Lute 4:12 - Chiyawo Bible

¹² Ŵanace ŵenu ŵatacimpa AMBUJE mwa jwamkongwe jweleju, taŵe liŵasa mpela lya Pelesi, mwanace jwamlume jwa Tamala juŵamŵelecele Yuda.”

Lute 4:12 Iomraidhean Croise

Genesesi 38:29

Nambo mwanace jula ŵawucisye mkati mkono wula, nipo mjakwe jwinejo ni juŵatandite kupagwa. Jwakukamucisya kuŵeleka jula ni ŵatite, “Ana mtenda kuliwugulila jika litala camtundu welewu!” Myoyo ni ŵampele lina lyakwe Pelesi.

Genesesi 46:12

Yuda ŵakwete ŵanace aŵa: Ele, Onani, Sela, Pelesi, Shela, (nambo Ele ni Onani ŵawilile ku Kenani kukoko). Nipo ŵanace ŵa Pelesi ŵaliji, Hesiloni ni Hamuli.

1 Mbi 2:4

Pelesi ni Sela ŵaliji ŵanace ŵa Yuda ŵaŵaŵelecele mwa mkwegwawo lina lyakwe Tamala.

Mala 2:15

Ana ngaŵa Mlungu juŵamtesile m'mwejo ni ŵamkwenu kuŵa cilu cimo ni mu msimu soni? Nambi Mlungu akusaka cici pakutenda myoyo?

Matayo 1:3

Yuda ŵaŵelece Pelesi ni Sela mwa Tamala; Pelesi ŵaŵelece Hesiloni, Hesiloni ŵaŵelece Lamu.

Lute 4:18

Sambano yisukulu ya Pelesi ni ayi: Pelesi ŵaŵelece Hesiloni,

1 Sam 2:20

Kaneko Eli ŵapaga upile Elikana ni ŵamkwakwe, pakwasalila maloŵe jemanjajo maloŵe gakuti, “AMBUJE ampe m'mwejo ŵanace ŵane mwa jwele jwamkongweju kuti ajinjile m'malo mwa ajuju jumwampelece kwa AMBUJEJU.” Ali atesile yeleyo jemanjajo ŵawujilaga kumangwawo.