Malilo 1:21 - Chiyawo Bible

²¹ “Ŵandu akumbikana munguwuwulila; nambo pangali atamose mundu jwakundulasya une. Amagongo ŵangu wosope asangalele kuti ŵalakwe ŵambele yisawusyo. Ayice nalyo lisiku liŵatendele cilanga* lila; nombe nawo talaje mpela mungulajila une.

Malilo 1:21 Iomraidhean Croise

Masalimo 35:15

Nambo une pa ndaŵi jinaliji m'yisawusyo, jemanjajo ŵasongangene mli mkusangalala, mwasongangene wosope pampepe, ŵandu ŵangalumbana ŵele ŵanganinamanyilila ni ŵaliji mkusinjilila.

Masalimo 37:13

Nambo AMBUJE akusamseka mundu jwangalumbanajo; ligongo akusamanyilila kuti tajonasice mwangakaŵilisya.

Masalimo 38:16

Pakuŵa ngusapopela kuti, akasiŵakunda jemanjajo kuti asangalale, ŵandu ŵakunyosya une pakumbona kuti ngugwa ligongo lyakutelesya.

Yesaya 14:5

AMBUJE atemangwile yikoti ya ŵandu wakusakala, ajonasile simbo ja ucimwene ja ŵakulamula.

Yesaya 14:6

Jemanjajo ŵajiwulagaga mitundu ja ŵandu, mwakutumbila pakwaputa jemanjajo mwangalecesya. Ŵajilamulilaga mitundu ja ŵandu mwa ukali, ni kwalagasya mwangalecesya.

Yelemiya 30:16

Sambano wosope uŵamjonasile jemanja, nombe nawo tinjajonanga. Wosope ŵakumlagasya tinjajigala kwawula nawo ku ukapolo. Wosope ŵakujigala yindu yenu mwakusumula, nombe nawo yindu yawo tiyicisumulidwa. Wosope ŵakumjonanga jemanja, tinjitenda yindu yakuti nombe nawo ajonanjidwe.

Yelemiya 48:27

Ana paja Aisalaeli ngaŵaga ŵaliji cindu cangali mate kwa jemanja? Ana ŵasimanikwe pasikati pa ŵawiyi, kuti ndaŵi syosope pakuŵeceta ya jwalakwejo mumpukunyileje mtwe mwakumnyosya.

Yelemiya 50:11

“Jemanja Ababiloni, mwajonasile ŵandu ŵangu ŵakusagulidwa. Atamose mŵe ŵakondwa ni ŵakusangala, atamose msumbesumbe mwa lukondwa mpela mwanace jwangondolo jwakuliŵata tiligu, atamose mlile mwakusimbwa mpela mahaci

Yelemiya 50:15

Mgumile posepose pakuti alepele. Sanja syakwe sigwile, soni mapupa gakwe gajonasice. Syelesi sili mbusyo sya AMBUJE. Mwawucisyani, mwatende mpela yiŵatite ŵelewo pakwatendela ŵane.

Yelemiya 50:29

“Mwaŵilanje wosope ŵakusaponya mipamba kuti amenyane ni Ababiloni, ayice soni wosope ŵakuwuta mawukunje. Mwasyungulile ni misi jakwe kuti pakasimanikwa mundu jwakutila. Mwape cilango pakukuya yakulemwa yawo. Mwatende yele yiŵatesile ŵane. Jwalakweju ŵanyosisye AMBUJE, Ŵaswela ŵa Aisalaeli.

Yelemiya 50:31

“Babiloniya, mgumbalilwe ni cipongwe, pakuti ndaŵi jenu jikwanile liyice lisiku lyenu lya cilango, akuti myoyo AMBUJE Ŵamaciligosope.

Yelemiya 51:24

“Une tinjipeleka cilango ku Babiloniya jemanja mli kulola ni wosope ŵakutamamo ligongo lya yileŵi yosope yiŵatesile ku Siyoni,” akuti myoyo AMBUJE.

Yelemiya 51:49

Babiloniya ŵatendekasisye ciwa ca ŵandu wosope pa cilambo, sambano Babiloniya tacigwa ligongo ŵatendekasisye ciwa ca Aisalaeli. Une AMBUJE mbecete myoyo.

Malilo 1:16

“Ni ligongo lyakwe m'meso mwangu mugamba kujilima misosi. Pangali mundu jwampaka ambembece une; pangali jwampaka alimbisye une mtima. Amagongo ambundile une, ni ŵandu ŵangu ŵangali cilicose casigele naco.

Malilo 1:2

Ugamba kulila cilo cosope, misosi jigamba kujilima m'majeje mwakwe. Mwa wosope uŵawunonyelaga msindawu, pangali atamose jumo juŵasigele kuti awumyalasyeje. Acimjakwe wosope ŵampelece kwa amagongo ŵakwe nipo wosopewo sambano aŵele amagongo ŵakwe.

Malilo 1:22

“Ŵajimbe magambo ni masengo gawo gosope gakusakala; Ŵape cilango jemanjajo mpela muŵambelele une ligongo lya ulemwa wangu. Nguwuwula mnope, nipo mtima wangu wangali macili.”

Malilo 1:4

Pangali jwalijose juŵayice ku Nyumba ja AMBUJE* kupopela masiku gakusangalala. Ŵali ŵiŵajimbaga kweleko ŵalesile, ni ŵakutaga mbopesi agamba kudandawula. Yipata ya msinda yosope yili mbee, Siyoni* ali mu yisawusyo.

Malilo 1:8

Ŵandu ŵa mu Yelusalemu ŵalemwisye mnope, mwamti aŵele ŵakunyalaya. Wosope ŵele ŵaŵamcimbicisyaga, akumnyosya sambano, ligongo lyakuti agaweni makonope gakwe. Jwalakwe agamba gumila nipo akulola kumbali.

Malilo 2:15

Ŵandu ŵakupita mu msindawo agamba kumlola ni kumnyosyaga. Akusapukunya mitwe jawo ni kusekaga masame ga Yelusalemu. “Ana msinda wakunonyelwa ula nawu? Ana awu ni msinda wakusangalasya cilambo cosope capasi ula?”

Malilo 2:16

Amagongo ŵenu wosope akumnyosya ni kumpalandacisya meso kulosya kuti ngakumsaka. Akumsonya ni kumgambaga kuti, “Tuwujonasile kusyene! Lelo ni lisiku litwalijembecelaga!”

Esek 26:2

“M'mwe mwanace jwa mundu, ŵandu ŵa ku Taya ŵanyosyaga Yelusalemu kuti, ‘Juŵaliji cipata cakwinjilila mitundu ja ŵanduju, ajonasice. Yipata yakwe yituwugucile uwe sambano. Tusicile, pakuti jwalakwe sambano ali masame.’

Yoweli 3:14

Makuga ga ŵandu gali m'Ciŵata ca Kulamula. Kweleko ni kuti lisiku lya AMBUJE tiliciyika mwacitema.

Chunukuko 18:6

Mkwenela kutenda yindu yakusakala ku Babiloni mpela muŵamtendele ŵandu ŵane. Mwawucisye mwakuwilisya yindu yakusakala yiŵatesile. Mkwenela kutaga finyo jwaukali mnope mu mgawo wakwe mwakuwilisya kupunda cakumwa ciŵalinganyicisye ŵane kuti amwe.