Malilo 1:1 - Chiyawo Bible

¹ Ha! Msinda wa Yelusalemu uli jikajikape, nambo kalakala wagumbele ŵandu! Kala msindawu waliji wakupikanika pa cilambo cosope capasi, nambo lelo uŵele mpela jwamkongwe jwamasije. Waliji msinda wakupikanika kupunda misinda jine josope, nambo sambano uli msinda wacikapolo.

Malilo 1:1 Iomraidhean Croise

1 Ayi 4:21

Solomoni ŵaliji mkulamulila yilambo yosope, ya kutandila ku Lusulo lwa Yufuleti mpaka ku cilambo ca Afilisiti, mpaka kuja kwika kumalile ga cilambo ca Iguputo. Ŵandu ŵa myilambo yeleyi ŵaliji mkukoma msongo, ni kumtumicila Solomoni masiku gosope ga umi wakwe.

2 Ayi 23:33

Myoyo ulamusi wakwe wamasile ndaŵi jele Mwenye jwa ku Iguputo Neko ŵamtaŵile jwalakwejo ni ŵamŵisile mu ukayidi ku Libula, mcilambo ca Hamati, kumlekasya kuti akalamulila soni ku Yelusalemu. Panyuma pakwe Mwenye jwa ku Iguputo ŵakomesye msongo ŵandu ŵa ku Yuda wa masilifa* 3,400, ni soni golidi* jwakusitopa makilogalamu 34.

2 Ayi 23:35

Yehoiyakimu mwenye jwa ku Yuda ŵapelekaga msongo kwa Mwenye jwa ku Iguputo. Ŵakomesye ŵandu ŵakwe msongo wakwela mnope, kuti apate golidi ni silifa jwele juŵalamwile Mwenye jwa ku Iguputo kuti apelece kwa jwalakwe.

2 Mbi 9:26

Ŵalamulilaga yilambo yosope kutyocela ku mbali ja Lusulo lwa Yufuleti mpaka ku cilambo ca Filisitiya, mpaka soni ku malile ga cilambo ca Iguputo.

Esala 4:20

Ayimwene ŵamacili ŵaŵele ali mkulamulila ku Yelusalemu ni mbali jesope jene ja pesi pa Lusulo lwa Yufuleti, nipo ŵapocelaga kasitomu ni msongo pa kandu kane kalikose.

Nehemiya 5:4

Ŵapali soni Ayuda ŵane ŵaŵatiga kuti, “Uwe tukongwele mbiya kuti tulipile msongo wa migunda jetu kwa mwenye ni yitela yetu ya mipeleya.

Nehemiya 9:37

Mbeju syele sikusasogola mcilamboco sikusajawula kwa mwenye juŵamŵisile wawo kuti atulamulileje ligongo lya ulemwa wetu. Kulaga kwetu kuli kwekulungwa ligongo ayimwenewo akusatenda cilicose cakusaka kwa uwe ni ku yilangwa yetu.”

Masalimo 122:4

Kweleko ni kujikwawula mitundu ja ŵandu ŵakwe ŵa AMBUJE, mpela muŵamlamulile Isalaeli kuti akamlumbe AMBUJE kweleko.

Yesaya 14:12

“Mwenye jwa ku Babiloniya, m'mwe mng'andu, mgwile kutyocela kwinani, kalakala mwajipundaga mitundu ja ŵandu, nambo lelo amgwisisye pasi.

Yesaya 22:2

Msinda wosope usokonecele, ugumbele ni masegwe. Ŵandu ŵenu ŵakuwulajidwa nginawulajidwa ni upanga, kapena kuwila ku ngondo.

Yesaya 3:26

Myoyo pa yipata ya mu msindawo tipaciŵa kugumila ni kulila, nipo msindawo tiwuciŵa mpela jwamkongwe jwatemi pasi ali jikape jwangali kwakwinjilila.

Yesaya 49:21

Sambano m'mwe timciliwusya kuti, ‘Ana ŵani uŵambelecele ŵanace ŵeleŵa? Ŵanace ŵangu wosope ŵawile nipo nganingombola kuŵeleka soni ŵane. Naliji ku ukapolo, naliŵalicice. Ana ŵani uŵalelite ŵanace ŵeleŵa? Nasigele jika, nambi ŵanace ŵeleŵa atyocele kwapi?’ ”

Yesaya 50:5

AMBUJE Mlungu tambugule mapikanilo, soni nganinanyosya kapena kwajimucila.

Yesaya 52:2

Mlikung'unde luwundu nipo mjimuce, m'mwe Yelusalemu jwakamulwa. Jemanja ŵataŵidwe ŵa ku Siyoni, mligopole ma unyolo gali mlukosi mwenugo!

Yesaya 52:7

Cili cindu cakusangalasya kwawona ali mkwisa petumbi ŵakulalicila ngani syambone, ŵakulalicila mtendele ŵakulalicila ngani syambone sya yambone, ŵakulalicila cikulupusyo, wakwasalila ŵandu ŵa ku Siyoni kuti, “Mlungu jwenu ali mwenye.”

Yesaya 54:4

Mkajogopa, ligongo ngisamnyosya soni, ngajasa mtima pakutipo ngasamtendesya soni. Timciliŵalila yiyamtesyaga soni mu ndaŵi ja ucanda wenu ngasimkumbucila soni ya umasije wenu.

