Lute 1:5 - Chiyawo Bible

⁵ Nombe nawo Maloni ni Kiliyoni ŵawile, nipo Naomi ŵagambile kusigala jikajikape ali ŵangali ŵalume kapena ŵanace ŵacalume.

Lute 1:5 Iomraidhean Croise

Yesaya 49:21

Sambano m'mwe timciliwusya kuti, ‘Ana ŵani uŵambelecele ŵanace ŵeleŵa? Ŵanace ŵangu wosope ŵawile nipo nganingombola kuŵeleka soni ŵane. Naliji ku ukapolo, naliŵalicice. Ana ŵani uŵalelite ŵanace ŵeleŵa? Nasigele jika, nambi ŵanace ŵeleŵa atyocele kwapi?’ ”

Yelemiya 2:19

Timcipegwa cilango pa ulemwa wenu pewo pakuti munganile une, tinjimjimba magambo. Mganicisye cenene ya kusakala kwakundeka une, AMBUJE, Mlungu jwenu. Mganicisye cenene ya kusakala kwakwe kwakuŵa mundu jwanganjogopa une. Une AMBUJE Mlungu Jwamaciligosope mbecete myoyo.”

Luka 7:12

Yesu piŵaŵandicile pa cipata cakwinjilila m'musimo ŵasimene nawo ŵandu ali anyakwile malilo. Jwakuwajo jwaliji mwanace jwamlume jwa jwamkongwe jujwaliji jwa masije. Ŵandu ŵajinji ŵa m'musimo ŵaliji pampepe ni jwamkongwejo.

Detulonomo 32:39

“ ‘Mlolecesye sambano kuti Mlungu jula ni une, une jika, pangali soni mlungu jwine, Ngusawulaga soni mnene ngusapeleka umi, Ngusawulasya, mnene soni ngusaposya, soni pangali jwine jwa mpaka asisye une.

Lute 1:2

Mundujo jwaliji Elimeleki, ŵamkwakwe ŵaliji Naomi. Ŵanace ŵaŵili ŵacalumewo ŵaliji Maloni ni Kiliyoni. Wosopeŵa ŵaliji ŵakutyocela ku lukosyo lwa Efulati ŵa ku Betelehemu mcilambo ca Yuda, nambo ŵapite ku Mowabu ni kuja kutama kweleko.

Lute 1:4

Jemanjaji ŵalombele acakongwe ŵa ku Mowabu, Olipa ni Lute. Ŵatemi ku Mowabuko yaka likumi.

Lute 1:6

Pali papite ndaŵi Naomi ŵapikene kuti AMBUJE* ŵapele upile ŵandu ŵakwe pakwapa yakugowola yejinji, myoyo ŵatyosile ku Mowabu pamo ni acakwegwe ŵakwe ŵaŵili ŵala.