Jwak 9:9 - Chiyawo Bible

⁹ Msangalaleje ni ŵakongwe ŵamkusimwanonyela pa masiku umi wenu wangali matewu, uŵampele Mlungu pa cilambo capasi pano. Pakuti yeleyi ni yenu pa umi awuno, ni pa masengo genu gakupweteka gimkusakamulaga pa cilambo capasi pano.

Jwak 9:9 Iomraidhean Croise

Genesesi 26:8

Ali atemi kweleko ndaŵi jajilewu, Mwenye Abimeleki jwa Afilisiti ŵalingwile pewindo kulola kusa, ni ŵam'weni Isaki ali amkumbatile Labeka.

Masalimo 144:4

Mundu ali mpela lipuje, masiku gakwe gali mpela ciwilili cangatamilisya.

Masalimo 39:5

Alole, ŵalakwe ambele masiku gamnono, ndaŵi ja masiku gangu nganigaŵa kandu pameso pawo. Kusyene, mundu jwalijose ali mpweya wamba.

Misyungu 18:22

Mundu jwapatile ŵakongwe, apatile cindu cambone, soni AMBUJE amsalalile mtima jwalakwejo.

Misyungu 19:14

Nyumba ni yipanje komboleka kupata mundu kutyocela kwa acinangolo, nambo jwamkongwe jwalunda akusatyocela kwa AMBUJE.*

Jwak 2:10

Nakwete cilicose cinasakaga. Nganinalijima namsyene yakusangalasyayo, pakuti mtima wangu ŵasangalalaga ni masengo gangu gosope ginagakamwile, nipo jeleji jaliji mbote jangu.

Jwak 2:24

Pangali cindu cine cambone campaka mundu akombolece kutenda pa masengo gakwe kupunda kulya, kumwa ni kwikutila pa masengo gakwego. Namanyilile soni kuti welewu uli upile wakutyocela kwa Mlungu.

Jwak 3:13

Wosope ŵene tukwenela kulya ni kumwa ni kusangalala pa masengo gosope gitukusatenda, pakuti welewu uli mtuka wa Mlungu.

Jwak 3:22

Myoyo nayiweni kuti pangali cindu cambone cakupunda kuti mundu asangalalileje masengo gakwe, pakuti cakwe cisyesyene ni celeci. Ana ŵani mpaka apakombole kumanyilila yitiyicimtendekwela pitaciwa?

Jwak 5:18

Apano pana cindu cinaciweni kuti cili cambone nambo soni cakwenela: kuli kwambone kuti mundu alyeje, amweje, ni kusangalala pa masengo gakwe gosope gakusakamula pa cilambo capasi cino. Celeci ni cele mundu akukomboleka kuŵeceta kuti cakwe.

Jwak 6:12

Ana mundu mpaka amanyilile uli yindu yakumnonyelesya mundu kwa ndaŵi ja panandi pali cijumi jwalakwejo? Ana mundu mpaka amanyilile uli yitiyicitendekwa pa cilambo capasi cino jwalakwejo pitaciwa?

Jwak 7:15

Pa umi wangu wangali matewu nayiweni yindu yosope. Naweni kuti ŵandu ŵambone akusawa mwacitema ligongo lyakutenda yindu yambone, nipo naweni ŵandu ŵangalumbana ali mkutama ni umi kwa ndaŵi jelewu, yakusakalayo ali mkutendape.

Mala 2:15

Ana ngaŵa Mlungu juŵamtesile m'mwejo ni ŵamkwenu kuŵa cilu cimo ni mu msimu soni? Nambi Mlungu akusaka cici pakutenda myoyo?