Lute 4:4 - Chiyawo Bible

⁴ Myoyo naganisisye kuti namsalile yeleyi, kuti msume mgundawo pameso pa ŵandu ŵali apanoŵa. Naga mkusosa kusuma, sumani. Nambo naga ngamkusosa kusuma musalile kuti manyilile, pakuti pangali mundu jwampaka awusume wele mgundawu akaŵe m'mwejo. Naga m'mwejo mkulepela kuwusuma, mundu jwine jwa mpaka awusume wele mgundawo ni une basi.” Mundu jula ŵajanjile kuti, “Tinawusume wele mgundawo.”

Lute 4:4 Iomraidhean Croise

Genesesi 23:11

“Pikanani ambuje Abulahamu, une ngwapa ŵalakwe mgunda wosope pamo ni mbanga jili mu mgundawo. Ngupeleka yeleyi pameso pa acalongo acimjangu, kuti akasice mayiwo.”

Genesesi 23:18

Ahiti ŵele ŵaliji pa wele msonganowo ŵatendele umboni kuti malogo gosopego sambano galiji ga Abulahamu.

Yelemiya 32:25

Nambo atamose kuti msindawu tiwucipelecedwa kwa Ababiloni, ŵalakwe ŵandamwile une kuti sume mgundawo pali pana mboni siŵili.”

Ŵaloma 12:17

Mundu naga akumtendela yakusakala, mkasimumwucisya cakusakalaco. Mlinjilileje kutenda yindu yakusayiwona ŵandu kuti yili yambone.

2 Akoli 8:21

Yitukusaka uwe ni kutenda yindu yambone, ngaŵa pameso pa Ambujepe, nambo soni pameso pa ŵandu.

Detulonomo 25:8

Myoyo acakulungwakulungwawo, amŵilanje mlongo mjawo malemu ŵala, kuti alinje kuŵeceta najo, naga akulimbicila nditu kukana kulombela,

Ŵafilipi 4:8

Pakumalisya, ŵakulupilila acimjangu, mŵiceje mitima jenu pa yindu yiliyose yayili yakuwona, yakucimbicikwa, yakulungama, yayiswela, yakunonyelesya, ni ya ucimbicimbi.

Lute 2:20

Naomi ŵatite kuti, “AMBUJE, ŵele ŵakusasunga cilanga* cakwe kwa ŵandu ŵacijumi ni soni kwa ŵandu ŵawe, ampe upile mundu jwelejo.” Ŵapitilisye kuŵeceta kuti, “Mlungu ampe upile Bowasi. AMBUJE akusasunga cilanga cakwe kwa ŵandu ŵa umi ni ŵawe.” Ŵaŵecete soni kuti, “Mundu jwelejo ali jumo mwa acalongo acimjetu, jwakwete udindo ŵakutulolela uweji.”

Lute 3:12

Yakuwona kuti une ndili jwa pa ulongo wenu jwakwenela kumsunga m'mwejo, nambo apali soni jwa pa ulongo wenu jusyesyene jwakumbunda uneji.

Lute 3:9

Jwalakwe ŵawusisye kuti, “Ana m'mwe ŵani?” Jwalakwe ŵajanjile kuti, “AMBUJE,* une Lute. Une yice akuno ligongo ŵalakwe ali mlongo mjetu jwakwenela kusunga une. Conde alombe une.”