Lute 3:2 - Chiyawo Bible

² M'manyilile kuti Bowasi, ŵamasengo ŵakwe ŵa cakongwe ŵimwaliji nawo ku migunda, pa ndaŵi jimwawululaga balele* jila, ali mlongo mjetu. Sambano, mumbikanicisye yingusosa kumsalila. Ligulo lino jwalakweju taŵe ali mkuputa balele.

Lute 3:2 Iomraidhean Croise

Genesesi 50:10

Piŵayice pa malo gakuputila tiligu ku Atadi, kungopoko lyuŵa kwa Yolodani, Yosefe ŵatesile mwambo wa malilo kweleko, nipo ŵalisile malilo ga baba ŵawo kweleko kwa masiku msano ni gaŵili.

Lute 2:1

Naomi ŵakwete mlongo mjakwe jwakusicila mnope lina lyakwe Bowasi, jwa mwiŵasa lya malemu Elimeleki ŵamkwakwe ŵala.

Lute 2:8

Kaneko Bowasi ŵamsalile Lute kuti, “Pikanani mwanangu, mkasimjawula kuja kuwulula ku mgunda wine, mkawuleka mgunda awuno, nambo mŵandikaneje ni acakongwe ŵakugowola amunoŵa,

Lute 3:1

Lisiku line Naomi ŵamwusisye Lute kuti, “M'mwe mwanangu, ana ngaŵa yambone kuti mlombedwe ni ŵalume, kuti timkole musi wenu, soni kuti yindu yimjendeleje cenene?

Lute 3:3

Myoyo mjoje cenene mwanangu, soni mpakale mawuta gambone gakununjila, nipo m'wale yakuwala yambone. Kaneko mjawule kumalo gakupwagulila balele, nambo akaja kumanyilila kuti m'mwejo mli kweleko, mpaka pitakamalisye kulya ni kumwa.