Malilo 1:7 - Chiyawo Bible

⁷ Pa masiku ga yisawusyo ni kulaga kwakwe, ŵandu ŵa mu Yelusalemu akusakumbucila yambone yakwe yosope yiŵakwete kala. Pandaŵi jele ŵandu ŵakwe ŵaliji m'myala mwa amagongo ŵakwe, paliji pangali atamose jumo jwakwakamucisya. Amagongo ŵakwe ŵamsekaga jwalakwe ligongo lya kugwa kwakwe.

Malilo 1:7 Iomraidhean Croise

Yobu 29:2

Sacileje ngaŵe munaŵelele kalakala, pa masiku giŵasamalilaga une Mlungu.

Masalimo 42:4

Mtima ŵangu ukusapweteka pingusakumbucila yakala, pinaliji mkwenda ni ŵandu ŵajinji, pakwalongolela ku Nyumba ja AMBUJE,* paliji pana ŵandu ŵajinji, acijimbaga ni kupeleka malumbo kwa Mlungu.

Masalimo 77:3

Pangusaganicisya ya Mlungu; mtima wangu ukusawuwula, pingukumbucila ya Jwalakwe; ngusajasa mtima.

Masalimo 79:4

Tuŵele ŵakwaluka kwa acalongo acimjetu, ŵandu ŵa mitundu jine* akututenda cipongwe ni kutuseka.

Yesaya 64:10

Misinda jawo jeswela jisandwice yipululu, Siyoni* asandwice ukweti, Yelusalemu asandwice jwamasije.

Yesaya 64:11

Nyumba jetu jeswela ni jakusalala, mwele acinangolo ŵetu ŵaliji kumlambila, jipile ni moto. Malo gosope gitwaganonyelaga gatendece kuŵa malo gangatamidwa.

Yelemiya 37:7

kuti amsalile Sedekiya kuti, “Une AMBUJE, Mlungu jwa Aisalaeli, nguŵeceta kuti mwenye jwa ku Yuda juŵamtumile m'mwejo kuti mŵende lunda kwa une, mumsalile kuti, likuga lya ngondo lya Mwenye jwa ku Iguputo lilyayice kuti limkamusye, pangakaŵapa tiliwujile kumangwakwe ku Iguputo.

Yelemiya 48:27

Ana paja Aisalaeli ngaŵaga ŵaliji cindu cangali mate kwa jemanja? Ana ŵasimanikwe pasikati pa ŵawiyi, kuti ndaŵi syosope pakuŵeceta ya jwalakwejo mumpukunyileje mtwe mwakumnyosya.

Malilo 4:17

Meso getu gapesile ni kwembecela cikamucisyo cele cimkaniciyika. Twagambaga kwembecela kutyocela kwa mtundu wele uwaliji wangali kandu ka mpaka kupeleka.

Esek 25:3

Mwasalile jemanjajo apikane yinguŵeceta Une AMBUJE: mwasangalele pimwajiweni Nyumba jangu ali ajisakesye, litaka lya Aisalaeli lili limasile cajila, ni kwawona ŵandu ŵa ku Yuda ali apite ku ukapolo.

Esek 25:6

“Yakuŵeceta AMBUJE nayi: mwakwatile m'myala ni guluka mwakusangalala. Mwacinandiye cilambo ca Aisalaeli ni kucinyosya ni mtima wenu wosope.

Hoseya 2:7

Tacigawutucila maganja gakwe nambo ngasasimana nago. Tacigasosasosa, nambo ngagasimana. Tacijila kuti, “Timbujile soni kwa ŵamkwangu ŵala, pakuti pa ndaŵi jinaliji ni jemanjajo naliji pambone kulekangana ni sambano jino.”

Mika 4:11

Mitundu jejinji jisongene kuti jimenyane ni m'mwejo Siyoni. Jikuŵeceta kuti, “Kwende twasakasye, tulole kumala kwakwe kwa msinda wa Siyoniwu.”

Luka 15:17

Piŵamanyilile kuti atesile yindu yangalumbana jwalakwejo jwatite kuti, ‘Ŵamasengo ŵa baba ŵangu akwete yakulya yejinji, nambo une akuno nguwa ni sala.

Luka 16:25

“Nambo Abulahamu ŵatite, ‘Mwanangu, mkumbucile kuti mwapocele cile yakusangalasya umi wenu pimwaliji cijumi, pa ndaŵi jele Lasalo jiŵapocelaga yisawusyo. Nambo sambano Lasalojo akusangalala akuno, nipo m'mwejo mli myipwetesi sambano.