Lute 2:12 - Chiyawo Bible

¹² AMBUJE amlipile m'mwejo pa yambone yosope yimtesileyo. AMBUJE Mlungu jwakusamlambila Aisalaeli amlipile m'mwejo kwakwanila, pakuŵa myice kwa jwalakwe kuti amcinjilicisye!”

Lute 2:12 Iomraidhean Croise

Masalimo 17:8

Asunje une mpela mwa mpaka atendele ni liso lya ŵalakwe asyene; asise une kusi kwa mapapiko gawo,

Masalimo 19:11

Malamusi genu gakungombelesya une jwakutumicila jwenu, pakugasunga ngusapocela mbote jajikulungwa.

Masalimo 36:7

Cinonyelo cawo Mlungu cili cangamala cili ca mtengo mnope, ni ligongo lyakwe ŵandu ŵawo akusatilila kusi kwa mapapiko gawo.

Masalimo 57:1

Andendele canasa ŵalakwe Mlungu, andendele canasa, pakuŵa umi wangu ukutilila kwa ŵalakwe, ni tinjitilila ku mbwilili wa mapapiko gawo, mpakana mbungo jakonanga yindu jili jipite.

Masalimo 58:11

Ni ŵandu taciti, “Yakuwona ŵandu ŵagoloka akupocela mbote, kusyene apali Mlungu jwakulamula pacilambo capasi.”

Masalimo 61:4

Angunde une kutama m'Nyumba jawo ndaŵi syosope. Anjenjele kusi kwa mapapiko gawo.

Masalimo 63:7

Pakuŵa ŵalakwe ali ŵakungamucisya ŵangu myoyo ngwimba mwakondwa kusi kwa mapapiko gawo.

Masalimo 91:4

Tacimbunicila ni mang'omba ga mapapiko gakwe, ni timcipata malo gakutilila m'mapapikomo. Kulupicika kwakwe tikutucenjele ni kutucinjilicisya.

Misyungu 11:18

Mundu jwakusakala akusapocela malipilo gacabecabepe, nambo mundu jwakutenda yacilungamo akusapocela mbote jisyesyene.

Misyungu 23:18

Yisyene nditu, cembeceyo cenu cakusogolo cipali, soni cikulupi cenu ngasiciŵa cacabe.

Yelemiya 31:16

Mlece kulila kwenu, ni mpukute misosi jenu. Timcipocela mbote ja masengo genu, Ŵandu taciwuja kutyocela ku cilambo ca amagongo.

Matayo 23:37

“Jemanja ŵandu ŵa mu msinda wa Yelusalemu! Jemanja ŵandu ŵa mu msinda wa Yelusalemu! Mkusawulaga ŵakulocesya, ni kwaponya maganga ŵandu ŵele Mlungu akusamtumicisyaga. Ana kalingwa kimbele ndili mkusosa kuti nimsonganye jemanja wosope, mpela mujikusasonganyicisya nguku ŵanace ŵakwe kusi kwa mapapiko gakwe, nambo jemanja mwakanile!

Matayo 5:12

Sangalalani, secelelani, ligongo mbote jenu jili jajikulungwa kwinani. Pakuti mwelemu ni muŵasawucisyaga soni ŵakulocesya ŵiŵapali jele ndaŵijo jemanja mkinimpagwe.

Matayo 6:1

“Mlolecesye, mkatenda masengo genu gambone pameso pa ŵandu mwa melepe kuti amlole. Pakuti naga mkutenda yeleyo, ngasimpocela mbote kwa Atati ŵenu ŵakwinani.

Luka 6:35

Nambo jemanja mwanonyeleje amagongo ŵenu ni kwatendela yindu yambone, soni mwakongosyeje pangajembecela kupocela cijongola yala. Naga mkutenda myoyo timcipocela mbote jajikulungwa, soni timcitendedwa kuŵa ŵanace ŵa Mlungu jwakupunda yosope yene. Pakuti Mlungu akusiŵatendela yambone ŵandu ŵangatogolela ni ŵa ulemwa wosope.

