Malilo 1:5 - Chiyawo Bible

⁵ Amagongo ŵakwe ŵapundile; nipo akwete ulamusi pa jemanjajo. Pakuti AMBUJE ŵapele yisawusyo ligongo lya ulemwa* wejinji wa ŵandu ŵakwe; Ŵanace ŵakwe akamwilwe, nipo ajigelwe kuja ku ukapolo.

Malilo 1:5 Iomraidhean Croise

2 Ayi 21:15

Tinayitende yeleyi kwa ŵandu ŵangu ligongo jemanjaji aŵele ali mkundemwecesya ni kundumbilisya, kutandila lisiku liŵakopwece acinangolo ŵawo ku Iguputo mpaka lelo jino.”

Masalimo 80:6

Atutesile kuŵa cindu cakunyosyeka kwa acalongo acimjetu; amagongo ŵetu akutuseka ali atemi pampepe.

Masalimo 89:42

Ŵapele macili amagongo ŵakwe ŵasangalalisye amagongo ŵakwe wosope.

Yesaya 22:5

Ndaŵi ajino jili ja yisawusyo, jakulepela soni cisokonesyo, m'Ciŵata ca Mesomkulola. AMBUJE* Ŵamaciligosope ni ŵayitumicisye yeleyi. Mapupa gagumwice nipo ŵandu alimkulila kwitumbi.

Yesaya 63:18

Ŵandu ŵawo ŵakusagulidwa ali atemi malo gakusagulidwa ndaŵi japanandi, amagongo ŵajonasile malogo.

Yelemiya 10:20

Matenti getu gajonasice, soni ngonji syakwe syosope sikatice. Ŵanangu andesile ni kwangali soni. Pangali soni jwine jwakuti mpaka aninganyicisye tenti, kapena jwakuti atambasukulanye nguwo syakwe.”

Yelemiya 12:7

AMBUJE akuŵeceta kuti, “Nililesile liŵasa lya Isalaeli, najasile ŵandu ŵinasagwile. Ŵakunonyeledwa ŵangu napelece kwa amagongo ŵawo.

Yelemiya 23:14

Sikati ja ŵakulocesya ŵa ku Yelusalemu naciweni cindu cakogoya mnope: Jemanjajo akusatenda yikululu, kulambusya, nambo soni kwalimbisya mtima ŵandu ŵakusatenda yakusakala; myoyo pangali jwakusaleka yakulemwa yakwe. Kwa uneji, wosopewo ali mpela ŵandu ŵa ku misinda ja Sodomu ni Gomola.

Yelemiya 39:9

Nebusaladani, mlongola jwa acilonda ŵa ngondo, ŵajigele ŵandu wosope ŵakusigala ŵa mu msindamo ni kuja nawo ku Babiloniya. Jemanjaji ni uŵalipelece kwa jwalakwejo, nambo soni ŵandu uŵasigalile.

Yelemiya 5:29

AMBUJE akuwusya kuti, “Ana ni mpaka ndece kwapa cilango ligongo lya yeleyi? Ana ngawuwucisya mtundu wakutenda yeleyiwu?”

Malilo 1:16

“Ni ligongo lyakwe m'meso mwangu mugamba kujilima misosi. Pangali mundu jwampaka ambembece une; pangali jwampaka alimbisye une mtima. Amagongo ambundile une, ni ŵandu ŵangu ŵangali cilicose casigele naco.

Malilo 1:18

“Pelepo AMBUJE apakombwele, ligongo une ngininampikanila jwalakwejo. Apikane jemanja, ŵandu ŵa mitundu jine; alole kulaga kwangu. Acacanda ni ŵali ŵangu apite ku ukapolo.

Malilo 1:8

Ŵandu ŵa mu Yelusalemu ŵalemwisye mnope, mwamti aŵele ŵakunyalaya. Wosope ŵele ŵaŵamcimbicisyaga, akumnyosya sambano, ligongo lyakuti agaweni makonope gakwe. Jwalakwe agamba gumila nipo akulola kumbali.

Malilo 2:17

AMBUJE sambano ayitesile yiŵatite kuti taciyitenda: Atujonasile uwe mwangatutendela canasa, ligongo ŵatutetele kutandila kalakala. Ŵatesile amagongo ŵetu kuti apunde, ni kwapa lukondwa ligongo lya kulepela kwetu.

Malilo 3:46

“Amagongo ŵetu akututesya soni ni kutunyosya.

Esek 9:10

Myoyo ngasinatendela canasa jemanjajo; tinjiyitenda kwa jemanjajo yele jemanjajo yiŵayitesile kwa ŵane.”

Esek 9:9

Mlungu ŵajanjile kuti, “Ŵandu ŵa ku Isalaeli ni ŵa ku Yuda akwete ulemwa* wawukulungwa mnope. Cilambo cosope cigumbele ni yakuwulagana, nombe Yelusalemu agumbele ni yangalumbana. Ŵandu akuŵeceta kuti, Une AMBUJE, nacilesile cilambo cawo soni ngingwasamala jemanjajo.

Detulonomo 31:29

Ngumanyilila kuti patinjiwa une, ŵandu wosope taciŵa ŵandu ŵakusakala, ni taciyikana yosope yisasileyi. Nambo panyuma pakwe taciyiwona yisawusyo yekulungwa, AMBUJE tacitumbila ligongo lyakutenda yindu yakusakala yele yakuyikana jwalakwejo.”