Yelemiya 31:7

AMBUJE akuŵeceta kuti, “Mjimbe mwakwesya ni mwa lukondwa ligongo lya Yakobo.* Gumilani ligongo lya mtundu wakupunda mitundu josope. Lalicilani, mwalumbeni ni kwenesya kuti, ‘AMBUJE akulupwisye ŵandu ŵakwe, akulupwisye wosope ŵakusigala Aisalaeli.’

Yelemiya 40:9

Wosopewo, Gedaliya mwanace jwa Ahikamu, cisukulu ca Shafani, ŵasalile mwakulumbila kuti, “Mkasimjogopa kwakamulila masengo Ababiloniwo. Mtameje mcilambomu, mumtumicileje mwenye jwa ku Babiloniya, nipo yindu yosope tiyicimjendela cenene.

Yelemiya 42:2

“Uwe tuyice ni madandawulo getu. Conde mtupopelele kwa AMBUJE,* Mlungu jwenu, uweji ŵatusigele ŵapanandi. Tugambiletu kusigala panandipe pa ŵandu ŵajinji ŵala, mpela mumkutuwonelamu.

Yelemiya 44:2

AMBUJE* Ŵamaciligosope Mlungu jwa Aisalaeli akuŵeceta kuti, “Myiweni yakogoya yinayiyikasisye pa Yelusalemu ni misinda josope ja ku Yuda. Sambano misinda josopeji jiŵele masame, mwakuti mwangali ŵandu ŵakutamamo.

Yelemiya 44:6

Myoyo ukali walutumbilo lwangu wakolele mpela moto ku misinda ja ku Yuda ni ku misewu ja mu msinda wa Yelusalemu. Misindajo jaŵele masame gakulecedwa, mpela mujiŵelele lelo jinomu.

Yelemiya 50:23

Ŵele ŵali mpela nyundo ja cilambo capasi ŵala, mlole mwajonasicile. Mlole mwaŵelele Babiloniya mwaŵelele cindu cakunyalaya pasikati pa mitundu ja ŵandu.

Yelemiya 9:11

AMBUJE* akuŵeceta kuti, “Msinda wa Yelusalemu tinjiwusandusya kuŵa masame, tinjiwusandusya kuŵa mwakutama makule. Misinda ja ku Yuda tijicilecedwa, ngasatamamo ŵandu.”

Malilo 1:19

“Naŵilasile acimjangu, nambo nombe nawo ŵakanile kungamucisya une. Ŵakutaga mbopesi ni ŵakulamula ŵawile m'misewu ja mu msindamo, pa ndaŵi jiŵasosagasosaga yakulya kuti aŵe ni umi.

Malilo 2:1

AMBUJE* ni lutumbilo lwakwe awunicile Siyoni* ni cipi. Kusalala kwakwe kwa kwinani akutesile kuŵa masame. Pa lisiku lya lutumbilo lwakwe nginajawula atamose ku Nyumba jakwe.

Malilo 2:10

Acakulungwakulungwa ŵa msinda wa Yelusalemu atemi pasi jii, Ali alitasile luwundu m'mitwe mwawo ni kuwala yisaka myilu yawo. Ŵali ŵajinamicisye mitwe jawo pasi.

Malilo 4:1

Golidi* jwetu jwambone jula juŵele jwangasalala; maganga ga Nyumba ja AMBUJE* gala gali palipose m'misewu.

Malilo 5:16

Pangali cindu cilicose cicasigele mwa yele yitwayipocelaga. Twalemwisye, ni ligongo lyakwe tukulamulwa.

Esek 26:16

Pelepo ayimwene wosope ŵa ku nyasa tacityoka m'mipando jawo ja ucimwene. Taciwula mikanjo jawo ni yakuwala yawo yepetepete ni tacitama pasi alimkutetemela. Tacitenda woga mnope ligongo lya yiyimgwilileyi mwamti ngisaleka kutetemela.

Esek 26:2

“M'mwe mwanace jwa mundu, ŵandu ŵa ku Taya ŵanyosyaga Yelusalemu kuti, ‘Juŵaliji cipata cakwinjilila mitundu ja ŵanduju, ajonasice. Yipata yakwe yituwugucile uwe sambano. Tusicile, pakuti jwalakwe sambano ali masame.’

Esek 5:5

AMBUJE Mlungu ŵatite, “Mumlole Yelusalemu. Namŵisile jwalakwe kuŵa pasikati pa cilambo cosope capasi, ni yilambo yosope kumsyungulila jwalakwe.

Lefitiko 26:31

Tinjijonanga misinda jenu kuti jiŵe masame. Tinjijonanga soni malo genu gakulambila kuti gaŵe gangali ŵandu, ni ngasingunda soni kulipikana liwungo lyambone lya yakupeleka yenu.

Lefitiko 26:33

Tinjim'balalisya pasikati pa mitundu jine ja ŵandu ni tinjimtoposya upanga uli panyuma penu. Cilambo cenu ticiciŵa cipululu, nipo misinda jenu tijiciŵa masame.

Sefaniya 2:15

Welewu ni msinda uwalitendaga kuti uli wakutamilicika, uwatiga usyene kuti, “Une apano! Pangali soni jwine iyayi!” Awulole mwele muwujonasicile sambano. Uŵele masame gakutama yinyama yakwitinji. Jwalijose jwakupita tacigambaga kulapa ni kupukunyaga mtwe.

Chunukuko 18:7

Mpela muŵapocelelaga yipanje ni kulisangalasya, myoyo soni mumsawusye ni kumlilisya. Jwalakwejo mu mtima mwakwe akusatiji, ‘Une apano ndili mwenye, mwakuti nganimba jwamkongwe jwa masije, ngasinayiwona kose yakundisya.’