Lute 2:2 - Chiyawo Bible

² Lisiku line Lute ŵamsalile Naomi kuti, “Angunde njawule ku migunda kuti ngawulule balele* ku mgunda wa mundu jwalijose jutakasalalile mtima.” Myoyo Naomi ŵamsalile kuti, “Jawulani mwanangu.”

Lute 2:2 Iomraidhean Croise

Genesesi 32:6

Ŵandu ŵiŵatumile utenga ŵala piŵawujilile kwa Yakobo, ŵamsalile kuti, “Twajile kwika kwa Esawu, akulu ŵawo ŵalakwe, nipo ali mkwisa kukuwonegana ni ŵalakwe. Akwisa pamo ni ŵandu 400.”

Lefitiko 19:10

Mkasimwujila mu mgunda wa mpeleya kuja kulokotanya yisogosi ya mpeleya yakusigalila kapena yakugwila pasi. Yeleyo mwalecele ŵandu ŵakulaga kapena acalendo. Une ndili AMBUJE Mlungu jwenu.

Lefitiko 19:16

Mkajenesya ngani ja unami ja mundu jwalijose, mkatenda kandu kalikose kampaka kamjigalile mundu jwine ku ciwa. Une ndili AMBUJE.

Lefitiko 19:9

“Ndaŵi jimkugowola m'migunda mwenu, mkasimgowola mpaka mungulugulu malile, soni mkawujila kuja kulokotanya yakusigalila mu mgunda mli m'masile kugowolako.

Lefitiko 23:22

Pa ndaŵi jimkugowola yindu m'migunda mwenu, mkasimgowola mpaka mungulugulu malile, soni mkasimwujila kuja kulokotanya yakusigalila mu mgunda mli m'masile kugowola. Yeleyi mwalecele ŵandu ŵakulaga ni acalendo kuti alokotanye. Une ndili AMBUJE Mlungu jwenu.

Lute 2:3

Myoyo Lute ŵapite ku kuwulula ku migunda, jiŵamasile ŵandu kugowola. Mwa upile, yagambile kutendeka kuti ŵajile kwika ku mgunda wa Bowasi, juŵaliji jwa mwiŵasa lya Elimeleki.

Lute 2:7

Jwalakweju ambendile kuti nakunde kuti awululeje balele mu mgunda wagowele kala ŵa masengoŵa. Aŵele ali mkuwulula kutandila kundaŵindaŵipe mpaka sambano jino, ngapumula amta panandi.”

1 Sam 1:18

Hana ŵajanjile kuti, “Asalalilejepe mtima une kapolo jwawo.” Kaneko ŵakongwewo ŵatyosile kuja kukulya yakulya, nipo nganawoneka soni ŵacanasa.