Malilo 1:18 - Chiyawo Bible

¹⁸ “Pelepo AMBUJE apakombwele, ligongo une ngininampikanila jwalakwejo. Apikane jemanja, ŵandu ŵa mitundu jine; alole kulaga kwangu. Acacanda ni ŵali ŵangu apite ku ukapolo.

Malilo 1:18 Iomraidhean Croise

1 Ayi 13:21

nipo ŵagumisile kwa mundu jwakulocesya jwakutyocela ku Yuda jula kuti, “Mpikane maloŵe ga AMBUJE, akuti nganimwapikanila AMBUJE Mlungu jwenu, ni nginimkuya lilamusi lyawo liŵalamwile.

Esala 9:13

Yosopeyi yitendekwe kwa uweji ligongo lya yitendo yetu yakusakala ni ulemwa wetu, elo tukumanyilila kuti wawo AMBUJE ŵetu atupele uweji cilango camwana kuwanicisya ni winji wa ulemwa wetu soni atukundile ŵane ŵa uweji kuti tukulupuce.

Nehemiya 9:26

“Nambo jemanjajo ŵajimucile soni nganiŵapikanila wawo, ŵawuleje ŵakulocesya ŵa wawo, ŵiŵakalamusyaga jemanjajo ni kwasalila kuti awujile soni kwa wawo. Ŵatesile yindu yakusakala ni kulinyosya lina lya wawo.

Nehemiya 9:33

Nambo wawo aŵele ŵakulungama pakutupa uwe cilango; atesile nowe mwakulupicika, atamose kuti uweji twatesile ulemwa.

Masalimo 107:11

Pakuŵa ŵagasisisye maloŵe ga AMBUJE, ni Malamusi ga AMBUJE asyene Macili gosope ŵagakanile.

Masalimo 119:137

Ŵalakwe AMBUJE ali ŵagoloka, ni kulamula kwawo kuli kwagoloka.

Masalimo 119:75

Ŵalakwe AMBUJE, ngumanyilila kuti, kulamula kwawo kuli kwagoloka, mbatile cilango ligongo ŵalakwe ali ŵakulupicika.

Masalimo 145:17

AMBUJE ali ŵagoloka myitendo yawo, soni ŵacanasa pa yosope yakutenda.

Ekisodo 9:27

Mwenye jwa ku Iguputo ŵaŵilasile Mose ni Aloni ni ŵasalile kuti, “Une ndemwisye, nambo AMBUJE ali ŵakulungama, une ni ŵandu ŵangu tuli ŵakulemwa.

Yelemiya 12:1

Ŵalakwe AMBUJE* ndili ndite kuti sisyane ni ŵalakwe, ŵalakwetu ni ŵampaka aŵe ŵakulondola nditu. Nambope ngusaka kwawusya ŵalakwe ciwusyo cakwamba magambo gangu. Ana ligongo cici ŵandu ŵakusakala yindu yikusiyajendela cenene? Ana ligongo cici ŵandu ŵangakulupicika akusaŵa pambone?

Yelemiya 32:23

Ŵajinjile mcilambo muno ni kucisumula kuti ciŵe cawo. Nambo jemanjajo nginiŵapikanila, pakuti nganakuya malamusi gawo. Nambo jemanjajo nginiŵapikanila ŵalakwe, nginakuya malamusi ga ŵalakwe. Nginatendaga muŵalamulile ŵalakwe. Ali ni ligongo lyakwe ŵalakwe ayikasisye yisawusyo yosopeyi.

Yelemiya 4:17

Akuwusyungulila msinda wa Yelusalemu mpela acilonda ŵakulondela mgunda, ligongo lyakuti ŵandu anjimucile une. AMBUJE aŵecete myoyo.

Yelemiya 49:12

AMBUJE akuŵeceta kuti, “Naga ŵele ŵiŵaliji ŵangaŵajilwa kumwela mgawo wa cilango ayice amwe nditu. Kuli uli jemanja, ana mkuganisya kuti timciŵa ŵangapegwa cilango? Pepani, timcipegwape cilango, nipo timcimwa kwene mgawowo.

