Lute 1:16 - Chiyawo Bible

¹⁶ Nambo Lute ŵajanjile kuti, “Akasanjisya kuti une nalece wawojo. Andece, pakuŵa kwakwawula wawojo, none jwakwe tinjawule kukoko, soni kutakatame wawojo none jwakwe tingatame kukoko. Acalongo acimjawo none jwakwe takaŵe acalongo acimjangu, nipo Mlungu jwa wawojo none jwakwe taciŵa Mlungu jwangu.

Lute 1:16 Iomraidhean Croise

2 Sam 15:21

Nambo Itayi ŵamjanjile mwenye kuti, “Ngulumbila pameso pa AMBUJE ŵacijumi, soni pameso pa ŵalakwe mwenye ambuje, kulikose kutakatame, kanga pana umi kanga pana ciwa, jwakutumicila jwawone tinjiŵa kukoko.”

Masalimo 45:10

Mpikane, mwanace jwamkongwemwe, ni mtejele lipikanilo lyenu; mwaliŵalile acalongo ajenu ni soni nyumba ja atati ŵenu.

Misyungu 17:17

M'mbusanga akusakunonyela ndaŵi ni ndaŵi, soni mlongo mjakwe ŵapagwile kuti atukamucisye pa ndaŵi ja yisawusyo.

Yesaya 14:1

Nambo AMBUJE* tacilitendela canasa liŵasa lya Yakobo,* tacisagula soni mtundu wa Isalaeli kuŵa ŵandu ŵakwe ŵakwepe, nipo tacija kwatamika mcilambo ciŵapele. Ŵandu ŵa yilambo yine tacijawula nawo yalumo nipo tacitama kukoko pamo ni ŵa mwiŵasa lya Yakobo.

Daniele 2:47

Mwenye jwatite kuti, “Yakuwona, Mlungu jwenu ali Mlungu jwa milungu josope, soni ali AMBUJE ŵakulamulila ayimwene wosope. Jwalakwejo ali jwakusala yakusisika, pakuti m'mwejo mpakombwele kunjuwulila yakusisika yeleyi.”

Daniele 3:29

“Sambano ngutamilisya lilamusi ali: Mundu jwine jwalijose, jwa ngosyo kapena ciŵeceto cine cilicose, naga akunyosya Mlungu jwa Shadileki, Misheki ni Abedenego, tinjimpaculapacula nipo nyumba jakwe tinjijitenda kuŵa masame. Pangalitu mlungu jwine jwalijose jwampaka akulupusye ŵandu mwa litala lyamti myiyi.”

Daniele 4:37

“Ni ligongo lyakwe sambano une Nebukadinesa ngusalambila, kwacimbicisya ni kwatendela ucimbicimbi mwenye jwakwinani. Yosope yakusatenda yili yambone, nipo matala gakwe gosope gali gakulungamika. Akusiŵanondiya wosope ŵakulikwesya.”

Hoseya 13:4

AMBUJE akuŵeceta kuti, “Une mbele AMBUJE Mlungu jwenu kutyocela ndaŵi jinamkopwesye jemanja ku Iguputo. Ngimkumanyilila Mlungu jwine akaŵe unepe. Une jikape ndili mkulupusyo jwenu.

Sakaliya 8:23

Mu ndaŵi jelejo ŵandu likumi kutyocela ku mitundu ja ŵandu ŵakuŵeceta yiŵeceto yakulekangana tacikamula mkanjo wa Myuda ni kuŵeceta kuti, ‘Tulongane nawo, ligongo tupikene kuti Mlungu ali ni ŵalakwe.’ ”

Matayo 8:19

Nambo pa ndaŵi jijojo ŵayice jumo jwa aciŵalimu ŵa Malamusi* acimsalilaga kuti, “Cemwalimu, tinakuye kulikose kutajawuleje.”

Yohana 13:37

Petulo ŵajanjile kuti, “Ambuje, ligongo cici une ngaŵa mkupakombola kwakuya wawojo sambano jino, unetu ndili cile kuti mbwe m'malo mwa wawo!”

Masengo 21:13

Nambo Paulo ŵajanjile kuti, “Ana mkutenda uli, kulila kwamti myiyi, kwakusaka kunjasikasya cikulupi cangu? Unetu, ndili cile ngaŵaga kutaŵidwape ku Yelusalemu, nambo atamose kuja kuwila kweleko kwa ligongo lya Ambuje Yesu.”*

1 Ates 1:9

Ŵandu wosopewo akuŵeceta acimsyenepe ya yimwatesile jemanja pakutupocela uwe pitwayice kukumkungulusya pala, ni mwele mumwapitikucile kwa Mlungu pakujileka milungu jakupanganyidwa ni ŵandu, kuti mumtumicileje Mlungu msyesyene ni jwa umi,

Yoswa 24:18

Pitwajawulaga malo gane ga cilamboco kutyoka pane, Aamoli ŵatamaga mcilambomo jele ndaŵijo, nambo AMBUJE ŵatopwesye wosopewo m'malo mwa uwe. Ni uwe nowe tucatumicila AMBUJE; ŵele pewo ni Mlungu jwetu.”

Chunukuko 14:4

Jemanjaji ni ŵiŵaligosaga ngalisakasya ni acakongwe. Jemanjaji ni ŵakumsakuya Mwanace Jwangondolo jula kulikose kwakwawula. Jemanjajo ni ŵiŵawombolegwe sikati ja ŵandu ŵane wosope, kuti aŵe ŵandanda kupelecedwa kwa Mlungu ni kwa Mwanace Jwangondolo jula.

Lute 1:15

Myoyo Naomi ŵamsalile Lute kuti, “Mlongo mjenu awujile kumangwawo ni kwa mlungu jwakwe. Nomwe ŵakwe ujilani mwakuye alongo ajenuwo.”

Lute 1:17

Kulikose kutakawile ŵalakwe none jwakwe tingawile kukoko, ni takasice une mwilembe kukoko. AMBUJE tandendele une cindu cakusakala cilicose, atamose ciŵe cacikulungwa camtuli, pangali kandu kane kalikose kakutulekanganya, akaŵe ciwa.”

Lute 2:6

Kapitawo jula jwajanjile kuti, “Ŵele ŵakongwewo atyocele ku Mowabu, ŵayice akuno ni Naomi piŵawujaga.

Lute 4:15

Mwanaceju tacapa wawojo umi wasambano, nambo soni tacacenjela ŵalakwe ali acekulwipe. Kusyene, akwegwe ŵawo akusiŵanonyela, nipo atesile yejinji kwa wawojo kupunda ŵanace msano ni ŵaŵili ŵacalume. Nipo sambano akwegwe ŵawo ŵaŵelecele ŵalakwe mwanace.”