Lute 3:7 - Chiyawo Bible

⁷ Bowasi ali amalisisye kulya ni kumwa, ŵaliji wakusangalala, ni ŵajile kukugona pa mbali pa liwunjili lya balele. Lute ŵajawile mwakunyang'ama ni ŵasiwunukwile sajo sya Bowasi ni ŵagonile papopo.

Lute 3:7 Iomraidhean Croise

Genesesi 43:34

Yakulya yiŵalyaga yatyocelaga piŵaliji Yosefe, nambo yakulya yiŵampaga Benjamini yaliji yejinji, yapundaga yawosopewo kasano. Myoyo ŵalile ni kumwa pamo ni Yosefe mpaka kwikuta, nipo ŵasangalele najo.

2 Sam 13:28

Abisalomu ŵalamwile ŵamasengo ŵakwe kuti, “Mlolecesye kuti ndaŵi jitaŵe Aminoni ali akolelwe finyo. Naga ngumsalila kuti ‘Mumcanyande Aminoni,’ ndaŵi jijojo mumwulaje. Mkatenda woga, ngati une ni junamlamulile? Mlimbe mtima, ni mtende ya cilumelume.”

1 Ayi 21:7

Yesebele ŵamwusisye Ahabu kuti, “Ana ngati ŵalakwe mwenye jwa ku Isalaeli? Ajimuce, asangalale, soni akalye. Une tingajigalile wele mgunda wa mpeleyawo kwa Naboti.”

Esitele 1:10

Pa lisiku lya msano ni mcece lya cindimba, Mwenye Ahasuwelo ŵasengwile mnope ligongo lya cakumwa ca finyo, myoyo ŵaŵilasile Mehumani, Bisita, Halibona, Bigita, Abagita, Seta ni Kalakashi ŵele ŵiŵaliji ŵakutumicila ŵacele ŵa mwenye.

Masalimo 104:15

Akusapata finyo jwakusangalasya mtima wakwe, mawuta gakupakala kuti cilu cakwe citipitile, ni mkate kuti apate macili.

Jwak 10:19

Cindimba cikusasangalasyaga ŵandu, nipo finyo ali jwakusangalasya umi. Nambo yosopeyo yikusasaka mbiya kuti uyitende.

Jwak 2:24

Pangali cindu cine cambone campaka mundu akombolece kutenda pa masengo gakwe kupunda kulya, kumwa ni kwikutila pa masengo gakwego. Namanyilile soni kuti welewu uli upile wakutyocela kwa Mlungu.

Jwak 8:15

Myoyo nguganisya kuti kuli cenene mundu asangalaleje ni umi wakwe, pakuti mundu jwangali cindu cine soni cambone pa cilambo capasi pano kupunda kulya, kumwa ni kulisangalasyaga. Kaneko mundujo taciŵa jwakondwa pa masengo gakwe pa masiku ga umi wakwe, gele Mlungu gampele jwalakwejo pa cilambo capasi pano.

Jwak 9:7

M'mwe mkajogopa, mlyeje yakulya yenu ni mtima ŵakusengwa, pakuti Mlungu ajiticisye kala yimkusatenda.

1 Akoli 10:31

Sambano, kanga mkulya kapena mkumwa, kapena mkutenda cilicose, mtendeje yeleyo kuti mumcimbicisye Mlungu.

Ŵaefeso 5:18

Kasimkolelwa ni finyo, jwele jwampaka amjonanje, nambo m'malo mwakwe mgumbalilwe ni Msimu Ŵaswela.

Ŵakulamula 19:22

Jemanjajo ŵaliji mkusangalala nambo mwakusisimucisya ŵandu ŵangalumbana ŵakutyocela mu msindamo ŵajisyungulile nyumbajo ni kutanda kuputa petanga. Ŵamsalilaga jwamlume jwamcekulepe jula kuti, “Amkoposye mundu jwayice najojo! Tukusosa kutenda najo cikululu!”

Ŵakulamula 19:6

Ni ŵandu ŵaŵiliwo ŵatemi ni kulya yalumo. Kaneko babagwe jwamkongwejo ŵamsalile jwalakwe kuti, “Conde agone kunokuno ni kuti aŵe ŵakusangalala.”

Ŵakulamula 19:9

Mundu jwine jwa ci Lefi pamo ni ŵamkwakwe ŵanondiwo, ni jwamasengo ŵatandite kunyakuka soni kuti ajawuleje, nambo babagwe ŵakongwewo ŵatite kuti, “Alole, kusa kusigele panandi kuswa sambano, agone soni. Pangakaŵapa tikuŵe kuli kuswele. Atame asangalaleje. Malaŵi tacikomboleka kulaŵilila ni kuwutanda ulendo wa kumusi.”

Lute 3:6

Myoyo Lute ŵajawile ku malo gakupwagulila balele nipo ŵatesile mpela muŵamsalile akwegwe ŵakwe ŵala.

Lute 3:8

Pakati cilo Bowasi ŵasisimwice ni ŵagalawice, nipo ŵasimonjile kumwona jwamkongwe ali agonile ku sajo syakwe.