Malilo 1:10 - Chiyawo Bible

¹⁰ Amagongo ŵakwe ŵamsumwile cipanje cakwe cosope. Ŵaweni jemanjajo alimkwinjila m'Nyumba ja AMBUJE, jiŵalekasisye AMBUJEWO ŵandu ŵa mitundu jine* kwinjila.

Malilo 1:10 Iomraidhean Croise

2 Mbi 36:18

Nebukadinesa ŵajigele yida yosope yiyaliji m'Nyumba ja AMBUJE, kupwatikapo yipanje ya mwenye ni ya nduna syakwe, nipo ŵajile nayo ku Babiloniya.

Nehemiya 13:1

Pa lisiku lyelelo ŵaŵalasile Malamusi lya Mose ŵandu wosope alimkupikana, kaneko ŵagasimene maloŵe gakuti, “Mundu jwa mtundu wa Aamoni kapena m'Mowabu akasajinjila mu msongano wa ŵandu ŵa Mlungu.

Yesaya 63:18

Ŵandu ŵawo ŵakusagulidwa ali atemi malo gakusagulidwa ndaŵi japanandi, amagongo ŵajonasile malogo.

Yelemiya 15:13

“Yipanje yenu yosope pamo ni katundu jwenu tinjapa jemanjajo, ligongo lyakuti ulemwa* wenu uli wejinji pa cilambo cosope.

Yelemiya 20:5

Cipanje cosope ca mu msindamu, yakupata yosope kutyocela ku masengo gawo, yindu yosope yamtengo wapenani ni yipanje ya ayimwene ŵa ku Yuda tinjiyipeleka kwa amagongo ŵawo, utaciyijigala yosopeyi ni kuja nayo ku Babiloniya.

Yelemiya 27:19

AMBUJE Ŵamaciligosope akuŵeceta ya yipilala, tanki ja mesi, yipaka ni yida yosope yiyasigele mu msindamu,

Yelemiya 27:21

Gelega gali maloŵe ga AMBUJE Ŵamaciligosope gakwamba yida yiyasigele m'Nyumba ja AMBUJE, m'nyumba ja mwenye jwa ku Yuda nambo soni mu Yelusalemu gakuti,

Yelemiya 50:28

(Ngwapikana ŵandu ŵakutila ngondo ja ku Babiloniya ali mkusala ya mbusyo sya AMBUJE, Mlungu jwetu, kwapa mbusyo ligongo lyakonanga Nyumba jakwe).

Yelemiya 51:51

Jemanja mkuŵeceta kuti, ‘Tukutenda soni ligongo lyakunyosya kutupocele. Ngope syetu sikutenda soni ligongo lya ŵa cilendo ŵajinjile ku maluŵala gakusagulidwa ga Nyumba ja AMBUJE.’

Yelemiya 52:13

Piŵajocile Nyumba ja AMBUJE, nyumba ja mwenye ni nyumba sine syosope ku Yelusalemu, nyumba jajikulungwa jilijose ŵajijocile.

Malilo 1:7

Pa masiku ga yisawusyo ni kulaga kwakwe, ŵandu ŵa mu Yelusalemu akusakumbucila yambone yakwe yosope yiŵakwete kala. Pandaŵi jele ŵandu ŵakwe ŵaliji m'myala mwa amagongo ŵakwe, paliji pangali atamose jumo jwakwakamucisya. Amagongo ŵakwe ŵamsekaga jwalakwe ligongo lya kugwa kwakwe.

Esek 44:7

Mwajinjisye acalendo ŵangawumbala mu mtima ni ku cilu cakwe M'nyumba jangu. Ŵanduwo ŵasakesye Nyumba jangu ndaŵi jimwambaga yakulya, mawuta ni miasi jakwe. Pakutenda yakusakala yeleyi mwakasile cilanga* cangu.

Esek 7:22

Tinjalecelela ŵanduwo kuti asakasye Nyumba jangu, ŵawiyi tacijinjila mkati ni kusakasyamo.

Esek 9:7

Sambano Mlungu ŵatite kwa jemanjajo, “Msakasye Nyumba jangu, nipo luŵala lwakwe mgumbasye ni mitembo. Mjawuleje mkakamule masengo!” Myoyo jemanjajo ŵatandite kwawulaga ŵandu ŵa mu msindamo.

Maliko 13:14

“Timciciwona cindu cakogoya cili cijimi pa malo pacikakuŵajilwa kutama. (M'mwejo ŵimkuŵalanga mpikanicisye cenene!) Pelepo ŵali ku Yudeya atilile ku matumbi.

Detulonomo 23:3

“Mundu jwa lukosyo lwa Aamoni kapena lwa Amowabu, atamose yisukulu yawo yosope ya kupagwa mu syele ngosyosi, kwika mpaka yisukulu yawo ya mpago wa likumi, akakundidwa kwinjila mu msongano ŵa ŵandu ŵa AMBUJE.

Detulonomo 23:4

Ligongo ŵandu ŵeleŵa ŵamjimile yakulya ni mesi, pa ndaŵi ja ulendo wenu ŵakutyocela ku Iguputo ula. Soni jemanjaji ŵamlembile masengo Balamu, mwanace jwa Bewoli, jwa m'musi wa Petoli ku cilambo ca Mesopotamiya, kuti amlwese jemanja.