Lute 4:10 - Chiyawo Bible

¹⁰ Pakonjecesya pelepo, namjigele soni Lute jwamkongwe jwa ku Mowabu jula, juŵaliji ŵamkwawo malemu Maloni, kuti aŵe ŵamkwangu, kuti lina lya malemuwo likawa, pasikati pa acalongo acimjakwe, ni m'musi ŵakwe uno, kuti katundu jwa malemu asunjice myala mwa ŵandu ŵa mwiŵasa mwakwemo. Jemanja mli mboni sya yeleyi lelo jino.”

Lute 4:10 Iomraidhean Croise

Genesesi 29:27

Mjembeceye, umale kaje mlungu awuno wa cindimba ca ulombela wenuwu, kaneko tinjimpa Lakelo, nambo timungamulile soni masengo yaka yine msano ni yiŵili.

Genesesi 38:9

Nambo Onani ŵamanyilile kuti, ŵanacewo ngisaŵa ŵakwe, myoyo ndaŵi jiŵagonile ni alambawo ŵala ŵaliji mkwasila pasi mbeju jawo kuti akasamŵelecela ŵanace mkulugwawo jula.

Masalimo 109:15

AMBUJE ayikumbucile yakulemwa yawo kwa yaka yosope; aliŵalicice ŵele ŵanduwo pa cilambo capasi.

Masalimo 34:16

Nambo AMBUJE akwatumbilila ŵandu ŵakutenda yangalumbana, ŵanduwo naga awile, citemape akuliŵalicika.

Misyungu 18:22

Mundu jwapatile ŵakongwe, apatile cindu cambone, soni AMBUJE amsalalile mtima jwalakwejo.

Misyungu 19:14

Nyumba ni yipanje komboleka kupata mundu kutyocela kwa acinangolo, nambo jwamkongwe jwalunda akusatyocela kwa AMBUJE.*

Yesaya 48:19

Ŵanace ŵenu akaŵele ŵajinji mpela mcenga, nipo yisukulu yenu mpela luwundu. Lina lyenu ngimkanilityosyedwa pameso pangu, atamose kusimasika.”

Hoseya 12:12

Yakobo ŵatilile ku Mesopotamiya kwele kuŵakamwile masengo kuti apate ŵakongwe. Ŵaliji mkulanga ngondolo kuti apate ŵakongwewo.

Hoseya 3:2

Myoyo napele mbiya likumi ni msano sya silifa* ni ngalala msano ni siŵili sya balele* kuti nalombe ŵalakwewo.

Sakaliya 13:2

Pandaŵi jelejo tinjityosya mena ga milungu jakupanganya mcilambomo, pangali soni jutacijikumbucila soni. Tinjimtyosya jwalijose jwakulikolanga kuti ali jwakulocesya* pamo ni msimu wakunyalaya.

Mala 2:14

Mkuwusya ligongo lyakwe cici ngakupocela? Ligongo lyakwe ni lyakuti AMBUJE ŵaliji mboni jwa cilanga cimwatesile ni ŵamkwenu ŵa pa ucanda wenu. Nganimkulipicika kwa jwalakwe, atamose ali mjenu soni ŵamkwenu pakuya cilanga cicoco cimwatesile.

Ŵaefeso 5:25

Jemanja acalume, mwanonyeleje aciŵamkwenu, mpela muŵawunonyelele Klistu mpingo, ni ŵalipelece ligongo lya mpingowo.

Detulonomo 25:6

Mwanace jwamlume jwandanda kupagwa mwele m'nyumbamo, tacijinjila lina lya malemu ŵala, kuti mu lina lya liŵasa lyakwe likawa mcilambo ca Isalaeli.

Ŵaeblania 13:4

Ulombela mwucimbicisyeje jemanja wosope, nipo acalume ni acakongwe aŵeje ŵakulupicika kwa jwine ni mjakwe, pakuti ŵandu ŵalilama ni cikululu Mlungu tacalamula.

Yoswa 7:9

Akenani ni jwalijose mcilambo muno jutapikana yeleyi, tacitusyungulila uwe ni kutuwulaga jwalijose jwa uwe! Nipo tacitenda uli AMBUJE kuti awucinjilicisye ucimbicimbi wawo?”

Lute 4:9

Kaneko Bowasi ŵatite kwa acakulungwa ŵala pamo ni ŵandu wosope ŵene ŵiŵaliji pelepo, “Jemanja wosope mli mboni lelo kuti une sumile kwa Naomi yindu yosope yene yiyaliji ya malemu Elimeleki ni yosope ya malemu Kiliyoni ni malemu Maloni.