Lute 4:8 - Chiyawo Bible

⁸ Mundu jwa pa ulongo jula piŵamsalile Bowasi kuti, “Awusume wawojo mgundawo, une ndepele,” ŵawusile lusapato lwakwe ni ŵalupelece kwa Bowasi.

Lute 4:8 Iomraidhean Croise

Detulonomo 25:9

jwamkongwe jwamasijejo ajawule kwa mlambagwejo, acakulungwakulungwa ŵa mu msindawo ali mkulola, ni mwule sapato ja lusajo lumo, soni amsunile mata kumeso ni asale kuti, ‘Yindesileyi ni yakumjenela kumtenda mundu jwakukana kwaŵelecela mwanace alongo ajakwe ŵawile.’

Lute 4:7

Mu gele masikugo, mundu naga akutenda malonda kapena akutindanya kandu ni mjakwe, wapali msyungu wakuti, jwakusumisyajo ŵawulaga lusapato lwakwe lumo ni ŵampaga jwakusumajo. Lyeleli lyaliji litala lyakutendela umboni, kuti malonda gajesile cenene, mcilambo ca Isalaeli.

Lute 4:9

Kaneko Bowasi ŵatite kwa acakulungwa ŵala pamo ni ŵandu wosope ŵene ŵiŵaliji pelepo, “Jemanja wosope mli mboni lelo kuti une sumile kwa Naomi yindu yosope yene yiyaliji ya malemu Elimeleki ni yosope ya malemu Kiliyoni ni malemu Maloni.