Malilo 1:11 - Chiyawo Bible

¹¹ Ŵandu ŵakwe ŵagumilaga katema kiŵasosaga yindu yakulya kuti alye. Ŵatindanyaga cipanje cawo ni yakulya kuti aŵe ni umi. Ŵanduwo ŵalisile acitiji, “Mundole une, AMBUJE, alole mwele mungulajila.”

Malilo 1:11 Iomraidhean Croise

2 Ayi 6:25

Ligongo lyakuti asilikali ŵa ku Siliya ŵawusyungulile msindawo, kwaliji kwana sala jajikulungwa mu msindawo, mwakuti mtwe wa bulu ŵawusumaga ni mbiya sya silifa* 80. Ni magalamu 200 ga ndotosi sya ngunda ŵasumisyaga pa mtengo wa masekeli ga silifa msano.

Masalimo 79:4

Tuŵele ŵakwaluka kwa acalongo acimjetu, ŵandu ŵa mitundu jine* akututenda cipongwe ni kutuseka.

Yelemiya 15:19

AMBUJE ŵajanjile kuti, “Naga mkwika kwa une tinjimpocela soni. Pitimŵeceteje yisyesyene, ngaŵaga yakusakala, timciŵa ŵakuŵecete m'malo mwa une. Ŵandu ŵeleŵa akwenela kwika kwa m'mwejo nambo m'mwejo mkawujila kwa jemanjajo.

Yelemiya 19:9

Amagongo taciwusyungulila msindawo kuti awulaje ŵandu ŵakutama mwelemo. Tacakanganicisya ŵandu ŵakutama mu msindamo kuti alye ŵanace ŵawo ŵakuliŵelecela ŵacalume ni ŵa acakongwe.’

Yelemiya 38:9

“Mwenye ambuje ŵangu, ŵanduŵatu amtendele yakusakala kwejinji jwakulocesya* Yelemiya. Amponyisye mcisima, nipo pakuti mkate wamasile mu msindamu, jwalakwejo tawe ni sala mwelemo.”

Yelemiya 52:6

Pa lisiku lya msano ni mcece, pa mwesi wa mcece wa caka celeco, sala pijasawisye mnope mu msindamo mwakuti ŵandu nginakola yakulya mcilambomo,

Malilo 1:8

Ŵandu ŵa mu Yelusalemu ŵalemwisye mnope, mwamti aŵele ŵakunyalaya. Wosope ŵele ŵaŵamcimbicisyaga, akumnyosya sambano, ligongo lyakuti agaweni makonope gakwe. Jwalakwe agamba gumila nipo akulola kumbali.

Malilo 1:9

Usakwa wakwe wawonecele mwangasawusya, nambo jwalakwe nganalosya kudandawula ni yakumgwila kusogolo. Kugwa kwakwe kwaliji kwakogoya; mwamti paliji pangali jwalijose jwakumtulasya mtima wakwe. Amagongo ŵakwe apundile, nipo jwalakwe agamba kulilila AMBUJE kuti ŵatendele canasa.

Malilo 2:11

Meso gangu gapesile ni kulila; umi wangu ulasile mnope. Mu mtima mwangu mugumbele ni canasa ligongo lyakonasika kwa ŵandu ŵangu. Ŵanace ni makandi gagamba komoka m'misewu ja mu msinda.

Malilo 2:12

Ŵanacewo ŵawusyaga acimama ŵawo kuti, “Ana yakulya ni yakumwa tukayipate kwapi?” Ŵagwaga m'misewumo mpela ŵandu ŵawulale, Myoyo panandipanandi ŵawilaga m'myala mwa acimama ŵawo.

Malilo 2:20

Alole AMBUJE! Ana ligongo cici akutupa cilango camti myiyi? Acakongwe akulya ŵanace ŵawo ŵiŵanonyelaga mnope! Ŵakutaga mbopesi ni ŵakulocesya agamba kuwulajidwa m'Majumba gakulambila.

Malilo 5:1

Ŵalakwe AMBUJE* akumbucile yele yiyatuwonecele uwe. Atulole uwe, nalole mwele muŵatunyocesyaga.