Lute 4:11 - Chiyawo Bible

¹¹ Acakulungwa ŵala pamo ni ŵandu ŵane wosope ŵatite kuti, “Yakuwona, uwe tuli mboni. Uwe tukupopela kuti AMBUJE* amtesye jwamkongwe jwakwinjila m'nyumba mwenujo kuti aŵe mpela Lakelo ni Leya, acakongwe ŵiŵamŵelecele Yakobo* ŵanace ŵajinji. Mŵe soni m'mwejo mundu jwakusicila mu liŵele lya Efulati, soni mŵe mundu jwakupikanika mu msinda wa Betelehemu.

Lute 4:11 Iomraidhean Croise

Genesesi 23:10

Efuloni ŵaliji ali atemi mwikuga lya Ahiti acimjakwe ŵala, pa cipata cakutendela msongano. Nipo ŵamjanjile Abulahamu acalongo acimjakwe ŵosope ali mkupikana kuti,

Genesesi 24:60

Nipo ŵampele upile Labekajo pakusala maloŵe gakuti: “M'mwe Labeka, Mlungu ampe upile kuti mkaŵe nangolo jwa ŵandu ŵajinji. Yisukulu yenu yikasumule misinda ja amagongo ŵawo.”

Genesesi 29:16

Labani ŵakwete ŵanace ŵaŵili ŵacakongwe, jwamkulungwa lina lyakwe ŵaliji Leya, jwamnondi lina lyakwe ŵaliji Lakelo.

Genesesi 29:25

Kundaŵi pakwacele, Yakobo ŵalolite kuti jwamkongwe jula ŵaliji Leya. Nipo Yakobo ŵamwusisye Labani kuti, “Ligongo cici andesile cipongwe ca mtundu welewu? Ana ngati twalangene kuti une tinakamulile ŵalakwe masengo kuti lombele Lakelo? Nambi ligongo cici alambwisye une?”

Genesesi 29:32

Nipo Leya ŵakwete citumbo, ŵaŵelece mwanace jwamlume, ni ŵatite, “AMBUJE ayiweni yipwetesi yangu, nditu ŵamkwangu tanonyele une.” Myoyo ŵampele lina lyakwe Lubeni.

Genesesi 35:23

Aŵa ni ŵanace ŵiŵapali mwa Leya. Lubeni mwanace jwandanda jwa Yakobo, Simiyoni, Lefi, Yuda, Isakala ni Sebuloni.

Genesesi 35:24

Ŵanace ŵa Yakobo ŵiŵapali mwa Lakelo ni, Yosefe ni Benjamini.

1 Ayi 21:8

Myoyo Yesebele ŵalembile yikalata kwa acakulungwakulungwa ni kwa ŵakulongolela msinda uŵatamaga ku Yesilele. Myikalatamo ŵalembile kuti, “Mwagombelesye ŵandu kuti atame ŵangalya cakulya, ŵaŵilanje ŵandu wosopewo pa malo gamo, nipo amtamice Naboti pa malo gakucimbicika. Mwajigale ŵandu ŵaŵili ŵakusakala mtima ayice pasogolo pa jwalakwe, nipo ŵalambucisye kuti, ‘M'mwe Naboti, mumlwesile Mlungu ni soni mwenye.’ Nipo panyuma pakwe mumkopocesye kusa kwa msindawo, nipo mumsome maganga mpaka awe.” Nipo ŵasayine yikalatayo lina lya Ahabu ni ŵayidindile cidindo ca mwenyejo. Nipo ŵayitumisye kwa ŵakulongolela msindawo.

1 Mbi 2:51

mwanace jwine jwaŵili juŵataŵile msinda ŵa Betelehemu, ŵaliji Salima, nipo jwatatu juŵataŵile msinda wa Beti Gadele ŵaliji Halefi.

Masalimo 132:6

Twapikene ya Libokosi lya Cilanga ku Efulati, twalisimene m'migunda ja ku Yaala.

Misyungu 14:1

Jwamkongwe jwalunda akusataŵa liŵasa lyakwe, nambo jwamkongwe jwakuloŵela akusalipasula ni makono gakwe.

Misyungu 31:23

Ŵamkwakwe akusaŵa ŵakumanyika mnope ku nganya sya m'misinda, pati atemi pasikati ja acakulungwakulungwa ŵa cilambo.

Yelemiya 32:10

Nasayinile cilangaco ni kucisindicisya pameso pa mboni, kaneko ni kusipima mbiyasyo pa sikelo.

Mika 5:2

AMBUJE akuti, “M'mwe Betelehemu jwa ku Efulati, m'mwejo mli jimo ja misinda ja mwana mnope ku Yuda, nambo kutyocela mwa m'mwejo tinjiyika ni jwakulamulila pa Isalaeli, jwele ndanda jakwe jili jakalakala mnope.”

Matayo 2:6

‘M'mwe Betelehemu ŵa mcilambo ca Yuda, nganimŵa kose ŵanandi pasikati pa acakulungwa ŵakulamulila Yudeya. Pakuŵa kwenumwe tikucityocela jwakulamulila jutaciŵa jwakwacinga ŵandu ŵangu Aisalaeli.’ ”

Detulonomo 25:7

Nambo naga mlongo mjawo malemu ŵala akukana kulombela jwamkongwe jwamasijejo, jwamkongwejo akwenela kuja kudandawula kwa acakulungwakulungwa ŵa mu msindawo kuti, ‘Mlongo mjawo malemu ŵamkwangu akukana kulombela une, kuti lina lya malemuwo likawa mcilambo ca Isalaeli.’

Detulonomo 25:9

jwamkongwe jwamasijejo ajawule kwa mlambagwejo, acakulungwakulungwa ŵa mu msindawo ali mkulola, ni mwule sapato ja lusajo lumo, soni amsunile mata kumeso ni asale kuti, ‘Yindesileyi ni yakumjenela kumtenda mundu jwakukana kwaŵelecela mwanace alongo ajakwe ŵawile.’

Lute 1:2

Mundujo jwaliji Elimeleki, ŵamkwakwe ŵaliji Naomi. Ŵanace ŵaŵili ŵacalumewo ŵaliji Maloni ni Kiliyoni. Wosopeŵa ŵaliji ŵakutyocela ku lukosyo lwa Efulati ŵa ku Betelehemu mcilambo ca Yuda, nambo ŵapite ku Mowabu ni kuja kutama kweleko.