Malilo 1:13 - Chiyawo Bible

¹³ “Ŵatumisye moto kutyocela kwinani, ni wanjocile mkati mwangu. Ŵambicile lwawu kuti ndanjile ni nagwile pasi. Kaneko ŵandesile ndili mkupikana kupweteka.

Malilo 1:13 Iomraidhean Croise

Yobu 18:8

Ndamo jakwe jikusamtendesya jwalakwejo kuti akuŵale, akusaliŵata pa lisimbo nipo akusagwilamo.

Yobu 19:6

Nambo mkwenela kumanyilila kuti Mlungu ni jwatesile yeleyi, jwalakwejo ni jwandejile citega celeci.

Yobu 30:30

Cilu cangu citandite kuŵilila ni kunyenyeka, soni mawupa gangu gakutenda mtukuta ligongo lya ciwawasa.

Masalimo 129:5

Ŵandu wosope ŵakuŵengana ni Siyoni;* ŵatesye soni ni ŵatoposye.

Masalimo 140:5

Ŵandu ŵakulikwesya andejele lwawu mwakusisika andejele lwawu lwa ngonji ni likwekwe mungulugulu litala kuti andanjisye une.

Masalimo 22:14

Macili gangu gapite, mpela mesi gakwiticila pasi, mawupa gangu gosope gatyosile m'malumbiko; mtima wangu unyelenyendwice mpela lipula mkati mwangu.

Masalimo 31:10

Umi wangu ukumala ni kudandawula, ni yaka yangu yikumala ni kuwuwula. Macili gangu gakusapela ligongo lya yipwetesi yangu ni mawupa gangu ngagakulimba.

Masalimo 35:4

Syatesye soni jemanjajo ni ajaluce ŵele ŵakuwusosa umi ŵangu; awujilile ni kutila wele ŵandu ŵakupangana konanga umi ŵangu.

Masalimo 38:8

Ndili jwam'male ligongo lya kulwalika. Nguwuwula ligongo lyakulaga mu mtima.

Masalimo 66:11

Ŵalakwe ŵatujinjisye mlwawu lwa amagongo, ŵatutwicile katundu jwa usito pa migongo jetu.

Ekisodo 12:9

Mkaja kulya nyama jeŵisi kapena jakuteleka, nambo mkalye nyama josope ja koca, kupwatikanya mtwe, ngongolo ni yosope ya mkati.

Yesaya 42:17

Wosope ŵakusajikulupilila milungu jine, ŵakusajikolanga milungu jinejo kuti, ‘Mli milungu jetu,’ tacanandiya ni kwatendesya soni.”

Yelemiya 44:6

Myoyo ukali walutumbilo lwangu wakolele mpela moto ku misinda ja ku Yuda ni ku misewu ja mu msinda wa Yelusalemu. Misindajo jaŵele masame gakulecedwa, mpela mujiŵelele lelo jinomu.

Malilo 1:22

“Ŵajimbe magambo ni masengo gawo gosope gakusakala; Ŵape cilango jemanjajo mpela muŵambelele une ligongo lya ulemwa wangu. Nguwuwula mnope, nipo mtima wangu wangali macili.”

Malilo 3:11

Ŵandopwele mwitala, ni ŵanjekilecekile ni kundeka.

Malilo 5:17

Mitima jetu jangali macili ni ligongo lya yeleyi ngatukombola kulola cenene.

Esek 12:13

Nambo tinjitega lwawu lwangu ni tacitanjilamo. Tinjajigalila ku msinda wa Babiloni* kwele kutakawile nambo ngaciwona cilamboco.

Esek 17:20

Tinjimtejela lwawu ni tacitanjilamo. Tinjijawula najo ku Babiloniya ni tinjija kumpa cilango kweleko ligongo lyakuti nganakulupicika kwa Une.

Esek 32:3

AMBUJE Mlungu akuti: tinjimponyela likoka m'mwejo ndaŵi jitacisongana ŵandu ŵa mitundu josope nipo tinjimwutila ku mkuli.

Hoseya 7:12

Kulikose kwakusajawula tinjitegako likoka. Tinjagwisya pasi mpela yijuni soni tinjapa cilango ligongo lya yakulemwa yawo.

Nahumu 1:6

Ana ŵani ŵampaka apakombole kwima pameso pa AMBUJE ali atumbile? Ana ŵani mpaka apakombole kupimilila ukali wawo? Ukali wawo ukusakolela mpela moto, malwala gakusakasika ni kuŵa luwundu pameso pawo.

Habakuku 3:16

Pinayipikene yeleyi, cilu cangu ni catetemele; ngomo syangu syatetemele ligongo lya lisegwelyo. M'mawupa mwangu mwasisime, nipo sajo syangu syakuŵasyanaga. Ngulindilila lisiku lya cilango ticicagwila ŵandu ŵakutenda ngondo ni uwe.

Detulonomo 28:65

Ngasimwupata mtendele ku malo galigose, soni nginimkola malo genugenupe. Timciŵa ŵandu ŵakudandawula, ŵakusoŵa cikamucisyo, ni ŵakwasa mtima. AMBUJE ni ŵataciyipeleka yele yinduyi kwa jemanja.

2 Ates 1:8

Taciyika ni moto wakolela, ni kwapa cilango ŵandu ŵingakum'manyilila Mlungu, ni ŵimkanapikanila Ngani Syambone* sya Ambuje ŵetu Yesu Klistu.

Ŵaeblania 12:29

Pakuti Mlungu jwetu ali moto wakutinisya.