Malilo 1:12

Agamba kwalilila ŵaliwose ŵakupita mwitala acitiji, “Andole une! Pangali atamose mundu jumo juŵasimene ni yipwetesi mpela une. Yipwetesi yiŵambele AMBUJE une ndaŵi ja sala jila.

Malilo 3:42

“Uwe twalemwisye ni kwajimucila, ni ŵalakwe AMBUJE nganatukululucila.

Malilo 5:16

Pangali cindu cilicose cicasigele mwa yele yitwayipocelaga. Twalemwisye, ni ligongo lyakwe tukulamulwa.

Daniele 9:5

“Uwe tulemwisye, tutesile yakusakala ni yakulemweceka. Twajimucile ŵalakwe pakuleka malamusi gawo ni upungu wawo.

Daniele 9:7

Ŵalakwe AMBUJE, ali ŵakulungamika, nambo mpaka sambano jino situtesile soni uwe ŵandu ŵa ku Yuda, alukosyo ŵa ku Yelusalemu, ni ŵandu wosope ŵa ku Yelusalemu, ni ŵandu wosope ŵa ku Isalaeli, ŵa pakuŵandika ni ŵa kwakutalika, ku yilambo yosope kuŵatutopocesye, ligongo lya ungakulupicika wetu kwa ŵalakwe.

Amosi 8:13

Pa lisiku lyelelo atamose acacanda ni ŵali ŵamacili gawo tacikomoka ni njota.

Sefaniya 3:5

Nambo AMBUJE ali ciŵela mu msindamo, akusatenda yele yili yambone ngaŵa yakusakala. Akusalamula mwakulungama kundaŵi, nambo ŵangalumbana akupitilisya kutenda yakulemwa nambo citamileco ngatenda soni.

Sakaliya 1:6

Napele acinangolo ŵenuwo malamusi gangu kupitila mwa ŵakulocesya, nambo nganagapikanila ni ŵayiweni yakuyicisya yakwe. Kaneko ŵapesisye ulemwa wawo ni kwiticisya kuti Une, AMBUJE Ŵamaciligosope, napele jemanjajo cilango pakukuya ni ndamo syawo ni masengo gawo gakusakala.

Ŵaloma 2:5

Nambo m'mwejo mkusajumusya mtima ni kukana kupitikucila kwa Mlungu. Myoyo mkulisalacisya mwasyene lutumbilo lwa Mlungu pa lisiku litacilosya lutumbilo lwakwe nambo soni tacilamula cilambo capasi mwakulungama.

Ŵaloma 3:19

Tukumanyilila kuti yosope yigakuti pakuŵeceta Malamusi ga Mlungu, yikwakwaya ŵandu ŵakulamulilidwa ni Malamusigo. Cakulinga cakwe cili cakuti ŵandu wosope asoŵe cakuŵeceta pameso pa Mlungu, ni tajimbidwe magambo ni Mlungu.

Detulonomo 32:4

“AMBUJE ni ŵali ŵakumcenjela ŵenu ŵamacili, yitendo yawo yosope yili yagoloka ni ya cilungamo. Mlungu jwenu ali jwakulupicika ni jwa kuwona, akusatenda yindu yakwenela ni ya mtendele.

Ŵakulamula 1:7

Adonibeseki ŵatite kuti, “Ayimwene 70 ŵakatidwe yikongo yawo ni yala yayikulungwa ya ku sajo syawo ŵalokotaga nyenyeswa pasi pa tebulo jangu. Mlungu sambano atesile kwa une yinatendele jemanjajo.” Myoyo asilikali ŵa ku Yuda ŵajigele Mwenye Adonibeseki kwawula nawo ku Yelusalemu, kuŵajile kuwila.

1 Sam 15:23

Kwajimucila AMBUJE kuli mpela usaŵi, nipo kulikwesya kuli mpela ulemwa* wa kujilambila milungu jakupanganyidwa. Pakuŵapo wawo alikanile lilamusi lya AMBUJE, nombe nawo ŵakanile wawo kuti akaŵa mwenye.”