Malilo 1:3 - Chiyawo Bible

³ Ŵandu wa ku Yuda apite ku ukapolo kukulaga, ni kuja kamula masengo. Akutama ku yilambo yine, ni kusoŵa malo gakupumulila. Ŵasyungulilidwe ni amagongo, ni ŵasoŵile pakutilila.

Malilo 1:3 Iomraidhean Croise

2 Ayi 25:11

Nebusaladani ŵajigele ŵandu wosope ŵaŵasigalile mu msindawo kuja nawo ku Babiloniya, pamo ni ŵandu ŵiwatisile mwitala pakwawula ku Babiloniya.

2 Ayi 25:21

Kweleko Mwenye Nebukadinesa ŵalamwile kuti ŵakwapule ni kwawulaga ŵanduwo. Amu ni muŵatyocesye Ayuda mcilambo ca kumangwawo, ni kuja kutama acikapolo mcilambo ca cilendo.

2 Ayi 25:4

asilikali ŵa ku Babiloniya ŵapowele mapupa ga msinda wa Yelusalemu. Atamose kuti asilikali ŵa ngondo ŵa ku Babiloniya ŵaliji ali awusyungulile msindawo. Mwenye Sedekiya ŵatisile cilo cicoco pamo ni asilikali ŵakwe ŵa ngondo wosope. Ŵajinjilile litala lya kuja ku mgunda wa mwenye, nipo ŵakopocele pa cipata ca pasikati pa mapupa gaŵili, nipo ŵatilile ku Ciŵata ca Yolodani.

2 Ayi 25:5

Nambo asilikali ŵa ngondo ŵa ku Babiloniya ŵamkuyiye Mwenye Sedekiya, nipo ŵamkamwile ku malambo gakuŵandicila ku Yeliko. Asilikali ŵakwe wosope ŵabalalikangene nipo ŵamtisile.

Yelemiya 13:19

Misinda jenu ja kum'mwela kwa Yuda ajisyungulile, pangali soni jwa mpaka apakombole kwawula kwali jemanjajo. Ŵandu wosope ŵa ku Yuda ajigalidwe kwawula ku ukapolo.”

Yelemiya 16:16

AMBUJE akuŵeceta kuti, “Tinjaŵilanga amagongo ŵajinji ŵamti mpela ŵandu ŵakuwulaga somba, ni tacakamula ŵanduŵa mpela somba. Kaneko tinjaŵilanga soni amagongo ŵane ŵajinji ŵamti mpela ŵakusakula yinyama kuti akasakule ŵanduŵa ku matumbi, m'mikuli nambo soni mu mbanga sya m'malwala.

Yelemiya 24:9

Tinjatendekasya jemanjajo kuŵa cindu cakunyalaya kwa ŵandu ŵa m'ma ucimwene wosope pa cilambo capasi, cindu cakuciseka ni celwesece kulikose kutinjabalalikanganyicisya.

Yelemiya 39:9

Nebusaladani, mlongola jwa acilonda ŵa ngondo, ŵajigele ŵandu wosope ŵakusigala ŵa mu msindamo ni kuja nawo ku Babiloniya. Jemanjaji ni uŵalipelece kwa jwalakwejo, nambo soni ŵandu uŵasigalile.

Yelemiya 52:15

Ŵandu ŵane wosope uŵasigele mu msindamo, ni ŵane uŵalipelece kala kwa mwenye jwa ku Babiloniya, pamo ni afundi ŵakusigala, Nebusaladani jwamkulungwa jwa asilikali jula ŵajigele kuja nawo ku Babiloniya.

Yelemiya 52:8

Likuga lya asilikali lya Ababiloni lyamkuyisye Mwenye Sedekiya mpaka kuja kukumkamula ku yiŵata ya ku Yeliko. Asilikali ŵakwe ŵapwilingene ni kumleka.

Malilo 2:9

Yipata ya msindawo yasililice, soni yisyano yakulisya yakwe yatemecetemece. Mwenye ni ŵakulamula ŵakwe ali ku ukapolo. Ngakwiganya soni Malamusi, nipo ŵakulocesya ŵakwe ngakutenda soni yeyila yakuyiwona yindu m'mesomkulola yakutyocela kwa AMBUJE.

Malilo 4:15

Ŵandu ŵagumilaga kuti, “Atyoce, jemanja ŵandu ŵasakasidwe, akangwaya une!” Myoyo ŵagambaga kwendajenda kutyoka pa mtundu wine ni kuja ku mtundu wine soni nambo pangali atamose jumo juŵapocelaga.

Malilo 5:5

Ŵatujendesyaga mwa ngalwe mpela mbunda kapena ngamila,* nginatukundaga kupumula, atamose tuli tupesile.

Esek 5:12

Cimo mwa yipukutu yitatu ya ŵandu ŵenu taciwa ligongo lya yilwele kapena ni sala. Cipukutu cineco ciciwulajidwa ni upanga kusa kwa msinda; nipo cipukutu cakumalisyaco tinjiciponyela ku mbungo syambali syosope ni kucitopolaga ni upanga wangu.

Detulonomo 28:48

Myoyo timkatumicile amagongo ŵenu ŵatakamtumicisye AMBUJE, ŵatimkalimbane nawo. Timkatameje ni sala, tijikamkole njota, soni tukamkamule usawuci. AMBUJE takamsawusye mwa ngalwe mpaka mli m'masile wosope konasika.