Malilo 1:2 - Chiyawo Bible

² Ugamba kulila cilo cosope, misosi jigamba kujilima m'majeje mwakwe. Mwa wosope uŵawunonyelaga msindawu, pangali atamose jumo juŵasigele kuti awumyalasyeje. Acimjakwe wosope ŵampelece kwa amagongo ŵakwe nipo wosopewo sambano aŵele amagongo ŵakwe.

Malilo 1:2 Iomraidhean Croise

Yobu 6:15

Nambo jemanja acimjangu mli ŵa unami, mulambwisye une mpela lusulo lwakuwutuka mesi, lwalukusajumilila mwacitema naga ula kwangali.

Yobu 7:3

Ndaŵi syosope ngusagamba kulaga, cilo cilicose ngusasimana ni yisawusyo.

Masalimo 126:5

Ŵandu ŵele ŵakupanda acililaga, tacigowola mwakusengwa.

Masalimo 31:11

Amagongo ŵangu wosope akusambula, acalongo acimjangu akumbona mpela cindu cakunyalaya. Ŵandu wakumanyigana nawo akunjogopa. Ŵandu ŵakumbona mu msewu akundila.

Masalimo 6:6

Mbesile ni kuwuwula. Cindanda cangu cikusaŵa cacinyoŵe ni misosi jangu cilo cilicose. Msamilo wangu ukusaŵa wenyoŵe ligongo lya kulila kwangu.

Masalimo 69:21

Ŵambele ndulu kuti ciŵe cakulya cangu, ni ŵamwesisye finyo jwecesuce pijangwete une njota.

Misyungu 19:7

Naga mundu jwakulaga akusaŵenjedwaga ni acalongo acimjakwe ŵene, nambi kuli uli mwakusamŵambalila acimjakwe, mwakusamŵambalila!

Yelemiya 13:17

Nambo naga ngampikanila. Mtima wangu tiwucililila pacisyepela ligongo lya lilama lyenu; Tinjilila mwakupweteka mtima, nipo m'meso mwangu timucigumbala misosi jakuŵaŵa ligongo lyakuti ŵandu ŵa AMBUJE ajigalidwe kwawula ku ukapolo.

Yelemiya 2:25

Isalaeli, lekani, kogopela kuti sapato syenu sitakum'malila ku sajo peko, ku lukosi kwenu komboleka kumula ni njota ligongo lya kujikuya milungu jine. Nambo m'mwejo mkuti, ‘Iyayi, ngayikomboleka kutendela mwine, pakuti ngusajinonyela milungu ja cilendoji, ni ngaŵa mkomboleka kuleka kujikuya.’ ”

Yelemiya 3:1

AMBUJE* akuti, “Naga jwamlume akumleka ulombela jwamkongwe, kaneko jwamkongwejo ni kutyoka kuja kulombedwa ni jwamlume jwine, ana jwamlume jwandanda jula ali jwakomboleka soni kumjigala jwamkongwejo? Ana naga akutenda myoyo ngaŵaga kuti pelepo ni kuti cilambo cisakasidwe mnope? Sambano jemanja ŵandu ŵa ku Isalaeli, mtesile lilama ni maganja genu gejinji. Ana mpaka komboleka kuwujila soni kwa une?

Yelemiya 30:14

Ŵakunonyelwa ŵenu wosope amliŵalile, ngakumtendela soni masengo. Nimpele cilango mwa ngalwe, pakuti magambo genu gali gekulungwa, ulemwa* wenu uli wejinji.

Yelemiya 4:30

M'mwe Yelusalemu mli masame. Ana mkuti timtende cici pimkuwala yakuwala yecejewu, pimkuwala yakulisalalisya ya golidi,* pimkugakusya meso genu pakugapakasya yakusalalisya? Mgamba kulisawusya pakulinga kulisalalisya. Maganja genu gakumnyosya, gagamba kusaka konanga umi wenu.

Yelemiya 9:1

Nganonyele kuti mtwe wangu uŵe mpela cisima ca mesi, kuti meso gangu gaŵe mpela uliŵa wa misosi, kuti ndile musi ni cilo, kwalilila wosope uŵawile ŵa mtundu wa ŵandu ŵangu.

Malilo 1:19

“Naŵilasile acimjangu, nambo nombe nawo ŵakanile kungamucisya une. Ŵakutaga mbopesi ni ŵakulamula ŵawile m'misewu ja mu msindamo, pa ndaŵi jiŵasosagasosaga yakulya kuti aŵe ni umi.

Malilo 1:21

“Ŵandu akumbikana munguwuwulila; nambo pangali atamose mundu jwakundulasya une. Amagongo ŵangu wosope asangalele kuti ŵalakwe ŵambele yisawusyo. Ayice nalyo lisiku liŵatendele cilanga* lila; nombe nawo talaje mpela mungulajila une.

Malilo 1:9

Usakwa wakwe wawonecele mwangasawusya, nambo jwalakwe nganalosya kudandawula ni yakumgwila kusogolo. Kugwa kwakwe kwaliji kwakogoya; mwamti paliji pangali jwalijose jwakumtulasya mtima wakwe. Amagongo ŵakwe apundile, nipo jwalakwe agamba kulilila AMBUJE kuti ŵatendele canasa.

Malilo 2:11

Meso gangu gapesile ni kulila; umi wangu ulasile mnope. Mu mtima mwangu mugumbele ni canasa ligongo lyakonasika kwa ŵandu ŵangu. Ŵanace ni makandi gagamba komoka m'misewu ja mu msinda.

Esek 16:37

Ligongo lya yeleyi tinjigasonganya pampepe maganja genu gosope gimwasangalalaga nago, maganja gimwaganonyelaga pampepe ni gimwaŵenganaga nago. Tinjasonganya kutyocela mbali syosope, ni kumwula pameso pawo kuti jemanjajo awuwone umakonope wenu.

Hoseya 2:7

Tacigawutucila maganja gakwe nambo ngasasimana nago. Tacigasosasosa, nambo ngagasimana. Tacijila kuti, “Timbujile soni kwa ŵamkwangu ŵala, pakuti pa ndaŵi jinaliji ni jemanjajo naliji pambone kulekangana ni sambano jino.”

Mika 7:5

Jwine akakulupilila mwa mnasi jwakwe, akadalila mwa ajakwe ŵa pa mtima. Jwalijose akalamuce ni pakamwa pakwe, atamose pa ndaŵi jakuŵeceta ni ŵamkwakwe ŵene.

Chunukuko 17:13

Ayimwene likumiŵa, cakulinga cawo cili cimpepe, nipo akusapeleka macili gawo ni ulamusi wawo m'myala mwa cilombo cila.

Chunukuko 17:16

Sambano misengo likumi jimwajiweni jila, pamo ni cilombo cila, tiyiciŵengana ni jwamkongwe jwakulijesya jula. Calakweco ticicimsumula jwalakwejo yakwe yosope ni kumleka ali makonope. Ticicilya mnowu wa jwamkongwejo, kaneko ni kumponya pa moto kuti atinice.