Ŵakolosai 2:18

Akamsumula jwine mbote jenu. Jemanjajo akusanonyela kulilosya mpela ŵakulinandiya acimsyene, ni pakulambila malayika,* ligongo lya yindu yele yiŵayiweni m'mesomkulola, soni akusalikwesyaga pali pangali ligongo pakuti akusagamba kuyaga lunda lwa ŵandu,

2 Timoseo 1:18

Ngupopela kwa Ambuje Yesu kuti tamŵende Mlungu kuti tamtendele canasa Onesifolo pa lisiku lyakumalisya. Mkumanyilila soni cenene yiŵatite pakungamucisya ku Efeso.

2 Timoseo 4:8

Cicikulindilila une sambano ni mbote ja cilungamo jasunjile Mlungu. Ambuje ŵele ŵakusalamula mwangalola ngope, ni ŵele ŵitacimba mbote lisiku lyakumalisya. Nambotu ngasamba une jikape, nambo soni ŵane wosope ŵele ŵakulindilila mwa cinonyelo kuti Ambujewo taciyika soni.

Ŵaeblania 11:26

Mose ŵayiweni kuti kulaga ligongo lya Klistu* kwaliji cipanje cejinji kupunda cipanje cosope ca ku Iguputo, pakuti meso gakwe galiji kusyene pa mbote jakusogolo.

Ŵaeblania 11:6

Pangali mundu jwampaka amsangalasye Mlungu naga nganakola cikulupi, pakuti jwalijose jwakusaka kumŵandicila Mlungu, akwenela kulupilila kuti Mlungu apali nditu nipo kuti akusiŵapa mituka ŵandu ŵele ŵakusamsosa jwalakwejo.

Ŵaeblania 6:10

Mlungu ali jwakulungama. Ngasaliŵalila masengo genu gimwatesile kapena cinonyelo cimwalosisye ku lina lyakwe ni cikamucisyo cimwapelece nipo soni mkupitilisya kwa acalongo acimjenu aklistu.

Lute 1:16

Nambo Lute ŵajanjile kuti, “Akasanjisya kuti une nalece wawojo. Andece, pakuŵa kwakwawula wawojo, none jwakwe tinjawule kukoko, soni kutakatame wawojo none jwakwe tingatame kukoko. Acalongo acimjawo none jwakwe takaŵe acalongo acimjangu, nipo Mlungu jwa wawojo none jwakwe taciŵa Mlungu jwangu.

Lute 2:11

Bowasi ŵajanjile kuti, “Une mbikene yosope yene yimwatendele m'mwejo akwegwenu ciwile ŵamkwenu. Ngumanyilila yimtesile m'mwejo pakwaleka baba ŵenu ni mama ŵenu ni cilambo cakumangwenu, nipo yimtite pakwika kukutama pasikati pa ŵandu ŵimkanimwamanya ni kala kose.

Lute 2:13

Lute ŵajanjile kuti, “Wawo Ambuje, ali mundu jwambone mtima mnope. Asangalesye, soni aŵecete mwakundendela une canasa, atamose kuti nganimba jumo jwa ŵamasengo ŵawo.”

Lute 4:15

Mwanaceju tacapa wawojo umi wasambano, nambo soni tacacenjela ŵalakwe ali acekulwipe. Kusyene, akwegwe ŵawo akusiŵanonyela, nipo atesile yejinji kwa wawojo kupunda ŵanace msano ni ŵaŵili ŵacalume. Nipo sambano akwegwe ŵawo ŵaŵelecele ŵalakwe mwanace.”

1 Sam 24:19

Ana mundu ali amsimene m'magongo jwakwe, ana mpaka akunde kuti akulupuce? AMBUJE ampe upile ligongo lya yindu yimundendele lelo.

1 Sam 24:20

Sambano ngusimicicisya kuti m'mwejo timciŵa mwenye jwa Aisalaeli nipo kuti ucimwenewo tiwucitamilicika pa m'mwejo.