Malilo 1:4 - Chiyawo Bible

⁴ Pangali jwalijose juŵayice ku Nyumba ja AMBUJE* kupopela masiku gakusangalala. Ŵali ŵiŵajimbaga kweleko ŵalesile, ni ŵakutaga mbopesi agamba kudandawula. Yipata ya msinda yosope yili mbee, Siyoni* ali mu yisawusyo.

Malilo 1:4 Iomraidhean Croise

Yesaya 3:26

Myoyo pa yipata ya mu msindawo tipaciŵa kugumila ni kulila, nipo msindawo tiwuciŵa mpela jwamkongwe jwatemi pasi ali jikape jwangali kwakwinjilila.

Yelemiya 10:22

Mpikane, kuyice ngani. Kumpoto kukutyocela likuga lya ŵandu lilimkutenda masegwe; asilikali ŵakwe ŵa ngondo tacimjonanjilatu misinda ja ku Yuda, kuti jiŵe m'masame, mwakutama makule.”

Yelemiya 14:2

“Yuda akulila, misinda jakwe jikulaga, ŵandu ŵakwe aligwisisye pasi mwa canasa, nipo kulila kwa ŵandu ŵa mu msinda wa Yelusalemu kukusile.

Yelemiya 9:11

AMBUJE* akuŵeceta kuti, “Msinda wa Yelusalemu tinjiwusandusya kuŵa masame, tinjiwusandusya kuŵa mwakutama makule. Misinda ja ku Yuda tijicilecedwa, ngasatamamo ŵandu.”

Malilo 1:21

“Ŵandu akumbikana munguwuwulila; nambo pangali atamose mundu jwakundulasya une. Amagongo ŵangu wosope asangalele kuti ŵalakwe ŵambele yisawusyo. Ayice nalyo lisiku liŵatendele cilanga* lila; nombe nawo talaje mpela mungulajila une.

Malilo 5:13

Acacanda ŵetu akwakanganicisya kusyaga tiligu mpela acikapolo; acacanda akupepeluka nago matenje ga usito ga sasu.

Malilo 5:14

Acakulungwa ŵalesile kutama pa nganya, nipo acacanda ŵetu alesile kwimba nyimbo.

Hoseya 2:13

Tinjapa cilango ligongo lyakuti ŵatutumisyaga ubani* kwa milungu mpela Baala pa yindimba yawo. Ŵalisalalisyaga pakuwala mbete ni yuma ya mtengo wapenani kuti ŵawutucileje maganja gawo une nikundiŵalila. Une AMBUJE mbecete myoyo.

Lefitiko 26:22

Yinyama yakogoya yila tinjiyiwucisya pasikati penu, nipo tiyicimtawunila ŵanace ŵenu, kumjonanjila yilangwa yenu. M'matala mwenu timuciŵa mwangapita ŵandu ligongo timcisigala ŵandu ŵa mnono, yilombo yakogoya tiyicinandiya ciŵalanjilo cenu.

Mika 3:12

Myoyo, ligongo lya jemanja msinda wa Siyoni* tiwucitipulidwa mpela litimbe, Yelusalemu taciŵa masame, nipo litumbi lya Nyumba ja AMBUJE ni tiliciŵa ukweti.