Lute 3:1 - Chiyawo Bible

¹ Lisiku line Naomi ŵamwusisye Lute kuti, “M'mwe mwanangu, ana ngaŵa yambone kuti mlombedwe ni ŵalume, kuti timkole musi wenu, soni kuti yindu yimjendeleje cenene?

Lute 3:1 Iomraidhean Croise

Genesesi 40:14

Nambo mkangumbucile une naga yindu yikamjendele cenene, soni conde mkambecetele kwa Mwenye jwa ku Iguputo kuti mungamucisye kuti ngopoce une m'nyumba ja ukayidi muno.

Masalimo 128:2

Timcilya yimyimtendele masengo ni makono genu; timcisangalala, soni yindu tiyicimjendela cenene.

1 Akoli 7:36

Nambo m'malo mwa ŵele ŵatomelene naga aganisisye kuti akalombana: naga jwamlume akuganisya kuti ngakutenda cenene kwa jwamkongwe jwakusaka kumlombajo soni naga mtima wakwe ukukolela mnope ni kuganisya kuti akusaka kulombela ŵaŵiliwo, komboleka kulombana mpela mwakusacila jwamlumejo. Pakutenda myoyo pangali ulemwa* uliwose.

Detulonomo 4:40

Mgapikanileje malamusi gawo gosope ginampele lelo jinoga. Naga mkutenda myoyo, yindu tiyikamjendele cenene jemanja ni yisukulu yenu. Soni timkatamilicice mcilambo citampe AMBUJE Mlungu jwenu, kuti ciŵe cenu kwa yaka yosope.”

1 Timoseo 5:14

Ali ni ligongo lyakwe nganonyele kuti ŵali ŵawilwe alombedweje, aŵelece ŵanace ni kugasunga maŵasa gawo kuti amagongo ŵetu akapata lipesa lyakuŵeceta yakusakala yakwamba uweji.

1 Timoseo 5:8

Nambo naga mundu jwine ngakwakamucisya acalongo acimjakwe, mnopemnope ŵa mwiŵasa mwakwe, jwalakwejo ajasile cikulupi, soni kusakala kwakwe kuli kwakumpunda mundu jwangakulupilila.

Lute 1:9

AMBUJE amkamucisye kuti jemanja mlombedwe soni mkole malo gakutama.” Myoyo Naomi ŵalanjile jemanjajo. Nambo jemanjajo ŵatandite kulila mwakwesya maloŵe,

Lute 2:23

Myoyo Lute ŵakuyaga ŵamasengo ŵa Bowasi ni ŵaliji mkuwulula mpaka ŵandu ŵamalisisye kukata balele ni tiligu. Lute ŵapitilisye kutama ni akwegwe ŵakwe ŵala.

Lute 3:2

M'manyilile kuti Bowasi, ŵamasengo ŵakwe ŵa cakongwe ŵimwaliji nawo ku migunda, pa ndaŵi jimwawululaga balele* jila, ali mlongo mjetu. Sambano, mumbikanicisye yingusosa kumsalila. Ligulo lino jwalakweju taŵe ali mkuputa balele.