Malilo 1:16 - Chiyawo Bible

¹⁶ “Ni ligongo lyakwe m'meso mwangu mugamba kujilima misosi. Pangali mundu jwampaka ambembece une; pangali jwampaka alimbisye une mtima. Amagongo ambundile une, ni ŵandu ŵangu ŵangali cilicose casigele naco.

Malilo 1:16 Iomraidhean Croise

Masalimo 106:42

Amagongo ŵawo ŵaliji mkwalagasya, ŵaliji pasi pa ulamusi wawo.

Masalimo 119:136

Meso gangu gakugwisya misosi mpela sulo, ligongo ŵandu ngakugasunga malamusi gawo.

Masalimo 69:20

Mtima ŵangu ukasice ligongo lya yipongwe yingupocela, myoyo njasile mtima. Nasosilesosile ŵane ŵakuti andendele canasa nambo paliji pangali amta jumo. Nasosilesosile soni ŵane ŵakuti asangalasye nambo nganinamsimana amta jumo.

Jwak 4:1

Naweni soni ŵandu ali mkulagasidwa pa cilambo capasi pano. Jemanjajo ŵaliji mkulila, nambo paliji pangali jwalijose jwakuti ŵanyalasye jemanjajo, ligongo lyakuti ŵiŵaliji mkwalagasya jemanjajo ŵaliji ŵamacili mnope.

Yesaya 54:11

AMBUJE akuŵeceta kuti, “M'mwe Yelusalemu msinda wakulaga ŵakusoŵa cikamucisyo, soni nganimkola jwakumtulasya mtima, Tinjigasalalisya maganga genu tinjitaŵa soni yilimbilimbi jenu ni maganga ga mtengo wapenani.

Yelemiya 13:17

Nambo naga ngampikanila. Mtima wangu tiwucililila pacisyepela ligongo lya lilama lyenu; Tinjilila mwakupweteka mtima, nipo m'meso mwangu timucigumbala misosi jakuŵaŵa ligongo lyakuti ŵandu ŵa AMBUJE ajigalidwe kwawula ku ukapolo.

Yelemiya 14:17

Mkasalile jemanjajo kuti, “M'meso mwangu cimugwe misosi cilo ni musi, soni kuti ngaleka kulila, pakuti ŵandu ŵangu akwete liŵanga lyekulungwa, mwakuti awulasidwe kwakogoya.

Yelemiya 15:5

AMBUJE akuŵeceta kuti, “Ana jemanja ŵandu ŵa ku Yelusalemu ana tacimtendela ŵani canasa? Ana ŵitacimlilila ŵani? Ana ŵani ŵitacisepuka ni kwika kukumwusya ya umi wenu?

Yelemiya 8:18

Kudandawula kwangu kuli kwangali mbesi. Mtima wangu uli wangali macili.

Yelemiya 9:1

Nganonyele kuti mtwe wangu uŵe mpela cisima ca mesi, kuti meso gangu gaŵe mpela uliŵa wa misosi, kuti ndile musi ni cilo, kwalilila wosope uŵawile ŵa mtundu wa ŵandu ŵangu.

Yelemiya 9:10

Une natite kuti, “Tinjikola canasa ni kulila mwakwesya ligongo lya matumbi. Tinjidandawula ligongo lya malo ga mopo gakulicisya yilangwa ligongo lyakuti mopo ujumwile, mwakuti pangali jwalijose jwakusajawulako, atamose kulila kwa ng'ombe kwangapikanika amta panandi. Yijuni yosope ni yinyama ya kwitinji yitisile, ngawoneka soni.”

Yelemiya 9:21

Ciwa cituyicile kupitila m'mawindo, cijinjile atamose m'majumba getu ga ucimwene, ciwa cawuleje ŵanace ŵetu m'misewu, soni ciwaco camasile kupulula acacanda m'maluŵala.

Malilo 1:2

Ugamba kulila cilo cosope, misosi jigamba kujilima m'majeje mwakwe. Mwa wosope uŵawunonyelaga msindawu, pangali atamose jumo juŵasigele kuti awumyalasyeje. Acimjakwe wosope ŵampelece kwa amagongo ŵakwe nipo wosopewo sambano aŵele amagongo ŵakwe.

Malilo 1:9

Usakwa wakwe wawonecele mwangasawusya, nambo jwalakwe nganalosya kudandawula ni yakumgwila kusogolo. Kugwa kwakwe kwaliji kwakogoya; mwamti paliji pangali jwalijose jwakumtulasya mtima wakwe. Amagongo ŵakwe apundile, nipo jwalakwe agamba kulilila AMBUJE kuti ŵatendele canasa.

Malilo 2:11

Meso gangu gapesile ni kulila; umi wangu ulasile mnope. Mu mtima mwangu mugumbele ni canasa ligongo lyakonasika kwa ŵandu ŵangu. Ŵanace ni makandi gagamba komoka m'misewu ja mu msinda.

Malilo 2:18

Gumilani mwamacili kwa AMBUJE, jemanja ŵandu ŵa ku Siyoni. Misosi jenu jijendelele mpela sulo cilo ni musi; Mkakola ndaŵi jakupumula, nambo mgambeje kulila kuti misosi jigambeje kujilima.

Hoseya 9:12

Nambo atamose aŵelece ŵanace, tinjajigala wosope ngaleka amtamose jumo. Pitinjitenda yeleyi, likungu tiliciŵa kwa jemanjajo.”