:3

Naga ngakutenda myoyo tinawule, kuti aŵe makonope muŵapagwile. Tinjajumusya mpela cipululu, taciŵa mpela cilambo cangali mesi, nipo taciwa ni njota.

Chunukuko 3:18

Myoyo ngumsalila kuti msume kutyocela kwa une golidi,* jwakwenjeka cenene ni moto, kuti mŵe ŵakusicila. Msume soni yakuwala kutyocela kwa une kuti m'wale ni kusisa umakonope wenu wakutesya soniwo. Msume soni mtela wa meso kuti mpakombole kulola.

1 Sam 2:30

Une AMBUJE Mlungu jwa Aisalaeli, naŵisile cilanga* kuti, liŵasa lyenu ni liŵele lyenu tilicindumicila Une mpela ŵakutaga mbopesi ndaŵi syosope. Nambo sambano Une nguti, yeleyo basi yimasile! Tinjacimbicisya ŵakunjimbicisya une, soni tinjapila mtima ŵakunyosya une.