Lute 2:3 - Chiyawo Bible

³ Myoyo Lute ŵapite ku kuwulula ku migunda, jiŵamasile ŵandu kugowola. Mwa upile, yagambile kutendeka kuti ŵajile kwika ku mgunda wa Bowasi, juŵaliji jwa mwiŵasa lya Elimeleki.

Lute 2:3 Iomraidhean Croise

2 Sam 1:6

Mcanda juŵayice kusala jula ŵatite kuti, “Yagambile kutendekwa kuti une naliji Petumbi lya Gilibowa. Ndili kweleko nam'weni Saulo ali sindi, ali ajegamile lipanga lyakwe. Ndaŵi jelejo ni kuti mageleta ga ngondo, soni amagongo ŵakwela pa mahaci ali amŵandicile Saulojo.

2 Sam 20:1

Yagambile kutendekwa kuti kweleko kwapali mundu jwine jwa ndamo syacabe lina lyakwe Sheba, mwanace jwa Bikili jwa lukosyo lwa Benjamini. Jwelejo jwagombile lipenga, ni jwatite, “Um'we ŵangali cetu mu ucimwene wa Daudi,* soni nganitukola kandu mwa mwanace jwa Yese; Jemanja Aisalaeli, jwalijose ajawuleje ku nyumba jakwe!”

2 Ayi 8:5

Ndaŵi jelejo Gehasi ŵamsalilaga jwalakwejo yiŵatite Elisha pakumjimusya mwanace jwamlume jwam'we, ni kola soni umi, jwamkongwe jula ni mwanace jwakwe jwamlume jula ŵayice pa malopo. Nipo Gehasi ŵatite kwa mwenye, “Ŵalakwe Ambuje, mwanace jwamlume juŵamjimwisye Elisha ku ŵawe jula ni aju, nipo mamagwe ni aŵa.”

Matayo 10:29

Ana ngati akusasumisya tujuni tuŵili twa timba ni kambiya kamope? Kutendaga pangali atamose kamo ka tujunito kampaka kagwile pasi akakumanyilila Atati ŵenu.

Luka 10:31

Yili yitendekwe yeleyi, jwakutaga mbopesi jwine ŵapitile litala lilyolyo. Piŵam'weni mundu jula ŵamŵambele.

2 Ates 3:12

Uwe tukwalamula ni kwacisya ŵandu ŵamti myiyiŵa mu lina lya Ambuje ŵetu Yesu Klistu kuti akamuleje masengo mwamtendele ni kulyaga yakulya yalipanganyicisye masengo acimsyene.

Lute 2:2

Lisiku line Lute ŵamsalile Naomi kuti, “Angunde njawule ku migunda kuti ngawulule balele* ku mgunda wa mundu jwalijose jutakasalalile mtima.” Myoyo Naomi ŵamsalile kuti, “Jawulani mwanangu.”

Lute 2:4

Mwangakaŵa Bowasi ŵayice kutyocela ku Betelehemu nipo ŵakomasisye ŵamasengo ŵagowola ŵala kuti, “AMBUJE* aŵe ni jemanja.” Jemanjajo ŵajanjile kuti, “AMBUJE ŵape upile wawojo.”